![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0f/South_America_%2528orthographic_projection%2529.svg/langnew-640px-South_America_%2528orthographic_projection%2529.svg.png&w=640&q=50)
दक्षिण अमेरिका
महादेश / From Wikipedia, the free encyclopedia
दक्षिण अमेरिका (स्पेनी भाषा: América del Sur; पोर्चुगिज: América do Sul) उत्तर अमरीकाया दक्षिण पूर्वय् स्थित पश्चिमी गोलार्द्धया छगू महाद्वीप ख:।[1] दक्षिण अमेरिका उत्तरय् १३० उत्तरी अक्षांश (ग्यालिनस अन्तरीप) निसें दक्षिणय् ५६० दक्षिणी अक्षांश (हर्न अन्तरीप) तक्क व पूर्वय् ३५० पश्चिमी देशान्तर (रेशिको अन्तरीप) निसें पश्चिमय् ८१० पश्चिमी देशान्तर (पारिना अन्तरीप) तक्क विस्तृत दु।[2] थ्व महादेशया उत्तरय् क्यारिबियन सागर व पनामा नहर, पूर्व व उत्तर-पूर्वय् आन्ध्र महासागर, पश्चिमय् प्रशान्त महासागर व दक्षिणय् अण्टार्कटिक महासागर ला।[3] भूमध्य रेखा थ्व महादेशया उत्तरी भागं व मकर रेखा मध्यं वनि। थुकिया कारणं थ्व महादेशया अधिकांश भाग उष्ण कटिबन्धय् ला। दक्षिण अमेरिकाया उत्तर निसें दक्षिण तक्कया हाकः लगभग ७,२०० किलोमीटर व पश्चिम निसें पूर्व ब्या ५,१२० किलोमीटर दु। हलिमया थ्व प्यंगु दक्ले तःधंगु महादेश ख। थ्व महादेश आकार कथं भारत स्वया ६ गुनाति तःधं। पनापा नहरं थुकियात पनामा नहरय् उत्तर अमरीका महादेश स्वया अलग याइ तर पनामा देशयात आधिकारिक कथं धाःसा उत्तर अमरीकाय् कायेगु या।[4][5][6]
![]() | |
क्षेत्रफल | १,७८,४०,००० किमी२ |
---|---|
जनसंख्या | ३८,२०,००,००० |
जनघनत्व | २१.४ प्रति किमी२ |
मनुतेगु संज्ञा | दक्षिण अमरीकी, अमेरिकन |
देय् | १२ (List of countries) |
पराधीन लागा | ३ |
भाषा | भाषातेगु धलः |
ई लागा | UTC-2 निसें UTC-5 |
तःधंगु नगर |
{{{1}}}
|
३२,००० किलोमीटर हाकः समुद्रतट दूगु थ्व महादेशया समुद्री तट सीधा दु, तटय् द्वीप, प्रायद्वीप व खाडीत म्हो जु गुकिलिं याना बांलाःगु बन्दरगाहया अभाव दु। खनिज व प्राकृतिक सम्पदाय् तःम्हि थ्व महाद्वीप उष्ण व आद्र जलवायु, गुं, पठार, जङ्गल व मरुभूमिया उपस्थितिया कारणं यक्व विकसित मजुनि। थन हलिमया दक्ले ताःहाकगु च्वापुगुं-श्रेणी एण्डिज पर्वतमाला व दक्ले तःज्जागु थासय् १२ला हे ति जुया च्वनिगु टिटिकाका पुखु नं दु। भूमध्यरेखाया नापं पेरू देशय् चिम्बोरेजो व कोटोप्याक्सी नामक हलिमया दक्ले तःज्जाःगु ज्वालामुखी गुं दु। थ्व समुद्र सतह स्वया लगभग ६,०९६ मिटर च्वे ला। अमेजन खुसि, ओरीनिको, रियो दि ला प्लाता थनया मू खुसि ख। दक्षिण अमेरिकाया मेमेगु खुसिइ ब्राजिलया साओ फ्रान्सिस्को, कोलम्बियाया म्यागडालेना व अर्जेन्टिनाया रायो कोलोरेडो ला। थ्व महाद्वीपय् ब्राजिल, अर्जेण्टिना, चिली, उरुग्वे, पाराग्वे, बोलिभिया, पेरू, इक्वेडोर, कोलम्बिया, भेनेजुएला, गायना (ब्रिटिश, डच, फ्रेञ्च) आदि देश ला।