सिद्धिदास महाजु नेपालभाषाया महाकवि खः। सिद्धिदास महाजु नेपाल भाषा साहित्य इतिहासया पुर्नजागरण कालया चिनाखँमि खः। थ्वय् कलं ५० गू मल्याक नेपाल भाषाया कृति च्वयादीगु दु । नेपालभाषाय् आधुनिक कथं चिनाखँ च्वयेगु ज्या न्ह्याकादीम्ह मनू वय्कः हे खः। वय्कलं नेपालभाषाय् आधुनिक बाखंया विधा नं न्ह्याकानादिल। वय्कलं रामायण थेंन्यागु महाकाव्य नेपालभाषाय् हिलादिया साहित्यया हलिमय् नेपालभाषायात योगदान यानादिल ।
व्यक्तिगत जीवनी
वय्कःया जन्म ने॰स॰ ९८७ यंलागाः दुतिया खुनु जुगु खः। वय्कःया अबु लक्ष्मीनारायण महाजु व मां हर्षलक्ष्मी महाजु खः। वय्कःया थाय्बाय् क्वाछेँ ननि, केल त्वाः, येँ ख। वय्कःया तिरिमय्जु गंगादेवी/ हाकुनानी खः । वय्कः मदुगु तिथि ने॰स॰ १०५० कछलागा बालाचह्रे खुनु ख।
कृति
वय्कलं च्वयादिगु सफूत थ्व कथं दु [१]-
पद्य
- महाकाव्य - सिद्धि रामायण (१०२६-३४)
- खण्डकाव्य - सत्यसति (१०३३), शिवपिनास (१०५०)
- कोषकाव्य - शुकरम्भा संवाद (१०३६), सनातन धर्म (१०३८), सप्तस्तुति (१०३८), सञ्चय (१०४५) आदि।
- मुक्तक काव्य - नेपालभाषा पत्रिका (प्र. १०४५), कालचक्र (प्र. १०४९) आदि।
गद्य
- आत्मकथा - सिद्धिदास थःगु मिखाय् (१०४० पाखे)
- बाखं - शिवविलास (१०४० पाखे)
- निबन्ध - सर्वबन्धु (१०४३, नेपाली नं)
रचनात्मक कृति / साहित्योत्तर वाङ्मय
- छन्द शास्त्र - सूक्ष्म छन्द (१०४७), सरल छन्द बोध (१०३४)
- कामशास्त्र - सत्यमदन (१०४५)
- संचार - समाचार (१०४१)
- वाणिज्य - स्वदेशवस्त्र (१०४२)
- व्याकरण - सिद्धिव्याकरण (१०४६)
- विद्युत - विजुली (१०३६ अप्राप्त)
- ज्योतिष-मुहूर्त चिन्तामणि (१००१ पाखे अप्राप्त।)
लिधंसा
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
