From Wikipedia, the free encyclopedia
मुसा मानुष जोन स्टेनबेक द्वारा लेखिएको एक लघुउपन्यास हो। [1][2] १९३७ मा प्रकाशित, यसले जर्ज मिल्टन र लेनी स्मल, दुई विस्थापित खेत कामदारहरूको अनुभवहरू वर्णन गर्दछ, जो संयुक्त राज्य अमेरिकाको महामन्दीको समयमा नयाँ रोजगारीका अवसरहरूको खोजीमा क्यालिफोर्नियामा एक ठाउँबाट अर्को ठाउँमा सरिरहेका हुन्छन्।
![]() पहिलो संस्करण आवरण | |
लेखक | जोन स्टेनबेक |
---|---|
अनुवादक | गनेस पौडेल (नेपाली, २०२०) |
आवरण कलाकार | रस म्याक्डोनल्ड |
देश | संयुक्त राज्य अमेरिका |
भाषा | अङ्ग्रेजी |
प्रकाशक | कोविची फृएडे |
प्रकाशित मिति | १९३७ |
पृष्ठ | १०७ |
स्टेनबेकले १९१०औं दशकमा किशोरोवस्थामा प्रवासी खेती मजदुरहरूसँग काम गर्ने आफ्नै अनुभवहरूमा आधारित उपन्यास रचेका हुन्। लघुउपन्यासको शीर्षक प्रख्यात कवि रोबर्ट बर्न्सको कविता "टु ए माउस (To a Mouse)" बाट लिइएको हो, जसको एउटा श्लोक छ: "द बेस्ट लेड् स्किम्स् ओ' माइस् एन्' मेन्, ज्ञाङ अफ्ट् एग्ले (The best laid schemes o' mice an' men / Gang aft agley)", अर्थात्: मुसा र पुरुषहरूको उत्तम राखिएको योजनाहरू / प्रायः अव्यवस्थित हुन्छन्।
मुसा मानुष अमेरिकाका धेरै बिद्यालयहरूमा पढाइने पुस्तक भएता पनि, [3] अश्लीलताको को आरोप मा बारम्बार प्रतिबन्धित भएको छ भने कोहीले भने यसको आपत्तिजनक तथा नश्लवादी भाषा मा आपत्ति जनाएका छन्। र फलस्वरूप, यो लघुउपन्यास अमेरिकी पुस्तकालय संघको२१ औं शताब्दीको सबैभन्दा विवादित पुस्तकहरूको सूचीमा सूचिकृत छ। [4]
गनेस पौडेल ले यस लघुउपन्यासको नेपाली अनुवाद गरेका हुन्, जुन ११ अक्टोबर २०२० मा प्रकाशित भएको थियो।
क्यालिफोर्नियामा दुई मजदुरहरू - जर्ज मिल्टन, एक बुद्धिमान तर अशिक्षित मानिस, र लेनी स्मल, एक ज्याङ्गो, बलियो तर मानसिक रूपमा असक्षम मानिस - महामन्दीको समयमा रोपाइँको कामको लागि क्यालिफोर्नियाको एक भागबाट सोलेडाड भन्ने बस्ती तिर जाँदै छन्। उनीहरूको भविष्यम एक दिन आफ्नै घर र घडेरी जोड्ने सपना छ। लेनीको एउटा सानो सपना भने खेतमा खरायो र अन्य पाल्तु जनावरहरू पाल्नु मात्र हो, किनकि उसले नरम जनावरहरूलाई छुन र उनीहरूसँग खेल्न मन पराउँछ, यद्यपि उसले अन्जान मै प्राय तिनीहरूलाई मार्छ। यो सपना लेनीको मनपर्ने कथाहरू मध्ये एक हो, जुन जर्जले निरन्तर पुन: बताउँछन्। लेनिले अघिल्लो ठाँउ मा गल्ती गरेको हुनाले उनीहरू त्यो ठाँउ छिडेर भाग्नु परेको हुन्छ।
कथामा लेनी र जर्जको सङ्घर्षको द्वारा, महामन्दी को समयमा अमेरिकाको श्रमिक वर्गको जिवनस्तर प्रस्तुत गरिएको छ।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.