रामेश्वर श्रेष्ठ

रामेश (वास्तविक नाम रामेश्वर श्रेष्ठ) नेपाली संगीतकार तथा गायक हुन् ।

प्रारम्भिक जीवन

रामेश्वर श्रेष्ठको जन्म आमा शिवलक्ष्मी श्रेष्ठ र बाबु कर्णबहादुर श्रेष्ठको कोखमा विक्रम सम्वत २००१ साल असार ८ गते पाल्पाको तानसेनमा भएको थियो। उनका पिता माल अड्डाका हाकिम भएका कारण बाबुसँगै यिनी देशका विभिन्न ठाउँमा पुगेका थिए। ^[१]

विक्रम सम्वत २०१९ सालमा रेडियो नेपालमा राष्ट्रव्यापी लोकगीत प्रतियोगितामा भाग लिई संगीत क्षेत्रमा देखा परेका थिए। उनी केही समय रेडियो नेपालको जागिर खाएर ओखलढुंगा र खोटाङका विद्यालयमा पढाएका थिए।

नेपाली संगीत क्षेत्रमा पहिले राल्फा समुह बनाएर काम गरेका रामेश पछि राल्फा छोडेर आस्था समुह खोलेका थिए। ^[२] गीत संगीतबाट चेतना फैलाउने उद्धेश्यले राल्फा समुह खोलिएको थियो। यसमा गीतकार तथा कवि मञ्जुल, लेखक तथा गायक गणेश रसिक लगायतको सहभागिता थियो। ^[३]

गीत

उनले सयौं जागरण गीतहरू गाएका छन्।^[४] रामेशका गीतमा जागरणका स्वरको प्रधानता पाइन्छ ।

• गाउँ गाउँबाट उठ
• आऊ मिलाऊँ हाम्रा हातहरू
• सुनको बिहान
• गाई त बाँध्यौ ढुंग्रोमा मोही छैन
• कोही त भने जहाजमा हरर

उनको गायनयात्रा समेटेर नामक बृत्तचित्र बनाइएको छ । ^{[५] [६]}

उनले चलचित्र बलिदान को पटकथा संवाद लेखेका थिए। त्यस चलचित्रको संगीत र पार्श्व गायन समेत गरेका थिए। ^[७]

यो पनि हेर्नुहोस्

• नारायण भक्त श्रेष्ठ