जुली कुमारी महतो

जुली कुमारी महतो^[१] एक नेपाली राजनीतिज्ञ तथा पूर्व महिला, बालबालिका तथा ज्येष्ठ नागरिक मन्त्री हुन्।^[१] उनी नेपालको सङ्घीय संसदको प्रतिनिधि सभा सदस्य हुन्। उनी नेकपा एमालेबाट^[२] समानुपातिक प्रतिनिधित्व प्रणालीबाट निर्वाचित भएकी हुन्।^[३]

जुली कुमारी महतो
महिला, बालबालिका तथा ज्येष्ठ नागरिक मन्त्री
कार्यकाल सन् २०२० डिसेम्बर २५ – सन् २०२१ जुन ४
राष्ट्रपति	विद्यादेवी भण्डारी
प्रधानमन्त्री	खड्गप्रसाद ओली
प्रतिनिधि सभा सदस्य
कार्यकाल सन् २०१७ – सन् २०२१
निर्वाचन क्षेत्र	समानुपातिक प्रणाली
व्यक्तिगत विवरण
राष्ट्रियता	नेपाली
राजनीतिक दल	नेकपा (एमाले)

नेपालको दोस्रो संविधानसभाको निर्वाचनमा उनी नेकपा एमालेबाट धनुषा–३ निर्वाचन क्षेत्रबाट उम्मेदवार भएर चुनाव लडेकी थिइन् तर उक्त निर्वाचनमा उनी नेपाली कांग्रेसका उपसभापति विमलेन्द्र निधिसँग पराजित भएकी थिइन्।^[४]

नेकपा एमालेको लामो समयदेखि सदस्य रहेकी उनी सन् २०१९ मा नेकपा एमाले र नेकपा (माओवादी केन्द्र)को एकीकरणबाट बनेको नयाँ पार्टी नेपाल कम्युनिष्ट पार्टीको लागि धनुषा जिल्लाको 'सह-इन्चार्ज' नियुक्त भएकी थिइन्। नेपाल कम्युनिष्ट पार्टी लामो समयसम्म टिक्न नसकेर सन् २०२१ मार्च ८ मा विघटन भएको थियो।^{[५][६][७]}

निर्वाचन इतिहास

निर्वाचन	वर्ष	निर्वाचन क्षेत्र/स्थानीय तह	नतिजा	मत	राजनीतिक दल	स्रोत
दोस्रो संविधानसभा	वि.सं. २०७०	धनुषा–३	पराजित	१३,५३९	नेकपा एमाले