From Wikipedia, the free encyclopedia
De Zeuvenwoolden (Nederlaans: Zevenwouden, Fries: Sânwâlden) was naost Oostergo en Westergo ien van de drie goën van Frieslaand.
Omdat Bornego ok uutmekeervul in de 14e ieuw, doe et opsplit wodde, was d'r in et zuden van Frieslaand verlet an een ni'j verbaand. Dit verbaand wodde an 't beginne van de 15e ieuw sleuten tussen de Bornegose dielen Bornferd en Schoterlaand en et Westergose Doedingwerstal. Dit verbaand beston oorspronkelik uut zeuven dielen: Bornferd wodde Utingerediel, Aengwirden en Haskerlaand, van Schoterlaand wodde et kustdiel doe Oosterzeesterlaand, en van Doedingwerstal, dat Doniawerstal wodde, wodde et kustdiel Mirderlaand.
In de 15e ieuw had dit ni'je verbaand niet veul invloed op de Friese poletiek, die was veural richt op Oostergo en Westergo. Mar doe Gaasterlaand, Opsterlaand en de Stellingwarven omdebi'j et jaor 1500 bie et verbaand kwammen wodde et een go mit dezelde rechten as de aandere twie. De laeste veraanderings in de saemenstelling weren et saemengaon van Mirderlaand en Oosterzeesterlaand tot de Lemster Vuufge, laeter Lemsterlaand, wiel aandersomme de Stellingwarven de grieteni'jen Ooststellingwarf en Weststellingwarf wodden.
| De tien grieteni'jen van Zeuvenwoolden | |
|---|---|
| 1 | Utingerediel |
| 2 | Aengwirden |
| 3 | Doniawerstal |
| 4 | Haskerlaand |
| 5 | Schoterlaand |
| 6 | Lemsterlaand |
| 7 | Gaasterlaand |
| 8 | Opsterlaand |
| 9 | Ooststellingwarf |
| 10 | Weststellingwarf |
| Ien stad | |
|---|---|
| S | Sloten |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
