Westergo is een oolde gouw in de perveensie Frieslaand. Vrogger was et iene van de Zeuven Zielanen en iene van de drie gouwen die in de tegenwoordige perveensie Frieslaand liggen. De aandere twie bin Oostergo en Zeuvenwoolden.
An de oostziede greenst Westergo an de Middelzee mit an de aandere ziede Oostergo. Zudeliker was de greens oorspronkelk mit Boornego. Laoter wodde dit gebied opheven en ontston Zeuvenwoolden. De aandere greenzen weren de kusten.
Westergo is omenbi'j 1200 opdield in Franeker, Wildinge en Wymbrits. Franeker en Wildinge hadden meugelik et oorspronkelike Westergo vormt, tot Wymbrits d'r-bi'j kwam doe in de loop van de 12e ieuw t Zudergo as ienhied verdween.
Van Franeker wodde de opsplitsing in de Vuufdielen al in de 13e ieuw zo belangriek dat de naeme "Franeker" veur et laand an et ende van die ieuw al niet meer bruukt wodde.
Omenbi'j 1500 was Et Bildt in et noorden bi'j Westergo kommen, mar deur de oprichting van de Zeuvenwoolden was et Gaasterlaand, Doniawerstal en Lemsterlaand in et zuden kwietraokt. Veerder weren uut et gebied van Westergo acht steden opkommen. Harlingen en Franeker weren opkommen in et gebied van de Vuufdielen. Bolsward was opkommen an de oostziede van Wildinge, mit Woonserediel, et zuudpunt was Workum en Hindeloopen wodden. De rest van Wymbrits is uutmekaar valen in drieje steden en zes laandsdielen. Stavoren, Sneek en Ielst weren zelsstaandige steden wodden, mar de zes laandsdielen vormden de twie ni'je gemientes Wymbritserediel en Hemelumer Ooldeferd (en Noordwoolde).
| De 9 laandsdielen van Westergo | |
|---|---|
| 1 | Menaldumediel |
| 2 | Franekerediel |
| 3 | Barrediel |
| 4 | Baarderediel |
| 5 | Hennaarderediel |
| 6 | Woonserediel |
| 7 | Wymbritserediel |
| 8 | Hemelumer Ooldeferd |
| 9 | Et Bildt |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
