Germaanse stam From Wikipedia, the free encyclopedia
De Nerviërs (Latien: Nervii) waren rond 't begun van de jaortelling en in de eerste ieuwen daornao een Germaanse stam die lèefde in 't hudige België en Noord-Fraankriek. Ze waren ien van de stammen die deur de Romeinen de Belgae enuumd wördden, een verzamelname veur de Keltische en Germaanse bewoners van Gallia Belgica.
In de tied van de veraovering van heur gebied deur Julius Caesar lèefden de Nerviërs in wat now 't middenstok van België en een stok van Fraans-Henegouwen in Noord-Fraankriek is. Ten westen van heur hadden de Nerviërs de revier de Schelde en ten oosten de revier de Samber. Ze hadden 't veur 't zeggen op een belangriek part van de Via Belgica, de grote heerweg van Colonia Agrippina (Keulen) naor Samarobriva (Amiens).
Wat der bekend is aover de Nerviërs, kump miest uut de Romeinse geschiedschrieverije. Volgens Caesar waren de Belgische stammen de dapperste van Gallië en waren de Nerviërs van alle Belgae 't drokst op stried. As der houwerije was, reisden Nervische kriegers wal ies hiele enden um mit an te kunnen doen.
Caesar miende wieder det ze, as volk in 't varre noorden, nog relatief onbedörven waren deur de beschaving. Heur cultuur nuumde hij spartaans: ze drunken gien alcohol, want um dapper te wezen mus ie der de kop bij holden. Handelaars van buten hölden ze niet van. Hegen waren typisch veur heur laandschop, wat meneuvels veur vijaanden te peerd lastig mus maken; de Nerviërs zölf vöchten niet te peerd.
De Nerviërs maakten diel uut van een verbond van Belgische stammen die heur in 57 v.Chr. tegen Caesar verzetten. Ok deuden ze in 54-53 v.Chr. mit an een mislokte opstaand tegen de Romeinen onder Ambiorix, leider van de Eburonen. An dizze opstaand deuden verscheiden kleinere stammen mit die onder Nervisch bewind stunden. Naodet 't gebied van de Nerviërs bij 't Romeinse Riek wördden edaone, raakte de stam staorigan eromaniseerd.
't Rond 30 v.Chr. estichte Bagacum (Bavay), now in Noord-Fraankriek körtbij de Belgische grèenze, diende as heufdplaatse van de Romeinse civitas van de Nerviërs. Nao anvallen deur de Fraanken vanuut 't noorden wördden der een wat zudelijkere heufdplaatse anewezen, Camarcum (Cambrai). 't Lek derop det in de viefde ieuw de Fraanken 't veur 't zeggen kregen in 't laand van de Nerviërs.
 |
Dit artikel is eschreven in 't Zuudwest-Drèents. |
| Germoanse volken |  |
|---|---|
|
Allemannen · Ambronen · Ampsivoaren · Angelen · Angrivari'jers · Asdingen · Batoaven · Bajuwoaren · Boi'jers · Bructeren · Boergondi'jers · Cananefoaten · Chamoaven · Chasuarie · Cherusken · Cimbren · Dulgubnie · Eburonen · Fosie · Franken · Fresen · Gepieden · Goten · Harie · Helisi'jers · Herulen · Hermunduren · Jeuten · Kwaden · Lakringen · Langebaarden · Lemovi'jers · Lugi'jers · Manimi'jers · Markomannen · Marobudui · Mattiakken · Naharvoalen · Nemeten · Nerviërs · Ostrogoten · Rugiërs · Saksen · Semnonen · Silingen · Sitones · Sjatten · Sjouken · Skiren · Sueben · Suionen · Sugambren · Tenkteren · Teutonen · Toxandriërs · Treverie · Triboken · Tubaantn · Tudri · Ubi'jers · Usipeten · Vandalen · Vangionen · Visigoten · Volcae · Warnen |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
