Jan Rozendom in Riessen bekeand as Jan van de Waander (1921 - 1990)[1]), was nen Tweantsen dichter, den't vake met zinne gedichtn in et domoalige Riessens Niejsblad steund. Hee skreef in t Riessens, met vake nen stichteliken inhoold.
Rozendom was nen gerefformeerden. Hee skreef doarumme ook oawer eenvoold, te völle egenzinnigheaid, ondaankberheaid, wat blik oet gedichten as "A'j hoge stoat, kö'j lege valn", "Viej weett t zo good" en "Staank vuur daank". Doarnöast har he körte verhaalkes op riem.
Rozendom har geveul vuur ritme. De meeste van ziene gedichten hebt een strak metrum van veer um dree jamben de regel. Hee skreef met Koarel zinne skriefwieze, al har hee den neet helemoal good oonder 't knee: In 1971 köm zinnen gedichtenbeundel Roozeknúpkes (Rozeknöpkes) oet, met et streepken op de ú de verkeerde kaante op, al was he doar wal konsekweant in.
Doarbiej was'e nog vuurzitter van t Riessens Männenkoor en de Oold Strieders '40-'45 en deed hee vanoet de Hervörmde Koarke völle vuur de gemeenskop in Riessen en Ealsen.
Fragment
Det kon neet
- Getjan keek zik de oongne oet,
- Was vuur de eerste keer
- In 'n dierntuin, vreug um 'n haverklap
- En wat is det vuur 'n deer.
- Nen aap, ne leeuwe en nen wolf,
- Nen olifant, nen bear,
- Nen buffel, zebra, krokodil,
- En nog zoovulle mear.
- ...
Woark
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
