From Wikipedia, the free encyclopedia
De Tubaantn, Tubanti of Tuihanti/Tvihanti warn nen Germaansen stam den at zik volgens de oolde tradisjonele geskiedenisse zo um en noabie t begin van n joartelling in t Oost-Neerlaand van rechtevoort zol vestigd hebn. Dr is weainig van öar bekeand. Wellich umdet ze weainig verskel maaktn, of umdet öare deelname an gevechtn zo kleain was det ze neet vake neumd wördn.
Op ne roondgaank duur Noord-West Europa van Germanicus in 14 noa Kristus, wör n germaansen stam de Marsi an evöln duur t Romeinse leager. De Bructeri, Usipeti en Tubanti treukn dr hen um de Marsi te helpn, mear ze verlöarn dee stried.
Eankele hoonderdn joarn later kömn de Tubanti wier in anraking met t Romeinse leager. Kets van t rabbat ebracht duur de ongeveuligheaid en hartvochtigheaid van n Romeinsen keaizer Konstantijn dn Grootn bie den zin anval op de Bructeri (308) kömn verskeaidene Germaanse stemme bie mekoar (ook de Tubanti) um t Romeinse Riek an te valn. Konstantijn slachn öar of.
Eankele joarhonderdn later gungn de Tubanti duur inmenging op in t grote stamverbaand van de Saksn.
Dr beent archeologise bewiezn det de Tubanti al lange van metaal- en Stoalmaakn wusn. De groondstof oer keump völle vuur in Tweante. De leaftied van de stoalmakeriejn geet terugge tot 280-350.
Rechtevoort kö'j Tubantia nog wierveendn in n naamn van t dagblad De Twentsche Courant Tubantia, de voetbalvereniges H.V.V. Tubantia (Hengel) en Tubantia Borgerhout (Antwoarpn), Voetbal en Athletiek Club De Tubanters oet Eanske, de Twentse Roeivereniging Tubantia (Hengel), Padveenderieje De Tubanten (Almelo) en de skeetverenige Tubantia (Riesn); de Tubantiasingel en Tubantiastroate in Eanske en in n naamn Tweante.
De Tubanti wordt aait in eenn oadm eneumd met de Tuihanti. In t doarde joarhonderd vöchtn ne groepe Tuihanti vuur n Romeinsen keaizer, in ne Freeske Ruutersofdelige den at eleagerd was bie Vercovicium, wat non bekeand is as Housestead in t Verenigd Keuninkriek, kort bie de Mure van Hadrianus. Doar beent twee altaarsteender eveundn, dee at beskreewn beent met de tekstn:
DEO MARTI THINCSO ET DVABVS ALAESIAGIS BEDE ET FIMMILENE ET N AVG GERM CIVES TVIHANTI V S L M
(= An n god Mars Thincsus en de beaide Alaesiagae, Bede en Fimmilene en n verheewn geest van n keaizer. De Germaanse oonderdoann de Tuihanti/van Tuihantum (oet vrieje mood en earbeed öarn eed zwearnd))
DEO MARTI ET DVABVS ALAISIAGIS ET N AVG GER CIVES TVIHANTI CVNEI FRISIORVM VER SER ALEXANDRIANI VOTVM SOLVERVNT LIBENT
(An Mars en de beaide Alaisiagae en n verheewn geest van n keaizer. De Germaanse oonderdoann de Tuihanti/van Tuihantum, van de ruuterofdelige van de Freesken van Vercovicium vuur Severus Alexander (oet vrieje mood en earbeed öarn eed zwearnd))
Den Mars of Mars Thincsus den at hier eneumd wörd, wörd meestieds in eenn oadm eneumd met n Germaansn god *Twiwaz (Ooldhoogduuts: Zio, Ooldnoors: Tyr), an den a'w nog aait oonzen Deenksdag te daankn hebt. Oawer de beaide Alaisiagae, Bede en Fimmilene is wieters niks bekeand.
Germoanse volken | |
---|---|
Allemannen · Ambronen · Ampsivoaren · Angelen · Angrivari'jers · Asdingen · Batoaven · Bajuwoaren · Boi'jers · Bructeren · Boergondi'jers · Cananefoaten · Chamoaven · Chasuarie · Cherusken · Cimbren · Dulgubnie · Eburonen · Fosie · Franken · Fresen · Gepieden · Goten · Harie · Helisi'jers · Herulen · Hermunduren · Jeuten · Kwaden · Lakringen · Langebaarden · Lemovi'jers · Lugi'jers · Manimi'jers · Markomannen · Marobudui · Mattiakken · Naharvoalen · Nemeten · Nerviërs · Ostrogoten · Rugiërs · Saksen · Semnonen · Silingen · Sitones · Sjatten · Sjouken · Skiren · Sueben · Suionen · Sugambren · Tenkteren · Teutonen · Toxandriërs · Treverie · Triboken · Tubaantn · Tudri · Ubi'jers · Usipeten · Vandalen · Vangionen · Visigoten · Volcae · Warnen |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.