vörm van hydrotherapie From Wikipedia, the free encyclopedia
De Kneippkuur, ok wal kneippen enuumd, is een vörm van hydrotherapie (geneeskunde mit gebruuk van water), uuteprakkezeerd deur de Duutse priester Sebastian Kneipp (1821-1897). Kneipp predikte 't kuren mit netuurlijke middels volgens scharp umliende principes. Onderdiel van de kuur bint onder meer baden in ofwisselnd warm en kold water en blootstelling an zunlocht en gezonde locht. Wieder betrök Kneipp in zien therapie 't gebruuk van plaantaordige stoffen, beweging en anbevelings op 't gebied van voeding.
WIKIPEDIA kan der nit vöär instån dat de inhold van artikels kloppet. As jy wat mankeret, kün jy et beste eaven by een dokter angån. |
In 2015 wördden in Duutslaand de Kneippkuur erkend as immaterieel cultureel arfgoed;[1] 't aandere jaor volgde wereldwiede erkenning deur de UNESCO.[2]
Een centraol bestaanddiel van de Kneippkuur is 't Wassertreten: mit tussenpozen deur kold, ondiep water stappen, de voeten hoog optrekkend. Een aander bestaanddiel bint de Kneippgüsse. Daorbij wördt verscheiden dielen van 't lief, zoas de rogge of de nakke, behaandeld mit waterstraolen mit lege drok en verschillende temperaturen.
Kneippkuren wördt edaone um gezondheidsklachten te behaandeln dan wal um die veur te wezen. De warkzemheid van 't Kneippkuren is niet bewezen. Wal kan 't verlichting brengen veur een köppeltien andoenings, zoas spataoders.[3] Een kleinschaolig onderzuuk stelde verbetering vast van de levenskwaliteit van bronchitispatiënten bij riegelmaotig Kneippkuren.[4]
Der bint Kneippkuuroorden, en Kneipp-Anlagen (bouwsels en structuren) zowal binnen as buten kuuroorden, veur 't kuren volgens Kneipp zien principes. Ien zo'n Anlage is de Wassertretstelle, een bassin veur 't wassertreten. 't Bassin is veurzien van een metalen of holten hekkien waordeur patiënten heurzölf in evenwicht kunt holden.
Ok in de netuur, vake langs kuierroutes, viej in Duutslaand zokse Wassertretstellen. In Bokriek, een buurtschop in de Vlaamse gemiente Genk, wördden een kleinschaolig Kneippkuuroord opericht. Allent de Kneippstraote herinnert nog an dizze episode.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.