Heino (Roalte)
From Wikipedia, the free encyclopedia
Heino is n doarp in de Sallaandse gemeente Roalte, in Oaweriessel. t Hef ongevear 7000 inwonners[1]. t Lig tusken Zwolle en Roalte an de N35. Op t zuudn van de bebouwing hef t n NS-Stasjon, an de liene Zwolle-Almelo.
| Heino | |||||
doarp in Nederlaand  | |||||
| |||||
| Bestuur | |||||
| Provinsie |  Oaveriessel | ||||
| Gemeente | Roalte | ||||
| Geografie en bevolking | |||||
| Inwonners | 7000 (?) | ||||
| Koordinaten | 52° 26′ N, 6° 14′ O | ||||
| Aoverig | |||||
| Netnummer | 0572 | ||||
| Postkode | 8140 - 8141 | ||||
| Offisiële webstae | |||||
| www.raalte.nl | |||||
t Eerste moal at Heino neumd wörd is in ne oorkoonde van de Bisskop van Utrecht, oet t joar 1236. De doomoalige boerskop wör Ter Heyne neumd. t Is pas n echt doarp seend t 17de joarhoonderd. Vanof n Tweedn Wearldoorlog is t doarp beheurlik egröaid, en in Heino hopt ze at det in t 21ste joarhoonderd zo verdan geet.
Töt an de gemeentelike herindeling van 1 januwoari 2001 was Heino ne zeelfstaandige gemeente. Dee gemeente besteund oet de kerne Heino, Lierderhoolthoes en Leeg Zuthem en har n totaal oppervlak van 36,23 km². t Vuurmoalige gemeentewoapn, met n ploogiezer van zilver en dree kloawerblaadn in natuurlike kluur, gavn an at Heino ne gemeente was van heuwdzakelik boernleu.
- Laanderiejn. Kort bie t doarp lignt wat laanderiejn, zo as 't Rozendael en 't Nijenhuis. Den lestn ligt op t zuudn van Heino en wörd in eegn behear oonderhooldn.
- Museum. In Kasteel Ni'jenhuus, wat heurt an de Proveensie Oaweriessel, zit t museum vuur beeldnde keunst De Fundatie.
- Natuurgebeed. n Colckhof is n natuurgebeed wat beheard wörd duur Natuurmonumenten.
- Leugenpompe. n Zeensweardigheid in t sentrum van Heino is de Leugnpoompe. Disse doarpspoompe gef volgns t volksverhaal allene water an leu met n zuwer gemood.[2] Rechtevoort gef de poompe tooverdan water tiedns de Pompdagen, t doarpsfeest van Heino.
- Johannes ter Pelkwijk (26 augustus 1769), stoatsman
- Arnold Adolf Bentinck van Nijenhuis (17 april 1798), minister, diplomaat en gezaant
- Petrus Drabbe (4 juni 1887), zeandingswoarker
- Albert Jan Maat (8 februwoari 1953), oold-politikus
- Sophie Nijman (16 april 1986), langebaanskaatsster
- Joran Pot (20 januwoari 1989), profvoetballer bie FC Tweante, RBC Roosendaal, FC Zwolle en Go Ahead Eagles
- Ines Roessink (20 meart 1992), voetbalster
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
