From Wikipedia, the free encyclopedia
Eierkuuln is ne tradisie in Tweante en Sallaand um Poasken. Dr zeent twee variaantn van:
Vanof nen boarg kuult teegnspöllers oawer ne glad-estrekne bane met hart ekokte eier. Denne woervan as t ei t vearste rolt, hef ewunn. Den krig t t ei van de teegnspöller. Bie n aandern variaant probeert teegnspöllers um t vurige ei met t eegne ei te raakn. Dit lik op t Fraanske Jeu Des Boules [1] en wörd ook wal eiertikn eneumd.
t Poaskefeest hef n antal van oorsproonk heednse invloodn, dee as allemoal van de oolde Sassiese Ostarafeestn komt. t Ei is n symbool vuur niej leawn, vandoar det det völle in t vuurjoar gebroekt wörd. Umdet in t vuurjoar de wearld wier mear kluur krig, skildert keender de eier in felle kluurn. Dit kan ook makkelik wean um ze wierumme te veendn in t grös.
Vuur Poasken an goat vrouwleu eierbuulkes höakn. Det is n netjen vuur de keender woerin as ze öare eier doon köant. Um t deenk op te rekn hangt ze vake nen sinaasappel oonderin, wat meteen n gezoond häpken is. Dit is nit gebroekelik in alle plaatsn. In wat plaatsn hooldt ze de eier ook gewoon in de haande.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.