Aa en Hunze
From Wikipedia, the free encyclopedia
Aa en Hunze is een gemeeinte in 't noordoosten van de provincie Drenthe in Nederlaand. De naom van de gemeeinte verwiest naor de rivieren de Drentsche Aa en de Hunze, die beide deur de gemeeinte stromen. De gemeeinte had op 1 jannewaori 2020 25.453 inwoners (bron: CBS) en hef een oppervlakte van 278,16 km2 (waorvan 0,18 km2 waoter). 't Gemeeintehoes steeit in Geeiten. De gemeeinte is in 1998 ontstaon deur 't samengaon van de veurmaolige gemeeinten Raol, Gasselt, Geeiten en Anlo.
| Gemeynde Aa en Hunze | ||
 |  | |
| (Vlagge van Aa en Hunze) | (Wåpen van Aa en Hunze) | |
 Lokaty van de gemeynde Aa en Hunze | ||
| Informaty | ||
| Provincy | Drenthe | |
| Höyvdplaatse | Geeiten | |
| Geografy en bevolking | ||
| Uppervlakde - Land - Water | 278,86 km² 276,74 km² 2,12 km² | |
| Inwoaner Bevolkingsdichtde | 25.453 (1 jannewoari 2020) 92 inw./km² | |
| Koordinaten | 53° 0′ N, 6° 45′ O | |
| Oaverig | ||
| Belangryke weagen | N33, N34 | |
| Netnummer | 050, 0592, 0598, 0599 | |
| Postkoden | 9443-9469, 9510-9519, 9654-9659 | |
| Officiele websteade www.aaenhunze.nl | ||
.svg)
De gemeeinte besteeit oet tweei verschillende deeilen, met elk een verschillende aachtergrond. 't Westelijke gedeeilte, met de Hondsrug derbij, beheurt tot eein van de aoldste bewoonde gedeeilten van Nederlaand. Binnen de gemeeinte liggen in totaol twaolf hunebedden. Daornaost zie'j in de umgeving van Anlo veul grafheuvels. Dit westelijke deeil wordt kenmaarkt deur een esdörpenlaandschop. Naost Anlo waren ok Raol en Balloo in de middeleeuwen vergaoderplaotsen veur de Etstooul, doou 't hoogste bestuurlijke en juridische college van Drenthe.
't Oostelijke gedeeilte van de gemeeinte hef een veul kortere bewoningsgeschiedenis. De veengebieden langes de Hunze bint vanoet de dörpen op de Hondsrug ontgonnen, veural Annen, Iekst, Geeiten en Gasselt.
De neie gemeeinte hef derveur kozen een nei waopen an te nemen, waorin gien van de waopens van de aolde gemeeinten weer is te vinden. 't Waopen besteeit oet een greuin (sinopel) vlak, waorop een tralied dubbel kroes steeit in 't gold. In 't eerste kwartier steeit een golden leliekroon. 't Waopen wordt dekt deur een golden kroon met dreei blaoder en tweei paorels. 't Wordt vastholden deur tweei reebokken.
De leliekroon in 't eerste kwartier verwiest naor Maria, die ok in 't waopen van Drenthe veurkomp, en naor 't feit dat de etstooul eerder vergaoderde in plaotsen die in de gemeeinte liggen. 't Traliede kroes verwiest naor de tweei historische heufdroutes die deur de gemeeinte lopen: Grunningen - Coevern, over de Hondsrug, en Assen - Geeiten en wieder naor Veendaam. Dat bint noou de N34 en de N33.
De gemeeintevlaag is van 't waopen ofleid. 't Greuin in de vlaag (en in 't waopen) is een verwiezing naor 't boerse karakter van de gemeeinte.
De gemeeinte Aa en Hunze hef 35 officiële kernen. 't Gemeeintehoes steeit in Geeiten.
Dörpen en gehuchten
Amen, Aandern, Anlo, Annen, Annerveensekenaol, Balloërveld, Balloo, Deurze, Iekst, Ieksterveen, Ieksterveensekenaol, Ieksterzaandvoort, Ekehaor, Eldersloo, Eleveld, Gasselt, Gasselterneiveen, Gasselterneiveensemond, Gaastern, Geelbroek, Geeiten, Geeiterveen, Grol, Marwieksoord, Nei-Annerveen, Neie Diep, Nijlande, Nooitgedacht, Aold-Annerveen, Papenvoort, Raol, Schipbörg, Schoonloo, Spiekerboor, Vredenheim
Buurtschoppen
Naost dizze officiële kernen he'j in de gemeeinte de volgende buurtschoppen:
Achter 't Holt, Baoreveld (dails), Bonnen, Bonnerveen, Bosje, Broek, De Hilte, Gasselterboerveen, Gasselterboerveensemond, Gasselterneiveensemond Eerste Dwarsdiep, Gasselterneiveensemond Tweeide Dwarsdiep, Geeiterzaandvoort, Kostvlies en Veenhof.
| Pervincie Drenthe |  | ||
|---|---|---|---|
|
 |
Commons: Aa en Hunze - plaatjes, filmkes en/of gelüüdsbestanden. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
