piatto napulitano From Wikipedia, the free encyclopedia
'A pizza è nu piatto tipico napulitano, forze, 'o cchiù canusciuto e cunzumato int' 'o munno.
'A pizza napulitana addiventaje, grazzie â spannuta soja pe 'a penisula sana e fore l'Italia, ll'embrema d'o mmagnà taliano p'o munno. È apprezzata pe' caratteristiche culinarie e sustanzionale soje e cunzigliata da' nutrizioniste, ca penzano ch'è na parte da dieta mediterranea.
'A pizza margherita cuntene nu cuofeno 'e sustanze alementarie: 'a posema d'o sciore, 'e lipide veggetale 'e ll'uoglio d'auliva, chille anemale d'a muzzarella 'e vufera o sciore 'e làtte e 'e ppruteine veggetale date d' 'a pummarola e d' 'a vasenicola. 'A pizza se còce dint' 'o furno a legna. 'A pizza tradizziunale, da' nu quantetativo d'energia justo e nu cuntribbuto apparato 'e carboidrate, grasse e fibre, custituisce nu piatto uniche scicco, ca se pô mettere pure 'int' 'e ddiete ipocaloriche.
'A pizza marenara fatta a Napule nun cuntene frutte 'e mare, ma sul' a pummarola appassata, aglio e recheta. 'O nomme vene d' 'o fatto ca 'e ngrediente, facelmente cunservabile, putevano éssere purtate d' 'e marenare p' apprepara' pizze 'int' 'o curzo d' 'e viagge luonghe lloro.
'A pizza napuletana avette, 'int' 'o 2004, 'a griffa 'e qualetà "Specialetà tradizziunale garantita" (STG). Pe se putè frisà 'e sta griffa, 'a pizza adda éssere apparecchiata cu 'ngrediente e metodiche codificate. 'N particulare, ll'unnica fatica ca pô éssere affettuata a machena è 'a priparazzione d' 'a pasta. 'O taglio pe' 'e pagnuttielle e 'o mmania' d' 'a pasta p'attenè 'o dischio hanna essere fatte a mmano.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
