From Wikipedia, the free encyclopedia
'O térmene ecomafia è nu neologgismo ngignato 'a ll'associazione ambientalista italiana Legambiente pe' putè spiecà ll'attività illegale 'e ll'organizzaziune criminale 'e tipo mafioso, ca fanno malamente a ll'ambiente.
P' 'a maggior parte songo definite ecomafie chille associaziune criminale ca fanno sorde pe' bbìa d' 'o traffeco 'e munnezze e 'o smaltimento 'e chiste.
Nutizie ncopp' 'a ll'attivita 'e chiste organizzaziune accumminciajeno a spuntà aropp' 'o 1982, quanno trasette 'a nurmativa ncopp' 'o trattamento 'e rifiute spiciale, c' 'a sagliuta d' 'o D.P.R 10 'e settembre 1982, n. 915 ("Attuazione delle direttive (CEE) n. 75/442 relativa ai rifiuti, n. 76/403 relativa allo smaltimento dei policlorodifenili e dei policlorotrifenili e n. 78/319 relativa ai rifiuti tossici e nocivi").[1]
'A primma vota dint' 'o 1991 ("Operazione Adelphi") ca se songo cunfermate sti tipe 'e reate a rossa scala. Seje omme d'affare e ammenistrature so' state cundannate d' 'a Settima Sezione d' 'o Tribbunale 'e Napule pe' ne fà abbuso d'ufficio e corruzione. Pe chiste però, 'e cárreche 'e delinguenza p'associazione mafiosa so' state luvate.
'O térmene ecomafie cumpare po', 'a primma vota, dint'a nu documento pubbrecato 'a ll'asociaziona italiana Legambiente 'o 1994, c' 'o titulo Le ecomafie - il ruolo della criminalità organizzata nell'illegalità ambientale, 'n cullaburazione cu Eurispes e ll'Arma d' 'e Carabbiniére.
Ringrazianno â cullaburazione 'e ll'associazione cu ll'Arma d' 'e Carabbiniére e dint' 'o 1997 fuje pubbrecato 'o primmo Rapporto Ecomafia 'a ll'associaziona ambientalista, e aropp'a chisto ogne anno fà 'o punto ncopp'a st'argomento.
Dint' 'o 1995 è stata istituita 'a "Commissione parlamentare d'inchiesta sul ciclo dei rifiuti".
A siconno 'o rapporto Ecomafia 2007 'e Legambiente[2], 'e bisinìsse fatte ncopp' 'o traffeco 'e munnezze fosse circa nu 23 meliàrde d'euro ogn'anno. 'E reggiune addò se riggistrano 'a cchiù grossa purzióne d' 'e reate ambientale songo 'a Campania, Sicilia, Calabbria e Puglia, 'e stisse addò stanno 'a fà aumm' aumma ll'organizzaziune mafiuse cchiù putente d'Italia.
Tipicamente pure azzeccate a sti ogranizzaziune, ato ca traffecà cu rifiute, stanno ll'atività 'e scafutà abbusivamente, 'o traffeco 'e rifiute, traffeco d'animale esotece, ll'arruòbbo 'e bene archeologgece, ll'abbusivismo edilizio a 'rossa scala e 'o crescere 'animale destinate a cumbattere.
![]() |
Pe' ne sapé 'e cchiù, vide 'a vvoce Traffeco 'e rifiute. |
Pe' quanto se spanne 'o sud Italia, llà è addò stanno mmiscate sti organizzaziune criminale, e addò 'e rifiute vann'a fernì, specialmente 'e dette pure "rotta adriatica" e "rotta tirrenica", 'a nord mmerz'a Puglia e mmerz' 'a Campania-Calabbria. Parte d' 'e rifiute s'atterra abbusivamente. Pure ô nord Italia so' cumparze campe ch' 'e rifiute: smaltimento 'e lóte tuóssece comme fertilizzante.
'E reate ponno capità a 'ogne livello d' 'o ciclo d' 'e rifiute: pruduziona, traspuorto e smaltimento. 'O pruduttore può darse che stà a dichiarà 'o favezo ncopp' 'a quantità o tipo 'e rifiute, o pe' n'ata via putesse stà mmescata n'organizzazione 'e smaltimento illegale ca 'o facesse pe' nu prezzo cchiù vascio. P' 'o traspuorto, può darse ca se scagnano 'e rifiute o 'e documente, scumparenno na carreca sana 'e munnezze. E dint'a ll'operaziune 'e smaltimento può darse c'addeventano na mbrusatùra: scagnamiente faveze, bancarotte 'e na fraveca ca se fanno c' 'a ntenzione 'e putè lassà 'a chillu pizzo rifiute e materiale ca venessero 'e nu trattamento scuóncio, o pe' putè abbandunà sti munnezze comme fosse na scàrreca abbusiva.
'O ruolo che fanno 'e mafie "tradiziunale" è generalmente mpurtante dint'a ll'atività ecomafiuse, ma spisso songo fràveche private, ammenistrature locale e uorgane 'e cuntrollo currotte ca stanno a ngignà 'e rezze ca se mmescàsseno dint'a sti reate ambientale. 'O smaltimento illegale 'e rifiute tuossece o scorie nucleare d' 'a parta d' 'e fràveche ca se so' pigliato nu determinato appalto p' 'a depurazione 'e chiste, o pure p' 'a gistione e accuóncio è canusciuto 'a Legambiente comme 'o bisnesse cchiù gruosso e pericoloso dint'a st'attività ecomafiuse.
'N Campania 'o smaltimento illegale 'e rifiute tuóssece facette scumparì 'o scatascio d' 'a Terra d''e fuoche.
Nu cuofeno d'operaziune 'e pulizzia so' state fatte pe' cumbattere 'o traffeco 'e rifiute: