![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/mzn/thumb/b/bf/%25DA%25AF%25D8%25A7%25D9%2584%25D8%25B43.jpg/640px-%25DA%25AF%25D8%25A7%25D9%2584%25D8%25B43.jpg&w=640&q=50)
گالش
From Wikipedia, the free encyclopedia
گالِش یا قوم گالش یتا گروه مردمون هسنه که نواحی کوهسونی البرز سفیدرود جا تا شرق مازرون زندگی کننه و شه ره گالش نومنه و شه زوونه گالشی نومنه.[1] گالشون شره از مازرونی و گیلک و تات جدا دوننه و وشون شیوه زندگی با مازرونی و گیلک و تات متفاوت هسه و ویشتر کوهسون دله دامداری کننه و مالدار هسنه یعنی گو و بعضا گوسفن دارننه و برخی از وشون هم کشاورزی کننه و کوهسون دله جو و گندم ویجنه. مازرونیشون مازرونه دله اکثرا کشاورزی کننه و گیلکشون اکثرا گیلانه دله کشاورزی کننه ولی گالشون اکثرا دامداری کننه. محققین گالشون مازرون ره بخشی از قوم طبری دوننه و گالشون گیلانه بخشی از قوم دیلم دوننه. گالشون گلستان شه ره طبری دوننه و مازرونی، گلک، تات و کتول واری از قوم طبری هسنه.[2] محققین قوم طبری ره به گروه های مازرونی، کوهی، گالش، گلک و تات تقسیم کننه.[3][4][5][6][7] گالش ، زوون سانسکریت دله ریشه دارنه. زوون سانسکریت دله به پاسبونی از گو ، گئورکش بوته وونه.
![Thumb image](http://upload.wikimedia.org/wikipedia/mzn/thumb/b/bf/%DA%AF%D8%A7%D9%84%D8%B43.jpg/640px-%DA%AF%D8%A7%D9%84%D8%B43.jpg)