From Wikipedia, the free encyclopedia
گالِش یا قوم گالش یتا گروه مردمون هسنه که نواحی کوهسونی البرز سفیدرود جا تا شرق مازرون زندگی کننه و شه ره گالش نومنه و شه زوونه گالشی نومنه.[1] گالشون شره از مازرونی و گیلک و تات جدا دوننه و وشون شیوه زندگی با مازرونی و گیلک و تات متفاوت هسه و ویشتر کوهسون دله دامداری کننه و مالدار هسنه یعنی گو و بعضا گوسفن دارننه و برخی از وشون هم کشاورزی کننه و کوهسون دله جو و گندم ویجنه. مازرونیشون مازرونه دله اکثرا کشاورزی کننه و گیلکشون اکثرا گیلانه دله کشاورزی کننه ولی گالشون اکثرا دامداری کننه. محققین گالشون مازرون ره بخشی از قوم طبری دوننه و گالشون گیلانه بخشی از قوم دیلم دوننه. گالشون گلستان شه ره طبری دوننه و مازرونی، گلک، تات و کتول واری از قوم طبری هسنه.[2] محققین قوم طبری ره به گروه های مازرونی، کوهی، گالش، گلک و تات تقسیم کننه.[3][4][5][6][7] گالش ، زوون سانسکریت دله ریشه دارنه. زوون سانسکریت دله به پاسبونی از گو ، گئورکش بوته وونه.
گالشون مازرون در نواحی کوهسون مازرون درنه و وشون ریشه طبری هسه. نواحی دودانگه و چهاردانگه ساری و نواحی سه هزار و دو هزار تنکابن و نواحی سوادکوه و بندپی بابل گالش نشین هسنه ولی نواحی کوهسونی بهشهر و گلوگاه اکثرا تات نشین هسه که یتا گروه طبری دیگه هسنه که گالشون جا جدا هسنه. برخی گالشون کوهسون مازرون که به جلگه مهاجرت هاکردنه در محلاتی چون گالش کلا، گالش محله، گالش خیل زندگی کننه و برخی وشون هم شهر دله ساکن بوینه. گالشون گیلون کوهسون شرقی گیلون یعنی سیاهکل و اشکورات و ارتفاعات رودسر و املش درنه و وشونه ریشه دیلمی هسنه ولی گیلکون جلگه گیلون درنه و وشون ریشه گیل هسه. گالشون گلستون غرب گلستون درنه و وشون ریشه طبری هسه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
