From Wikipedia, the free encyclopedia
هَری پاتِر (انگلیسی جه: Harry Potter) هفتتا پشت-به-پشت کتاب نوم هسته که وه ره جی.کی. رولینگ بنویشته. این رمان دله اتا جوون ِجادوکر زندگی بائوت وونه که ونه نوم «هری پاتر» هسته و ونه دِتا رفخ، «هرمانی گرنجر» و «رون ویزلی»، هم ونه همراکِت درنه. وشونان اتا جادوکری مدرسه دله درس خوندنّه که «هاگواردز» نوم دارنه. هری پاتر کلهم این سری داستانهای درون خانه اتا شرورِ جادوکر، «والدمورت» نومی، ره شکست هاده.
هری پاتر
|
اولین رمان ره این سری جا، ۳۰ ژوئن ۱۹۹۷ تنک هاکردنه و ونه نوم هری پاتر و فیلوسفر استون بییه. اینتا کتاب خله منتقدون و مردمِ دِلِوست بییه و باعث بیّه نظرات زیادی ونه په دربئه. تا ژوئن ۲۰۱۱، کتابها حدود ۴۵۰ میلیون نسخه فروش داشتنه و ۸۳ زوون جا دگارست بَینه. آخرین کتاب سال ۲۰۰۷ دربموئه و منبعد اینتا مجموعه دَوِست بیّه. اینتا کتاب نوجوونها و وچوچون وسّه بنویشت بئیبییه؛ ولی گتگتون هم ونه مشتری بَینه. هری پاتر انده طرفدار پیدا هاکرده که تا وه ره چاپ کاردنه و بازار یاردنه، مردم ونه بخریین وسّه صف کشینه.
هری پاتر داستان سر جه اتا سری فیلم هم هالیوود دله بساتنه که پرفروشترین مجموعه فیلمی هسته که هنتا بساته بیّه. این سری فیلم ره وارنر برارون بساتنه و جی.کی. رولینگ هم شه ونه بساتن سر نظر دائه. مجموعاً هری پاتر بیش از ۱۵ میلیارد دلار تجاری سود داشته.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.