مازِرون اوستان، اتا اوستان ٚنوم هسته که ئیرون شمال دله دره و مازرون دریو جنوبی کنار هدار قرار بهیته. مازرون استان ِسامون گلستون، سمنون، تهرون،
البرز، قزوین و گیلون جه محدود دانه. مازرون پرجمعیتترین مناطق از لحاظ جمعیت انبسی و غنیترینشون از لحاظ طبیعی منابع هسته. ونه چارتا گت شهرستون شرقی منطقه دله درنه و ساری، قائمشهر (شاهی)، بابل و آمل هستنه؛ ونه غرب ِوَر مهمترین شهرون جه هم تنکابن (شهسوار) و چالوس و نوشهر و رامسر ره بتومبی نوم بَوِریم.
مازرون شه خجیر طبیعت وسّه بشناسی هسته. مازرون دله همه تی منظره پـِدا وانه؛ دریویِ ٚ ساحل، جنگل و جلگه جه بَی تا ییلاقی مناطق و کوهستونی که دماوند کوه جه ختم وانه. مازرون ِاقتصاد هم ونه همین طبیعت ره وابسته هسته. کِل و گالشی مازرون ٚاصلی مشاغل ره شکل هدائه و فیالمثل ونه ماهی تیم جهانه دله واری دَنیه .ونه توریسم هم ۱۲ بِرج دله میلیونها نفر ره شه وَری کَشِنه.