قائمشهر یا شاهی مازرون اوستان ره اتا شهر هسته. این شهر قائمشهر شهرستان دله مرکزیت دارنه.
جوغرافی
قائمشهر شهرستان شمال و شمال‌غرب وَر جه جویبار شهرستان و مازرون دریا جه، جنوبی وَر جه سوادکوه، غربی وَر جه بابل شهرستان و شرق جه ساری شهرستان ره هم‌سامون هسته. گذشته فیروزکوه شهرستان و بخش‌هایی از شهمیرزاد، تا سال ۱۳۵۹ سوادکوه و تا سال ۱۳۷۶ جویبار و تا سال ۱۳۹۱ کیاکلا (سیمرغ) این شهرستان دله دَئینه و اسا سیوا بَینه. سرشماری سال ۱۳۹۵ نزدیک به ۲۰۴٬۹۵۳ نفر جمیعت ره قائمشهر دله سِراق دائه.[5] شهرستان قائمشهر در ۳۶ درجه و ۲۸ دقیقه عرض شمالی تا ۵۲ درجه و ۵۳ دقیقه طول شرقی واقع شده‌است.[6]
تاریخ
قدیم الایام این شهر ِموقعیت باستانی شهرون دَئینه و چمنو شهر ره همین منطقه دله دونّه. ولی خادی اسایی قائمشهر ره هفت‌تا مَله‌ی کوچکسرا، کتی‌سر، آب‌بندان‌سر، حسن‌آباد، سیدمحله، بربری‌محله و مجاورمحله (شامل ترک‌محله و کبریت‌محله) جه بساتنه که ونه نوم ره اون گادِر علی‌آباد بی‌یشتنه. شهریور سال ۱۳۱۴ ه.ش هیئت وزیرون ونه نوم ره شاهی هاکرده،[7] اَی سال ۱۳۵۷ و ایران انقلاب په، شهر نوم اَی عوض بیّه و قائمشهر رسمیت پدا هاکرده.
پهلوی دوره خله شاهی جه رسینه چون رضا شاه شه این شهرستانِ آدم بی‌یه. اولین شالیکوبی مدرن، اولین کارخنه‌ئون کنسروسازی و نساجی ره این شهر دله بیاردنه و خله مهاجرت شهر جه زیاد بیّه و خله‌ئون این شهرِ کارخنه‌ئون دله مشغول بَینه.
ورزش
قائمشهر المپیکی طلاکَر، بهداد سلیمی، کسی بی‌یه که جهونی رکورد و مدال دارنه و سنگین وزنِ وزنه‌برداری دله رقیب ناشته.
شاهی دله نساجی فوتوال تیم هم مازرون ِقدیمی‌ترین باشگاه هسته که نساجی کارخنه‌یِ کارگرون وه ره پیش از انقلاب بسات بینه و هنتا فعالیت دارنه. این تیم سال 96 بورده لیگ برتر و بعد سال‌ها تنها تیمی هسته که مازرون جه لیگ دله دره نساجی تنها تیم مازرون هسه که قهرمان حذفی بیه
منابع
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
