From Wikipedia, the free encyclopedia
سوادکوه اتا منطقه مازرون استان دله و رضا شاه زادگاه هسته که چنتا شهرستان میون رَسِد بیّه. سوادکوه شهرونی دارنه که شیرگاه، پل سفید، زیراب، آلاشت و لفور ره شامل وانه.
این منطقه پیشتر اتا شهرستون بی‌یه ولی اسا وه ره دِ شهرستون جنوبی-شمالی جه سیوا هاکردنه و ونه بعضی پیشتر مناطق ره هدانه تهران اوستان یا باقیِ شهرستون‌ها دله قرار هدانه. سوادکوهِ دِتا شهرستون شمالی و جنوبی جمعیت سال ۱۳۹۵ دله ۷۰٬۰۰۰ نفر بشمارست بیّه.[2]
سوادکوه استان‌های تهران و سمنان جه هم‌سامون هسته. این شهرستون جه مازرونِ اصلی راهون گذرنه و همینسه سوادکوه پر بـِرو-بوشوترین مناطق کشور جه هسته.
هاسنت لویی رابینو سوادکوه خـَوری گانه:
مازرون ِریشه‌دارترین و تاریخی‌ترین مناطق جه سوادکوه هسته. این منطقه نوم ره «فرشوادگر» نوم جه مرتبط دونّه. فرشوادگر یا پتشخوارگر نومی بی‌یه که تموم مازرون، گیلون، جرجان، سمنان و ری ره ونجه ونگ کاردنه. سوادکوه دله سال‌ها اسپهبدون استقلال کامل جه حکومت داشتنه و باوندیون اینجه قدرت زیادی داشتنه.
نسبت به دیگر شهرستون‌های مازندرون، سوادکوه دله مازرونی رسومات و فرهنگ ویشته حفظ بیی هسته. بعضی مراسم هم حالت جشنواره جه هنتا مله‌ئون دله برگزار وانّه.
سوادکوه خله خجیر جائون دارنه که توریستی مسافرون وسّه بتونده جالب بائه. بعضی‌شون ره بتومبی اینجه نوم بَوریم.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
