советэнь ушмодей From Wikipedia, the free encyclopedia
Ягунов Павел Максимович (1900 иестэ якшамковонь 10 чи Цибирьцина велесэ — 1942 ие медьковонь 5 чистэ) — советэнь ушмодей.
Павел Ягунов | |
---|---|
чачома лем | Павел Максимович Ягунов |
чачома чись | якшамковонь 10 чи 1900 |
Чачома тарка | |
Кулома чись | медьковонь 5 чи 1942 (42 иеть) |
Кулома тарка | |
Важодема ёрокчизе | офицер |
казнеть ды медальть |
Чачсь Павел Максимович сокицянь-видицянь семиясо. Прядсь 1923 иестэ велень тонавтнима тарка ды 4-це Ташкентэнь вейсэндязь ойнань тонавтнема тарка (руз. 4-я Ташкентскуая объединенная военная школа), 1930 ды 1938 иетнестэ «Выстрел» курсатнень.
Якстере Армиям тусь эсензэ мелензэ коряс 1919 иестэ. В 1938 иестэ ульнесь командирэкс 65-це ледницянь полконть Васолонь Чилисемасо, ульнесь полковникекс. Секе иень медьковсто ульнесь пекстазь, - сонзэ полазо Юлия Александровна ульнезь озавтозь. 1938 иень умарьковсто сонзэ озавтызь 10 иес, 1939 иень аштемковсто ульнесь идезь ды одов саизь партияв. Ульнесь путозь Бакунь ялго шождань тонавтнема тарканть (руз. Бакинское пехотное училище) прявтокс.
Кода лецтни Павел Максимовичтэ тейтерезэ, Клара Павловна Ягуновась:
«… Седей эсь кирде, кода тензэ теильть башка паро мелень тешкст. Кода-бути лавкань ветицясь кучсь тенек кудос парго кочксезь чувтумарень марто. Кудосо кияк покштнеде эзь ульне, мон саия кучовксонть. Тетям пек кежть савтнесь тень коряс ды вешисэть мекев паргонть саемензэ, ды колияк истя а теезельть.
Мельсэ кирдян минек самонть Васолонь Чилисемас. Тетям полконь командирэкс ульнесь. Сонзэ мереманзо коряс васняяк ульнесь витезь-петнезь кудотне ды нупальтне кедь ало важодицянзо, седе мейле, меельцекс, кода ушодовсь кельмесь – миненк. Баку ошсо, кода ульнесь покш прявтокс, эрямо таркань явшемстэ меельцекс ды аваль сех вадрянть кадызе эстензэ...»
Оригинальной текст (руз.)«Не терпел, когда ему оказывали особые знаки внимания. Однажды завмаг прислал нам на дом корзину с отборными фруктами. Дома никого не было, и я приняла её. Папа страшно рассердился и потребовал, чтобы забрали корзину и никогда этого не делали. Помню наш приезд на Дальний Восток. Отец командовал полком. По его распоряжению сначала были отремонтированы дома и квартиры для подчинённых, а потом, в самую последнюю очередь, с наступлением холодов — для нас. В Баку, будучи старшим начальником, он при распределении квартир в последнюю очередь и далеко не лучшую оставил себе»[1]
1941 иень таштамковсто путозь 138-це ледницянь дивизиянь командирэкс, кона 1942 иень якшамковонь куншкасто ульнесь 51-це армиясонть Керчень модаулосо.
Панжиковонь 17 чистэ Аджимушкаень кевеньанокстамо таркась, косо аштесь Ягуновонь отрядозо ульнесь саезь кирьксэс немецтнэсэ.
Маштозь 1942 иень медьковонь 5 чистэ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.