эрзянь содавикс сёрмадей, валморонь ладсий. From Wikipedia, the free encyclopedia
Александр Константинович Мартынов (1913 иестэ даволковонь 8 чи Саратов ёнкссо Синенькие велесэ - 1989 иестэ сундерьковонь 30 чи) — эрзянь[1] содавикс сёрмадей, валморонь ладсий.
Александр Мартынов | |
---|---|
чачома лем | Мартынов Александр Константинович |
чачома чись | даволковонь 8 чи 1913 |
Чачома тарка | |
Кулома чись | сундерьковонь 30 чи 1989 (76 иеть) |
Важодема ёрокчизе | сёрмадей, валморозей, редактор, ютавтыця |
Чачсь 1913 иень даволковонь 8 чистэ Саратов ёнкссонь Петровской буень Синенькие велесэ[1] сокицянь-видицянь семиясо. Школань прядомодо мейле 1929 иестэ тусь тонавтнеме Петровскоень тонавтыцянь техникумс. Васенце валморонзо «Од пингень сёксь» ульнесь публиковазь 1931 иестэ «Якстере теште»[1], «Ленинэнь киява» ды «Эрзянь коммуна» кулялопатнесэ[2].
1958 иень медьковсто ― 1963 иень ожоковс ды 1972 иень якшамковсто ― 1977 иень аштемковс важодсь «Сурань толт» ковставксонть прявтредакторокс[3]. 1964-1971 иетнестэ ульнесь МАССР-нь сёрмадеень ветикуронть прявт[2].
Васенце валморонь пурнавксось «Морот счасияв эрямодо» 1938 иестэ, тей совась «Шутихин Гриша» поэмазояк. 1940 иестэ лись омбоце валморонь пурнавксозо – «Вечкема», тей совасть эрзянь кельсэ эрьва кодань раськень сёрмадеень ютавтомат. Ине Ойнань перть Алексей Мартыновонь шкинемазо лиснесь «Изнямос» (1942), «Изнямонь зорят» (1944) пурнавкстнэнень. Те шканть сон сёрмадызе «Монь ялгам» ёвтнеманть валморосо, конань прядызе 1946 иестэ.
Содавиксэть «Галянь вечкемазо», «Ванда», «Норовжорч» поэманзо. Рузонь кельсэ листь: «Жаворонок» (1972), «Светлая музыка» (1982), «Полынный мед» (1986).
Валморотнень ютксо пек вечкевисэть ловныцятнень ютксо «Розень кши» (1977) романозо. Сонзэ кис ды «Светлая музыка» валморонь пурнавксонть кисэ А. К. Мартынов ульнесь казезь Мордовиянь Прявт Казнесэ[1] (1982).
Ламо кеменень иеть важодсь «Дети своих отцов» романонть лангсо, кона лись Московсо «Современник» издательствасонть 1988 иестэ.
А. К. Мартынов содавикс ютавтыця. Эрзянь кельс ютавтыль В. Маяковскоень, А. Пушкинэнь, М. Лермонтовонь, Н. Некрасовонь, К. Хетагуровонь, Т. Шевченконь, Я. Купалынь, А. Прокофьевэнь ды лиятнень шкинемаст.
СССР-нь Сёрмадеень вейсэндявксонть совиця (саезь 1938 иестэ), Мордовиянь заслуженной сёрмадей (1973).
Кулось 1989 иень сундерьковонь 30 чи.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.