советэнь кельсодый From Wikipedia, the free encyclopedia
Дми́трий Влади́мирович Бу́брих (1890 иень медьковонь 25 чистэ, Ине-Петрань ош — 1949 иень сундерьковонь 30 чистэ, Ленинград ош) — советэнь кельсодый, профессор (1925), тонань доктор (1937), СССР-нь Тонань Академиясо аштиця-корреспондент (1946), ульнесь вейке зярыясто рузонь масторонь финнэнь-угрань тонавтнемань ушодыцякс. Содави эсь важодеманзо коряс: рузонь кельде, славянонь ды финнэнь-угрань кельтнень коряс, фольклоронь, прибалтикань-финнэнь раськеде, ванномань-историянь ды ареалонь лингвистикадо; ламо тонавтсь студентт ды ульнесь пек ёроков тонань ладямо тевтнесэ.
Бубрих, Дмитрий Владимирович | |
---|---|
чачома чись | медьковонь 25 чи 1890 |
Чачома тарка | |
Кулома чись | сундерьковонь 30 чи 1949[1] (59 иеть) |
Кулома тарка | |
Мастор | |
Важодема ёрокчизе | диалектолог |
казнеть ды медальть | |
Дмитрий Владимирович Бубрих | |
Произведения в Викитеке |
Чачсь рузонь келень ды словесностень тонавтыцянь — Владимир Фёдорович Бубрихень раськесэ Ине-Петрань ошсо.
1909 иестэ прядызе Ригасо аштиця Николай I-цень гимназиянть сырнень медаль марто ды поступась Ине-Петрань ошонь Университетс историянь ды филологиянь факультетэнь славянонь-рузонь отделенияс, конанть прядызе 1913 иестэ 1-це степенень диплом марто[2]. 1911 иестэ ульнесь арестовазь ды панезь Ине-Петрань ошсто студентэнь митингсэ улемань кисэ. Домкасто тонавтнесь славистика (А. А. Шахматов прявтонзо ветямо ало), 1920-це иетнень ушодомсто А. А. Шахматовань мереманзо коряс кармась тонавтнеме финнэнь-угрань кельть.
Ожоковонь революциядо мейле (1917) тонавтсь студентт московонь ды ине-петра ошонь тонавтнема таркава.
1920—1922 иетнестэ тонавтсь Герцен лемсэ Петроградонь тонавтома институтсо, профессор (1921).
1922 иестэ саезь тонавтсь Ленинградонь университетсэ, 1925 иестэ саезь куломазонзо ульнесь Ленинградонь университетэнь финнэнь-угрань кафедрань прявтокс. (1927–1929)[3] иетнестэ ульнесь угрань-финнэнь кельтнень профессорокс Московонь Университетэнь этнологиянь факультетсэ.
1934—1949 иетнестэ ветясь финнэнь-угрань сектор Марр лемстэ Келень ды арсемань Институтсо. Филологиянь наукань докторось (1937).
1932—1933 иетнестэ НКВДсь анокстась сонзэ арест кода "финнэнь националист" ломанень. Арестэсь ульнесь кардазь.
1937 иестэ саезь — карелэнь келень ды карелэнь литературань кафедрань прявт Карелэнь тонавтомань институтсо.
1938 иень даволковсто ульнесь арестовазь «советэнь каршо националистической тевень теемань» кувалт (руз.«антисоветская националистическая деятельность»), кода лияткак финнэнь-угрань келень содыдейть, ансяк сы иестэ чумозо ульнесь каявтозы ды нолдазь кудов.
Ине Ойнань шкане важодсь Петроской ошонь университетсэ, ульнесь эвакуациясо Сыктывкар ошсо.
1947—1949 иетнестэ — Карелэнь-финнэнь историянь, келень ды сёрмадомань институтонь прявт Петроской ошсо.
1948—1949 иетнестэ ютавтовсь тюрема космополитизм марто, сон таго ульнесь чумондозь марри айгемасонть аштицятнесэ, конатнень прявтокс аштесь Ф. П. Филин, идеологиянь «буржуазной контрабандань» кувалт, те айгемасонть аштесть Д.В.Бубрихень икеле шкань тонавтницянзо, саемга В. И. Алатырев.
Кулось инфарктто маринь келень коряс лекциянь ловномсто Ленинградонь университетсэ.
Васенце важодеманзо ванныть рузонь кортавкстнэсэ, славянонь кельтнень исторической фонетикасо ды индоевропейской акцентологиясо. Секень марто «Севернокашубская система ударения» (1924) книгазо идезь кода диссертация ды тензэ макссть покш питне Антуан Мейе. Н. С. Трубецкой сёрмадсь: те Бубрихень сёрмадовксось "невти гениень содавикс тешкст, сень лангс апак вано, што паряк не теориятнень савить кардамс»[4].
1920-це иетнень куншкасто кармась тонавтнеме ансяк финнэнь-угрань кельть (малава весемесэ кортась пек вадрясто); пурнась-ладясь зярыя якамот Карелияв, Мордовияв ды лиява, истяжо ламо вийть путсь финнэнь-угрань кафедрань теемас Россиява ды не кельсэ кортыцятнестэ специалистэнь анокстоманень. Явсь мель карелэнь, вепсань, ижорань, мордвань, удмуртонь, маринь, хантань ды мансинь сёрмадома лувтнэнь ладямонень. Се шкане ульнесть сёрмадозь карелэнь, эрзянь ды коминь грамматикатне, ваннозь финнэнь, удмуртонь, коминь ды лиянь финнэнь-угрань исторической фонетикась ды морфологиясь, истяжо сёрмадсьь «Калевала»нь лисьмапрядо.
Марр ладсо, Д.В.Бубрих явсь генетикань вейкетьксчинтень ламо мель, секень марто сонзэ ульнесть эсь, башка аштиця, арсемазо финнэнь-угрань вейсэндявксонть лангс. Арсеманзо кувалт финнэнь-угрань кельтнень лангс ареальной фактортнэ максть истямо жо покш влияния, кода генетикань.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.