![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7a/Ugur_Sahin_v1.jpg/640px-Ugur_Sahin_v1.jpg&w=640&q=50)
အူဂါဇာဟီးန်
From Wikipedia, the free encyclopedia
အူဂါဇာဟီးန် (Uğur Şahin)သည် တူရကီနိုင်ငံမွေး ဂျာမနီနိုင်ငံသား ဆရာဝန်၊ ကင်ဆာပညာရှင် (Oncologist)နှင့် စွန့်ဦးတီထွင်သူတစ်ဦး ဖြစ်သည်။[2][3][4] သူ၏အမည်ကို တူရကီအသံထွက်အားဖြင့် အူဟာရှဟီးန် (Turkish: [uːɾ ʃaː.hin])ဟု မြန်မာဘာသာဖြင့် အနီးစပ်ဆုံး အသံထွက်နိုင်သည်။ သူ၏ အဓိကသုတေသန ဧရိယာများမှာ ကင်ဆာသုတေသနနှင့် ကိုယ်ခံအားပညာရပ် (immunology) ဖြစ်သည်။[5] သူသည် ဘိုင်ယွန်တက်ခ် (BioNTech) ကုမ္ပဏီကို ဇနီးဖြစ်သူ အော့ဇလဲမ် တူရီးစီ (Özlem Türeci)နှင့်အတူ ပူးတွဲတည်ထောင်ခဲ့သည်။[6] သူနှင့် သူ၏ဇနီးကို ယခုအခါ (၂၀၂၀-ခုနှစ် ဒီဇင်ဘာ)တွင် BNT162b2 ကိုဗစ်–၁၉ ကာကွယ်ဆေးကို တီထွင်ခဲ့သော လက်ရွေးစင် အသင်းအဖြစ် အသိအမှတ် ပြုကြပြီး၊ ၂၀၂၁ နိုဘယ်ဆုရနိုင်ချေရှိသူများ အဖြစ်မှန်းဆနေကြသည်။[7] သူနှင့် သူ၏ဇနီးသည် ဂျာမနီနိုင်ငံရှိ အချမ်းသာဆုံးလူ ၁၀၀ စာရင်း တွင် ပါဝင်သည်။[8] ၂၀၂၀-ခုနှစ်တွင် ဖောဘ်ဇ်မဂ္ဂဇင်း (Forbes)မှ သူ၏ အသားတင်ပိုင်ဆိုင်မှု (net worth)သည် အမေရိကန်ဒေါ်လာ ၅.၁ ဘီလီယံ ရှိသည်ဟု ခန့်မှန်းထားသည်။[1]
အူဂါဇာဟီးန် (အူဟာရှဟီးန်) (Uğur Şahin) | |
---|---|
![]() ၂၀၁၉-ခုနှစ်မှ အူဂါဇာဟီးန် | |
မွေးဖွား | (1965-09-29) စက်တင်ဘာ ၂၉၊ ၁၉၆၅ (အသက် ၅၈) တူရကီနိုင်ငံ၊ Hatay၊ Iskenderun |
နိုင်ငံသား | ဂျာမနီနိုင်ငံသား |
ကြွယ်ဝမှု | အမေရိကန်ဒေါ်လာ ၅.၁ ဘီလီယံ[1] |