မြန်မာသရုပ်ဆောင် From Wikipedia, the free encyclopedia
မေမြင့်မိုရ် (၁၁ မေ ၁၉၉၅ မွေးဖွား)[1] သည် မြန်မာနိုင်ငံသား ရုပ်ရှင်သရုပ်ဆောင်ဖြစ်သည်။[2]
မေမြင့်မိုရ် | |
---|---|
![]() | |
မွေးဖွား | မေမြင့်မိုရ်အောင် မေ ၁၁၊ ၁၉၉၅ ရန်ကုန်မြို့ |
နိုင်ငံလူမျိုး | မြန်မာ၊ဗုဒ္ဓဘာသာ |
မိခင်ကျောင်း | ရန်ကုန်တက္ကသိုလ် |
အလုပ်အကိုင် | သရုပ်ဆောင် |
တက်ကြွလှုပ်ရှားနှစ်များ | ၂၀၁၂–လက်ရှိ |
အရပ် | ၅ ft ၅ in (၁.၆၅ m) |
မိဘ(များ) | ဦးအောင်ကို ဒေါ်မဉ္ဇူထွဋ် |
ဆွေမျိုးသားချင်း | ရှင်းမြတ် (မောင်) |
ရရှိသည့်ဆုများ | 2018 Star Award for Rising Star Award (အမျိုးသမီး) |
၁၉၉၅ ခု၊ မေလ ၁၁ ရက်တွင် ဦးအောင်ကို၊ ဒေါ်မဉ္ဇူထွဋ်တို့က ရန်ကုန်၌ မွေးသည်။ အမည်ရင်းမှာ မေမြင့်မိုရ်အောင် ဖြစ်သည်။ မွေးချင်းမောင် ရှင်းမြတ်သည်လည်း အနုပညာအလုပ်ကိုပင် လုပ်သည်။
အမှတ် ၁ အထက်တန်းကျောင်း (ဒဂုံ) မှ ဆယ်တန်းအောင်သည်။ ရန်ကုန်တက္ကသိုလ်၌ တက်ရောက်ရာ ၂၀၁၆ ခုတွင် ဥပဒေပညာဘွဲ့ ရသည်။[3]
၂၀၁၂ ခုကပင် ဓာတ်ပုံမော်ဒယ်အဖြစ် မဂ္ဂဇင်းမျက်နှာဖုံးများ၊ ကြော်ငြာများနှင့် တေးသရုပ်ဖော်များတွင် ပါဝင်ခဲ့သည်။ ၎င်းနှစ် အကယ်ဒမီဆုပေးပွဲ၌ ဗန်းကိုင်အဖြစ် ပါဝင်သည်။
၂၀၁၃ ခုတွင် ဖော်အဲဗားလုပ်ငန်းစုမှ မျက်နှာသစ်ရွေးပွဲလုပ်ရာ လူ ၁၀၀ ခန့်နှင့်ပြိုင်ရင်း "အချစ်သင်္ကေတ" ရုပ်သံဇာတ်လမ်း အတွဲ ၃ ၌ ပါဝင်ခွင့်ရသည်။[4] ၎င်းနှစ် "ပန်းနုသွေး" ရုပ်သံဇာတ်လမ်းတွဲ၌ ခေါင်းဆောင်မင်းသမီးအဖြစ် ပါဝင်ရသည်။[4]
၂၀၁၄ ခုတွင် "မှော်ကျောက်စာ" ရုံတင်ဇာတ်ကား၌ သရုပ်ဆောင်သည်။ ၎င်းဇာတ်ကားသည် ၂၀၁၈ ခုရောက်မှ ရုံတင်သည်။[5]
၂၀၁၅ ခုတွင် "မိုးပန်းပွင့်၏သင်္ကေတ" ရုံတင်ဇာတ်ကားတွင် သရုပ်ဆောင်သည်။ ၎င်းဇာတ်ကားသည်လည်း ၂၀၁၈ ခုရောက်မှ ရုံတင်သည်။[4]
၂၀၁၆ ခုတွင် ၂၀၁၇ ခု၌လွှင့်သော "ဆုံစည်းခြင်းမိုးတိမ်များ" ရုပ်သံဇာတ်လမ်းတွဲရိုက်ကူးရာ၌ သရုပ်ဆောင်သည်။[4]
၂၀၁၇ ခုတွင် စာရေးဆရာမ မစန္ဒာ၏ နာမည်ကျော်ဝတ္ထု "အရိပ်" အား ရုပ်ရှင်ရိုက်သည့် ၁၉၉၇ ထွက်ဇာတ်ကားကို ရုပ်သံဇာတ်လမ်းတွဲအဖြစ် ပြောင်းလဲတင်ဆက်ရာတွင် ပါဝင်သည်။ ၎င်းမှာ ၂၀၁၈ ခုတွင် လွှင့်သည်။[6]
၂၀၁၈ ခု၌ စာရေးဆရာ မောင်သိန်းဆိုင်၏ "ပုဂံမြို့သူ" ဝတ္ထုကို ရုပ်သံဇာတ်လမ်းတွဲအဖြစ် ရိုက်ကူးရာ၌ ပါဝင်သည်။[7] ထိုနှစ်တွင်ပင် အဆိုပါဇာတ်လမ်းအား လွှင့်သည်။ ပထမဆုံးကျင်းပသော ကြယ်စင်ဆုပေးပွဲ (Star Awards) တွင် "မိုးပန်းပွင့်၏သင်္ကေတ" ဇာတ်ကားဖြင့် အမျိုးသမီးထွန်းတောက်ကြယ်ဆု (Female Rising Star Award) ကို ရသည်။[8]
၂၀၁၉ ခုတွင် "ပျောက်ဆုံးနေသောအမှန်တရား" ရုပ်သံဇာတ်လမ်းတွဲတွင် ပါဝင်သည်။ ၎င်းနှစ်တွင်ပင် လွှင့်သည်။ထိုနှစ်မှာပင် သူမပါဝင်ထားသော ရိုးမပေါ်ကျတဲ့မျက်ရည် ရုပ်ရှင်ဇာတ်ကားကြီးရုံတင်သည်။[9]
၂၀၂၀ ခုတွင် တပ်မတော်ရုပ်သံဇာတ်လမ်း "သူရဲကောင်းတို့ဒဏ္ဍာရီ" တွင်ပါဝင်သည်။
သူသည်၂၀၂၃ခုှနှစ်အတွက် အမျိုးသမီးဇာတ်ပို့ဆုကို "မုန်းခွင့်"ဖြင့် ရရှိထားသည်
ခုနှစ် | ဆု | ကဏ္ဍ | ပါဝင်သော လုပ်ဆောင်မှု | ရလဒ် |
---|---|---|---|---|
၂၀၁၈ | Star Award | Rising Star Award (အမျိုးသမီး) | မိုးပန်းပွင့်ရဲ့သင်္ကေတ | ဆုရရှိ |
၂၀၂၃ | မြန်မာ့ရုပ်ရှင် ထူးချွန်ဆု | အကောင်းဆုံး အမျိုးသမီး ဇာတ်ပို့ဆု | မုန်းခွင့် | ဆုရရှိ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.