မြန်မာနိုင်ငံရေးသမား From Wikipedia, the free encyclopedia
ဒေါ်ဇင်မာအောင် (၁၄ ဇွန် ၁၉၇၆ မွေးဖွား) သည် မြန်မာနိုင်ငံသား နိုင်ငံရေးသမား၊ တက်ကြွလှုပ်ရှားသူနှင့် နိုင်ငံရေးအကျဉ်းသားဟောင်း တစ်ဦးဖြစ်ပြီး လက်ရှိတွင် အမျိုးသားညီညွတ်ရေးအစိုးရအဖွဲ့၊ နိုင်ငံခြားရေး ဝန်ကြီးဌာန၏ ပြည်ထောင်စုဝန်ကြီးနှင့် ပြည်သူ့လွှတ်တော် ကိုယ်စားလှယ်အဖြစ် ရန်ကင်းမြို့နယ် မဲဆန္ဒနယ် ကိုယ်စားပြု တာဝန်အား စစ်တပ်မှ၂၀၂၁အဓမ္မအာဏာသိမ်းယူမှု မတိုင်မီထိ တာဝန်ထမ်းဆောင်ခဲ့သည်[3][4]
ဒေါ်ဇင်မာအောင် | |
|---|---|
.jpg) | |
| နိုင်ငံခြားရေး ဝန်ကြီးဌာန ပြည်ထောင်စုဝန်ကြီး၊အမျိုးသားညီညွတ်ရေးအစိုးရ | |
တာဝန်ထမ်းဆောင်ဆဲ | |
| တာဝန် စတင် ၂ မတ် ၂၀၂၁ | |
| ခန့်အပ်သူ | CRPH |
| သမ္မတ | ဦးဝင်းမြင့် |
| ပြည်သူ့လွှတ်တော် ကိုယ်စားလှယ် | |
တာဝန်ထမ်းဆောင်ဆဲ | |
| တာဝန် စတင် ၁ ဖေဖော်ဝါရီ ၂၀၁၆ | |
| ယခင်လူ | ဦးသာဝင်း |
| မဲဆန္ဒနယ် | ရန်ကင်းမြို့နယ် |
| အနိုင်ရမဲ အရေအတွက် | 27,392 (77.49%)[1] |
| ကိုယ်ရေး အချက်အလက်များ | |
| မွေးဖွား | ၁၄ ဇွန်၊ ၁၉၇၆ ရန်ကုန်မြို့ |
| လူမျိုး | မြန်မာ |
| နိုင်ငံရေးပါတီ | အမျိုးသားဒီမိုကရေစီအဖွဲ့ချုပ် |
| မိဘ | ဦးအောင်ကြည် ဒေါ်ရီရီမြင့် |
| မိခင်ကျောင်း | အဝေးသင်တက္ကသိုလ်(ရန်ကုန်) |
| အလုပ်အကိုင် | တက်ကြွလှုပ်ရှားသူ နိုင်ငံရေးသမား |
| ဆုတံဆိပ်များ | International Women of Courage Award (၂၀၁၂) Young Global Leader (၂၀၁၄)[2] |
| ကိုးကွယ်သည့်ဘာသာ | ထေရဝါဒ ဗုဒ္ဓဘာသာ |
ဒေါ်ဇင်မာအောင်ကို ၁၉၇၆ ခုနှစ် ဇွန်လ ၁၄ ရက်နေ့တွင် ရန်ကုန်မြို့၌ မွေးဖွားခဲ့သည်။ သူမသည် ရန်ကုန်၊ အဝေးသင်တက္ကသိုလ်မှ ရုက္ခဗေဒဘာသာရပ်ဖြင့် ဘွဲ့ရရှိခဲ့သည်။
ဒေါ်ဇင်မာအောင်သည် ၁၉၉၀ ပြည့်လွန်နှစ်များအတွင်း တက္ကသိုလ်တက်စဉ်က မြန်မာစစ်အစိုးရအား ဆန့်ကျင်မှုတွင် တက်ကြွစွာ ပါဝင်ခဲ့သည်။ ၁၉၉၈ တွင် ငြိမ်းချမ်းသောဆန္ဒပြပွဲတစ်ခုတွင် ကဗျာတစ်ပုဒ်ဖတ်ရှုခြင်းနှင့် ရွေးကောက်ပွဲရလဒ်များအား လေးစားလိုက်နာရန် စစ်အစိုးရကို တောင်းဆိုခြင်းကြောင့် အဖမ်းခံခဲ့ရသည်။ သူမသည် ရှေ့နေတစ် ဦး ကိုယ်စားပြုခွင့်မပြုခဲ့သော စစ်ခုံရုံးတစ်ခု၏ ရှေ့မှောက်၌ အဖမ်းခံခဲ့ရပြီး ပြစ်မှုထင်ရှားကြောင်း စီရင်ချက်ချခဲ့သည်။ ဒေါ်ဇင်မာအောင်ကို ထောင်ဒဏ် ၂၈ နှစ်ချမှတ်ခဲ့သည်။ သူမသည် နိုင်ငံရေးအကျဉ်းသားအဖြစ် (၁၁) နှစ်ကြာနေထိုင်ခဲ့ပြီး (၉) နှစ်နီးပါးသည် တစ်ဦး တည်း ချုပ်နှောင်ခံခဲ့ရသည်။[5] ၂၀၀၉ ခုနှစ်တွင် သူမအား ရုတ်တရက်လွှတ်ပေးခဲ့ပြီးနောက်[5] အရပ်ဘက်လူ့အဖွဲ့အစည်း လှုပ်ရှားမှုများတွင် ပြန်လည်ပါဝင်ခဲ့သည်။[4][6]
ဒေါ်ဇင်မာအောင်သည် ဒီမိုကရေစီဖွံ့ဖြိုးတိုးတက်မှု၊ အမျိုးသမီးစွမ်းရည်မြှင့်တင်ရေး၊ တိုင်းရင်းသားလူမျိုးများ သည်းခံနိုင်စွမ်းနှင့် ယုံကြည်ချက်ကြောင့် အကျဉ်းကျခံနေရသူများကို ကူညီထောက်ပံ့ပေးနေသော လူထုအခြေပြုအဖွဲ့အစည်းများကို တည်ထောင်ခဲ့သည်။ Rainfall အဖွဲ့က ပြည်သူ့ဘဝတွင် အမျိုးသမီးများပါဝင်မှုကို ပိုမိုအားပေးသည်။ ရန်ကုန်နိုင်ငံရေးသိပ္ပံကျောင်းက မြန်မာလူငယ်များအား နိုင်ငံရေးနှင့် ဒီမိုကရေစီအကြောင်းသင်ကြားပေးသည်။ ၂၀၁၂ ခုနှစ်တွင် သူမသည် ပဋိက္ခဖြစ်ပွားရာဒေသများရှိတိုင်းရင်းသားလူနည်းစုများအပေါ် သက်ရောက်သည့် ပြဿနာများနှင့် ပတ်သက်၍ အသိအမြင်မြှင့်တင်ရန် အဖွဲ့အစည်းတစ်ခုကို ဦးဆောင်ခဲ့သည်။ ထိုအချိန်က သူမသည် " အပြည်ပြည်ဆိုင်ရာရဲရင့်သောအမျိုးသမီးများဆု"ရှင်အဖြစ်အမေရိကန်နိုင်ငံခြားရေး ဝန်ကြီး ဟီလာရီရော့ဒ်ကလင်တန်မှ အသိအမှတ်ပြုခဲ့သည်။[4] ၂၀၁၃ ခုနှစ်မှစ၍ သူမသည် အပြည်ပြည်ဆိုင်ရာရွေးကောက်ပွဲစနစ်ဖောင်ဒေးရှင်း တွင် လုပ်ကိုင်ခဲ့သည်။[6][7][8]
၂၀၁၅ ခုနှစ် အထွေထွေ ရွေးကောက်ပွဲတွင် ပြည်သူ့လွှတ်တော် ကိုယ်စားလှယ်နေရာအတွက် ရန်ကင်းမြို့နယ် မဲဆန္ဒနယ်မှ ဝင်ရောက်ယှဉ်ပြိုင်ခဲ့ပြီး အနိုင်ရရှိခဲ့သည်။[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
