မြန်မာနိုင်ငံ ဘာသာပြန် စာပေအသင်း (စာပေဗိမာန်)၏ ရည်ရွယ်ချက် တစ်ခုဖြစ်သော စာပေနှင့် မြန်မာ့ယဉ်ကျေးမှု မြှင့်တင် အားပေးရေးအတွက် စာပေလောကတွင် စာကောင်း ပေကောင်းများ ပေါ်ထွက်စေရန် ရည်သန်၍ ၁၉၄၈ ခုနှစ်မှ ၁၉၆၁ ခုနှစ်အထိ စာပေဗိမာန်ဆုကို နှစ်စဉ်မပျက် ချီးမြှင့် ခဲ့သည်။ တော်လှန်ရေးအစိုးရတက်လာ၍ ပြန်ကြားရေး ဝန်ကြီးဌာန၊ စာပေဗိမာန်အုပ်ချုပ်ရေးအဖွဲ့ ဖြစ်လာသော အခါ ၁၉၇၂ ခုနှစ်မှ ၁၉၇၄ ခုနှစ်အထိ အနုပညာ စာပေဆိုင်ရာဆုကို၎င်း၊ ၁၉၆၅ ခုနှစ်မှ ယနေ့အထိ အမျိုးသားစာပေဆုကို၎င်း စာပေဗိမာန်က တာဝန်ယူ၍ နှစ်စဉ်နှစ်တိုင်း ချီးမြှင့်ခဲ့သည်။ အမျိုးသားစာပေဆုအတွက် မူလကစာအုပ်ရော စာမူပါဝင်ရောက် ယှဉ်ပြိုင်နိုင်သော်လည်း ၁၉၆၉ ခုနှစ်မှစ၍ ပုံစံသစ်အရ စာအုပ်များကိုသာ ရွေးချယ် ချီးမြှင့်လိုက်သောအခါ အကြောင်းအမျိုးမျိုးကြောင့် စက်တင် ပုံနှိပ်ခြင်း မပြုရသေးသော စာပေလုပ်သားတို့၏ ကောင်းမွန် ပြောင်မြောက်သည့် စာမူများကို စာအုပ်အဖြစ် ထွက်ပေါ်လာ စေရန်နှင့် ယင်းစာအုပ်တို့ကို အမျိုးသားစာပေဆုအတွက် စဉ်းစားနိုင်ရန်ရည်သန်၍ စာမူများကို ပြိုင်ပွဲကျင်းပကာ ဆုချီးမြှင့်ရန် စာပေဗိမာန် အုပ်ချုပ်ရေးအဖွဲ့က စာပေဗိမာန် စာမူဆုဟူ၍ တီထွင်လိုက်သည်။ ဤသို့အားဖြင့် စာပေဗိမာန် စာမူဆုသည် ကလောင်သွေးစ စာပေလုပ်သားများ၊ အကြောင်း အမျိုးမျိုးကြောင့်စက်တင် ပုံနှိပ်ခြင်းမပြုရသော စာမူရှင်များ ၏ အားထားရာအဖြစ် ပေါ်ပေါက်လာခဲ့လေသည်။
ဝင်ရောက်ယှဉ်ပြိုင်သည့် စာမူများအတွက် အခြေခံ အချက် ငါးချက်ကိုလည်း အမျိုးသာစာပေဆုအတွက် အခြေခံငါးချက်အတိုင်း သတ်မှတ်ထားသည်။ ယင်းတို့မှာ မြန်မာဆိုရှယ်လစ်လမ်းစဉ်ကို အထောက်အကူ ပြုနိုင်ခြင်း၊ မြန်မာ့ဟန် မြန်မာ့ယဉ်ကျေးမှု အစစ်အမှန် ထွန်းကားရေးကို ရှေးရှုခြင်း၊ မျိုးချစ်စိတ်ဓာတ် ထက်သန်စေခြင်း၊ အကျင့်စာရိတ္တ ပြုပြင်ရေးနှင့် အတွေးအခေါ် တိုးတက်ရေးအတွက် အထောက်အကူ ဖြစ်စေခြင်းနှင့် နည်းလမ်းမှန်ကန်သော ဗဟုသုတတိုးပွား များပြားစေခြင်းတို့ ဖြစ်သည်။
ယင်းသို့သတ်မှတ်ထားသော အခြေခံငါးချက်နှင့် စစ်ဆေးရွေးချယ်ကာ ဝတ္ထုရှည်ဆု၊ ဝတ္ထုတိုပေါင်းချုပ်ဆု၊ ပြဇာတ်ဆု၊ စာပဒေသာဆု၊ ဘာသာပြန်စာပေဆု၊ ကလေး စာပေဆု၊ လူငယ်စာပေဆု၊ မြန်မာ့ယဉ်ကျေးမှုနှင့် အနုပညာ ဆိုင်ရာ စာပေဆု၊ နိုင်ငံရေးစာပေဆု၊ သုတပဒေသာဆု (ဝိဇ္ဇာပညာရပ်)၊ သုတပဒေသာဆု (သိပ္ပံနှင့် အသုံးချသိပ္ပံ ပညာရပ်)ဟူ၍ စာမူဆု ၁၁ ဆု ချီးမြှင့်သည်။ ဘာသာပြန် ဆုအတွက် မူရင်းစာအုပ်ကို စာပေဗိမာန်က ရွေးချယ်ပြဋ္ဌာန်း ပေးပြီး ယင်းကို တိုက်ရိုက်ဖြစ်စေ၊ ဆီလျော်အောင်ဖြစ်စေ အဖွဲ့က ညွှန်ကြားသတ်မှတ်ပေးသည့်အတိုင်း ပြန်ဆိုရသည်။
ဘာသာရပ်တစ်ခုစီအလိုက် ချီးမြှင့်သည့်ဆုငွေမှာ ပထမဆုအတွက် ငွေ ၅ဝဝိ၊ ဒုတိယဆုအတွက်ငွေ ၃ဝဝိ၊ တတိယဆုအတွက် ငွေ ၂ဝဝိ ဖြစ်သည်။ ထို့ပြင်ဘာသာပြန် ဆုမှအပ ကျန်ဆုရ စာမူအားလုံးကို စာပေဗိမာန်အုပ်ချုပ်ရေး အဖွဲ့က သတ်မှတ်ထားသော ခိုင်နှုန်းဖြင့်ဝယ်၍ လိုအပ်သလို တည်းဖြတ်ကာ ပထမအကြိမ် ပုံနှိပ်ထုတ်ဝေသည်။ ဘာသာပြန်စာပေဆုတွင်မူ ပထမဆုရသော စာမူကို သာလျှင် သတ်မှတ်ထားသော ခိုင်နှုန်းဖြင့်ပုံနှိပ်ထုတ်ဝေသည်။
ဤသို့စာမူများကို နှစ်စဉ်ရွေးချယ်ဆုချီးမြှင့်ရာတွင် အဆင့် အတန်းမီသော စာမူများမရှိပါက ဆုချီးမြှင့်ခြင်း မပြုခဲ့ပေ။ ၁၉၆၉ ခုတွင် ပထမဆုံးအကြိမ် ကျင်းပသည့် စာပေဗိမာန်စာမူဆုပြိုင်ပွဲ၌ ဘာသာရပ်အားလုံးအတွက် စာမူစုစုပေါင်း ၂ဝ၁ ခု ပါဝင်ယှဉ်ပြိုင်ခဲ့ရာ ၁၄ ခုသာလျှင် ဆုချီးမြှင့်ခြင်း ခံရသည်။ ထိုနည်းတူ ၁၉၇ဝ ပြည့် နှစ်တွင် စာမူစုစုပေါင်း ၂၂၇ ခု ဝင်ရောက်ယှဉ်ပြိုင်ရာ ၁၁ ဆုသာ ရွေးချယ်ခံရပြီး ၁၉၇၁ ခုနှစ်တွင် ၁၄၆ ခုအနက် ၁၄ ဆု၊ ၁၉၇၂ ခုနှစ်တွင် ၂၂၃ ခုအနက် ခုနစ်ဆု၊ ၁၉၇၃ ခုနှစ်တွင် ၁၃၉ ခုအနက် ကိုးဆု၊ ၁၉၇၄ ခုနှစ်တွင် ၁၈၄ ဆု၊ အနက် ရှစ်ဆု၊ ၁၉၇၅ ခုနှစ်တွင် ၁၅၄ ခု အနက် ၁ဝ ခု ၁၉၇၆ ခုနှစ်တွင် ၁၆၅ ခုအနက် ၁၂ ဆုသာ ရွေးချယ်ချီးမြှင့်နိုင် ခဲ့သည်။ [1]
 |
၂၀၁၂ ခုနှစ်
| စဉ် | ဘာသာရပ် | ဆုအမည် | စာမူအမည် | ရေးသူ |
|---|---|---|---|---|
| ၁ | ဝတ္ထုရှည် | ပထမ | မတို့ရဲ့ ဈေးလေးမှာ | စိုးမြင့်မောင် (သာရဝေါ) |
| ဒုတိယ | မခန်းသော စမ်း၊ မနွမ်းသော ပန်း၊ မပြယ်သော ရနံ့ | သွဲ့ထားညို (သက္ကလ) | ||
| တတိယ | ကမ္ဘာကုန်ကျယ်သရွေ့ ငယ်မှာ ဘယ်မေ့လိမ့်မလဲ | သုသိဏ် | ||
| ၂ | ဝတ္ထုတိုပေါင်းချုပ် | ပထမ | မပြောင်းလဲသော မေတ္တာတရားနှင့် အခြားဝတ္ထုတိုများ | မောင်နေခြည် (ပြည်) |
| ဒုတိယ | ရေညှာရပ်ဝန်းနှင့် အခြားဝတ္ထုတိုများ | သောင်းမြင့်ဦး (ကွမ်းခြံကုန်း) | ||
| တတိယ | စမ်းရေပမာ ဆရာ့မေတ္တာနှင့် အခြားဝတ္ထုတိုများ | ဗိုလ်လွင်ဘိုဘိုအောင် | ||
| ၃ | ကဗျာပေါင်းချုပ် | ပထမ | မင်္ဂလာစုံစွာ ဂုဏ်မဟာ | ခင်ဖုန်းကြည် (မိုင်းပွန်) |
| ဒုတိယ | လောကကြေးမုံ အလှပုံရိပ်ကဗျာများ | ကောင်းညွန့်ဝေ (ရေစကြို) | ||
| တတိယ | အမျိုးသားဂုဏ်ရည် တိုးမြှင့်မည်နှင့် အခြားကဗျာများ | မြတ်ဘုန်း (တပ်ကုန်း) | ||
| ၄ | သုတပဒေသာ (ဝိဇ္ဇာ) | ပထမ | မိတ္ထီလာမြို့နယ် ဖြစ်စဉ်သမိုင်းမှတ်တမ်း | ဦးထွဏ်းလွင် (မိတ္ထီလာ) |
| ဒုတိယ | ဘက်စုံအသုံးဝင်သည့် မြန်မာ့ကြိမ်ပင် | မောင်နွယ်သန်း | ||
| တတိယ | ||||
| ၅ | သုတပဒေသာ (သိပ္ပံနှင့် အသုံးချသိပ္ပံ) | ပထမ | ||
| ဒုတိယ | သက်ရှည်ကျန်းမာချမ်းသာရေးအတွက် လူတိုင်း နေ့စဉ်စားသုံးရမည့် သီးနှံသုံးမျိုး | အောင်စိုး (စိုက်ပျိုး−၁၀၇) | ||
| တတိယ | စီးပွားဖြစ် သစ်တောစိုက်ခင်း တည်ထောင်နည်း | သောင်းညွန့်သစ် | ||
| ၆ | စာပဒေသာ | ပထမ | အမှတ်တရ တစ်သက်တာဘဝ | ဆရာဝန်မောင်မောင် |
| ဒုတိယ | ရာမ ဦးအုန်းမောင် | မင်းသျှင်အောင် (တွံတေး) | ||
| တတိယ | ပဲခူးမြို့စာရင်းဝင် သမိုင်းဝင်နေရာများ | မောင်ယဉ်လှိုင်း (ပျဉ်းမမြိုင်) | ||
| ၇ | မြန်မာ့ယဉ်ကျေးမှုနှင့် အနုပညာဆိုင်ရာစာပေ | ပထမ | မနောမြေက လာချိဒ်တိုင်းရင်းသား | မြတ်ဝေတိုး (ပညာရေးတက္ကသိုလ်) |
| ဒုတိယ | ပလ္လင်တံကဲ | လှိုင်ဝင်းဆွေ | ||
| တတိယ | မြန်မာ့ရိုးရာ သုခုမသဘင် အနုပညာရပ်များ | ဦːရဲဒွေး (အမြင့်သဘင်) | ||
| ၈ | ကလေးစာပေ | ပထမ | ပန်းရွှေပြည် ကလေးကဗျာများ | ဇော်မျိုးဟန် (ငါးသိုင်းချောင်း) |
| ဒုတိယ | ရင်သွေးရတနာနှင့် ရိုးရာပွဲတော်များ | ရွှေရင်နှစ် | ||
| တတိယ | လေပြည်ချိုသွေးရနံ့မွှေး ကလေးကဗျာများ | ကန့်ဘလူ မောင်ဆွေ | ||
| ၉ | လူငယ်စာပေ | ပထမ | ||
| ဒုတိယ | ဘဝကျောင်းက ခေါင်းလောင်းသံနှင့် အခြားလူငယ်ဝတ္ထုတိုများ | ကျွန်းစဉ်မြေ စောခက် | ||
| တတိယ | ||||
| ၁၀ | ပြဇာတ်စာပေ | ပထမ | ||
| ဒုတိယ | တီးလိုက်ပါတဲ့ ဗုံကြီːသံ | ဇင်မင်း (သမိန်ထော) | ||
| တတိယ | တစ်ဝက်မက အားလုံးပြီးမြောက်သည် | မောင်စိုးထိုက် (သုံးဆယ်) | ||
| ၁၁ | ဘာသာပြန် | ပထမ | အုပ်ချုပ်မှုစနစ်ကို အနက်ဖွင့်ဆိုခြင်း | တင်အောင်ချစ် |
| ဒုတိယ | ||||
| တတိယ |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
