တောင်ဥက္ကလာပမြို့နယ်သည် ရန်ကုန်မြို့၏ အရှေ့ပိုင်းတွင် တည်ရှိသည်။ တောင်ဥက္ကလာပမြို့နယ်၏ မြောက်ဘက်တွင် မြောက်‌ဥက္ကလာပမြို့နယ်၊ အရှေ့ဘက်တွင် ဒဂုံမြို့သစ်မြောက်ပိုင်း၊ အနောက်ဘက်တွင် ရန်ကင်းမြို့နယ်နှင့် တောင်ဘက်တွင် သင်္ဃန်းကျွန်းမြို့နယ်တို့ တည်ရှိသည်။ တောင်ဥက္ကလာပမြို့နယ်ကို ရပ်ကွက်ပေါင်း (၁၆)ခုဖြင့် ဖွဲ့စည်းထားသည်။ ဤမြို့နယ်သည် (၁၉၅၉)ခုနှစ်တွင် တပ်မတော်အစိုးရ တည်ထောင်ခဲ့သော မြို့သစ်များထဲတွင် တစ်ခုအပါအဝင်ဖြစ်သည်။ ယခုအခါတွင် ဤမြို့နယ်မှာ ရန်ကုန်မြို့၏ အခြေကျသော မြို့အစိတ်အပိုင်းတစ်ခု ဖြစ်နေပြီဖြစ်သည်။ သို့သော်ငြားလည်း လျှပ်စစ်အားနှင့် မိလ္လာစနစ်များမှာ မြို့နှင့် ဆက်သွယ်ထားခြင်း မရှိသေးပေ။