၁၅ ကြိမ်မြောက် အာရှ အားကစားပြိုင်ပွဲ From Wikipedia, the free encyclopedia
၂၀၀၆ အာရှ အားကစားပြိုင်ပွဲ (အာရပ်: دورة الألعاب الآسيوية ٢٠٠٦, Dawrat al-ʼAl‘ab al-Asīawīah 2006) သည် ကာတာနိုင်ငံ ဒိုဟာမြို့တွင် ၂၀၁၀ခုနှစ် ဒီဇင်ဘာလ ၁ရက်နေ့မှ ၁၅ရက်နေ့အထိ ကျင်းပခဲ့သော ၁၅ကြိမ်မြောက် အာရှ အားကစားပြိုင်ပွဲ ဖြစ်သည်။ အားကစားနည်းပေါင်း ၃၉မျိုးတွင် ပြိုင်ပွဲပေါင်း ၄၂၄ပွဲ ကျင်းပခဲ့သည်။ ဒိုဟာမြို့မှာ ကာတာနိုင်ငံအတွင်း အာရှ အားကစားပြိုင်ပွဲကို လက်ခံကျင်းပသည့် ပထမဆုံးမြို့ဖြစ်ပြီး ၁၉၇၄ တီဟီရန်ပွဲတော်ကို လက်ခံကျင်းပခဲ့သည့် တီဟီရန်မြို့ပြီးလျှင် အနောက်အာရှ၏ ဒုတိယမြောက် အိမ်ရှင်မြို့ဖြစ်သည်။
![]() | |||
ကျင်းပရာမြို့ | ![]() | ||
---|---|---|---|
ပါဝင်သော နိုင်ငံများ | ၄၅ | ||
ပါဝင်ဆင်နွဲသော အားကစားသမားများ | ၉၅၂၀[1] | ||
ကစားပွဲအမျိုးအစား | ၄၂၄ (၃၉နည်း) | ||
ဖွင့်ပွဲအခမ်းအနား | ၁ ဒီဇင်ဘာ | ||
ပိတ်ပွဲအခမ်းအနား | ၁၅ ဒီဇင်ဘာ | ||
တရားဝင်ဖွင့်လှစ်ပေးခဲ့သူ | Hamad bin Khalifa Al Thani Emir of Qatar | ||
တရားဝင်ပိတ်သိမ်းပေးခဲ့သူ | Ahmad Al-Fahad Al-Sabah အာရှ အိုလံပစ်ကောင်စီ၏ ဥက္ကဋ္ဌ | ||
Athlete's Oath | Mubarak Eid Bilal | ||
Torch Lighter | Mohammed Bin Hamad Al-Thani | ||
အဓိကအားကစားကွင်း | ခါလီဖာ နိုင်ငံတကာ အားကစားကွင်း | ||
|
ပထမဆုံးအကြိမ်အဖြစ် အာရှ အိုလံပစ်ကောင်စီ အဖွဲ့ဝင် ၄၅နိုင်ငံလုံး ဝင်ရောက်ယှဉ်ပြိုင်ခဲ့သည်။Eurosportမှ ပြိုင်ပွဲများကို ထုတ်လွှင့်ခဲ့၍ အာရှနိုင်ငံများ၏ ယှဉ်ပြိုင်နေမှုများကို ဥရောပမှ ပြည်သူများ ကြည့်ရှုနိုင်ခဲ့သည်။[2]
တရုတ်နိုင်ငံ၊ တောင်ကိုရီးယားနိုင်ငံနှင့် ဂျပန်နိုင်ငံများက နိုင်ငံအလိုက် ပထမ၊ ဒုတိယနှင့် တတိယ ရရှိခဲ့သည်။ အိမ်ရှင် ကာတာနိုင်ငံအနေဖြင့် နဝမနေရာတွင် ရပ်တည်ခဲ့သည်။ ကမ္ဘာ့စံချိန်နှင့် အာရှ စံချိန် တော်တော်များများ ကျိုးခဲ့ကြသည်။ သို့သော် ပြိုင်ပွဲအတွင်း အငြင်းပွားစရာများစွာ ရှိခဲ့သည်။ တောင်ကိုရီးယား မြင်းစီးသမား ကင်ဟွန်းချီသည် မလွှဲသာသော ပွဲတွင်းမတော်တဆမှုကြောင့် သေဆုံးခဲ့ရသည်။ အားကစားပြိုင်ပွဲများမှာ ယေဘူယျအားဖြင့် အောင်မြင်သည်ဟု ယူဆနိုင်ပြီး အာရှ အားကစားလောကကို မြင့်မားလာစေခဲ့သည်။ ရွှေတံဆိပ် ၃ခု အပါအဝင် ဆုတံဆိပ် ၇ခု ရရှိခဲ့သော တောင်ကိုရီးယား ရေကူး အားကစားသမား ပတ်တေးဝန်သည် အကောင်းဆုံးကစားသမား (MVP)အဖြစ် ကြေညာခံခဲ့ရသည်။
၂၀၀၀ခုနှစ် နိုဝင်ဘာလ ၁၂ရက်နေ့တွင် ၂၀၀၆ပွဲတော်အတွက် အိမ်ရှင်ရွေးချယ်ပွဲကို တောင်ကိုရီးယားနိုင်ငံ၊ ဘူဆန်မြို့တွင် ကျင်းပခဲ့သည်။ အာရှ အိုလံပစ်ကောင်စီ အဖွဲ့ဝင် ၄၁နိုင်ငံမှ မဲပေးရွေးချယ်ခဲ့သည်။ အကြိမ် ၃ကြိမ် မဲပေးရကာ တစ်ကြိမ်ပြီးတိုင်း တစ်မြို့ကို ပယ်ထုတ်ရသည်။[3][4]ပထမအကြိမ်ပြီးနောက် မဲ၂မဲသာ ရရှိသော အိန္ဒိယနိုင်ငံမှ နယူးဒေလီမြို့ကို ပယ်ခဲ့ကြသည်။ ဒုတိယအကြိမ်တွင် နောက်ဆုံး ကျန်ရှိသော မြို့၃မြို့မှ ဒိုဟာမြို့ကို ရွေးချယ်ခဲ့ကြသည်။ [5]
၂၀၀၆ အာရှ အားကစားပြိုင်ပွဲ၏ မဲရလဒ်များ | |||
---|---|---|---|
မြို့ | အိုလံပစ်ကော်မတီ | ပထမအကြိမ် | ဒုတိယအကြိမ် |
ဒိုဟာမြို့ | ![]() |
၂၀ | ၂၂ |
ကွာလာလမ်ပူမြို့ | ![]() |
၁၃ | ၁၃ |
ဟောင်ကောင် | ![]() |
၆ | ၆ |
နယူးဒေလီမြို့ | ![]() |
၂ | − |
အာရှ အိုလံပစ် ကောင်စီ၏ စည်းမျဉ်းများအရ မဲပေးသူအရေအတွက်၏ တစ်ဝက်ကျော်သော မြို့မှာ အလိုအလျောက် အရွေးခံရပြီး ကျန်ရှိနေသော အကြိမ်ရေများကို ပယ်ဖျက်သည်။ ဒိုဟာမာ ၄၁မဲမှ ၂၂မဲရရှိခဲ့၍ တတိယအကြိမ် ရွေးချယ်ရန်မလိုတော့ဘဲ ၂၀၀၆ပွဲတော်၏ အိမ်ရှင်အဖြစ် သတ်မှတ်ခဲ့သည်။ ဒိုဟာအတွက် ပေးခဲ့သောမဲများမှာ အနောက်အာရှနိုင်ငံများမှ မဲများဖြစ်သည်။[6]
ထိုသို့ရွေးချယ်ခံရမှုအပေါ်တွင် မလေးရှား၊ ဟောင်ကောင်နှင့် တရုတ်နိုင်ငံတို့မှ စိတ်ပျက်ခဲ့ကြသည်။ မလေးရှားနိုင်ငံမှ ဒိုဟာကို ရွေးချယ်ကြခြင်းမှာ အဓိပ္ပာယ်မရှိကြောင်း၊၎င်းကို ရွေးရခြင်းမှာ ကာတာနိုင်ငံ၏ ဓနအင်အားကြီးမားမှုကြောင့် ဖြစ်ကြောင်း ပြောကြားခဲ့သည်။[5][7]
squash၊ တင်းနစ်
ဒိုဟာ အာရှ အားကစားပြိုင်ပွဲ ကျင်းပရေး ဦးစီး ကော်မတီက "Orry"ဟု ခေါ်သော ဒရယ်ကို ၁၅ကြိမ်မြောက် အာရှ အားကစားပြိုင်ပွဲ၏ လာဘ်ကောင်အဖြစ် ရွေးချယ်ခဲ့သည်။ [8]
မီးထွန်းညှိတိုင် လက်ဆင့်ကမ်း သယ်ဆောင်ခြင်းကို ၁၉၅၈ နယူးဒေလီပွဲတော်ကပင် ပြုလုပ်ခဲ့ကြသည်။၂၀၀၆ ဒိုဟာပွဲတော်အတွက် မီးထွန်းညှိတိုင် လက်ဆင့်ကမ်း သယ်ဆောင်ခြင်း အစီအစဉ်များကို ဒိုဟာ အာရှ အားကစားပြိုင်ပွဲ ကျင်းပရေး ဦးစီး ကော်မတီက ၂၀၀၆ခုနှစ် ဇန်နဝါရီ ၂၀ရက်နေ့တွင် ထုတ်ပြန်ခဲ့သည်။[9]
မီးထွန်းညှိတိုင်ကို ၂၀၀၆ခုနှစ် အောက်တိုဘာလ ၈ရက်နေ့တွင် ဒိုဟာ ဂေါက်ကလပ်တွင် ကျင်းပသော ဧည့်ဝတ်ကျေပြွန်ခြင်း၏ မီးတောက် အခမ်းအနားတွင် စတင် မီးထွန်းညှိခဲ့သည်။[10]လူပေါင်း ၃၀၀၀မှ ယခင် အာရှ အားကစားပြိုင်ပွဲများကို လက်ခံကျင်းပခဲ့သည့် မြို့၈မြို့နှင့် ပင်လယ်ကွေ့ ပူးပေါင်း ဆောင်ရွက်ရေး ကောင်စီ အဖွဲ့ဝင် ၄မြို့ကို ဖြတ်သန်းကာ မီးထွန်းညှိတိုင်ကို လက်ဆင့်ကမ်း သယ်ဆောင်ခဲ့ကြသည်။ မီးထွန်းညှိတိုင်သည် နိုင်ငံပေါင်း ၁၃နိုင်ငံမှ ၂၃မြို့ကို ဖြတ်သန်းခဲ့သည်။ လက်ဆင့်ကမ်း သယ်ဆောင်ခြင်းမှာ ၅၅ရက်ကြာမြင့်ခဲ့ပြီး ၅၀၀၀၀ ကီလိုမီတာ ခရီးအကွာအဝေးကို ဖြတ်သန်းခဲ့သည်။၎င်းမှာ အာရှ အားကစားပြိုင်ပွဲတွင် အရှည်ဆုံး လက်ဆင့်ကမ်းသယ်ယူခြင်းဖြစ်သည်။ [9]
အောက်ပါတို့မှာ ကာတာနိုင်ငံပြင်ပတွင် မီးထွန်းညှိတိုင် လက်ဆင့်ကမ်း သယ်ဆောင်ခဲ့သည့် မြို့များဖြစ်သည်။[11][12]
ထို့နောက် ဒိုဟာသို့ ပြန်လည် ရောက်ရှိပြီး ကာတာနိုင်ငံအတွင်း လက်ဆင့်ကမ်းသယ်ဆောင်ခြင်းကို ၂၀၀၆ခုနှစ် နိုဝင်ဘာလ ၂၅ရက်နေ့တွင် စတင်ခဲ့ကာ ဖွင့်ပွဲ အခမ်းအနားကျင်းပချိန်အထိ ဖြစ်သည်။
၂၀၀၆ အာရှ အားကစားပြိုင်ပွဲ၏ ဖွင့်ပွဲ အခမ်းအနားကို ခါလီဖာ အားကစားကွင်းတွင် ၂၀၀၆ခုနှစ် ဒီဇင်ဘာ ၁ရက်နေ့တွင် ကျင်းပခဲ့သည်။ အီရန်အစ္စလာမ်မစ် သမ္မတနိုင်ငံ သမ္မတ မာမွတ် အမာဒိုင်ဂျက်၊ ပါလတ်စတိုင်းနိုင်ငံ ဝန်ကြီးချုပ် အစ္စမေး ဟန်နီရယ်၊ ဆီးရီးယား အာရပ်သမ္မတနိုင်ငံ သမ္မတ ဗိုလ်ချုပ်ကြီး ဟာဖစ်အာဆတ် ဘာရှား အာဆတ် နှင့်အပြည်ပြည်ဆိုင်ရာ အိုလံပစ် ကော်မတီ ဥက္ကဋ္ဌ ဂျက်ရော်ဂယ်တို့ တက်ရောက်ခဲ့ကြသည်။ စုစုပေါင်း ပရိသတ် ၅၀၀၀၀ တက်ရောက် အားပေးကြသည်။[13]
ဖွင့်ပွဲ အခမ်းအနားတွင် အာရပ်နိုင်ငံများနှင့် အခြား အာရှ နိုင်ငံများ၏ ရိုးရာဓလေ့များကို ဖျော်ဖြေတင်ဆက်ခဲ့သည်။ ဖွင့်ပွဲကို မီးရှူးတိုင် တာဝါကို မီးထွန်းညှိပြီး ပြီးဆုံးခဲ့သည်။
၂၀၀၆ အာရှ အားကစားပြိုင်ပွဲ၏ ပိတ်ပွဲ အခမ်းအနားကို ဒီဇင်ဘာ ၁၅ရက်နေ့တွင် ကျင်းပခဲ့သည်။ ဖျော်ဖြေရေးများ အပြီးတွင် အဖွဲ့ဝင် ၄၅နိုင်ငံမှ အားကစားသမားအားလုံး ချီတက်ဝင်ရောက်လာကြသည်။ ထို့နောက် အာရှ အိုလံပစ်ကောင်စီ ဥက္ကဋ္ဌမှ ပွဲတော်ကို ပိတ်သိမ်းပေးခဲ့သည်။ ထို့နောက် ၂၀၁၀ ကွမ်ကျိုး ပွဲတော်ကို လက်ခံကျင်းပမည့် ကွမ်ကျိုးမြို့တော်ဝန်ထံသို့ အာရှ အားကစားပြိုင်ပွဲအလံကို လွှဲပြောင်းပေးခဲ့သည်။
အာရှ အိုလံပစ် ကောင်စီအဖွဲ့ဝင်နိုင်ငံ ၄၅နိုင်ငံလုံး ပထမဆုံးအကြိမ်အဖြစ် ပါဝင်ခဲ့ကြသည်။
* အိမ်ရှင်
အဆင့် | NOC | ရွှေ | ငွေ | ကြေး | စုစုပေါင်း |
---|---|---|---|---|---|
၁ | ![]() |
၁၆၅ | ၈၈ | ၆၃ | ၃၁၆ |
၂ | ![]() |
၅၈ | ၅၂ | ၈၃ | ၁၉၃ |
၃ | ![]() |
၅၀ | ၇၂ | ၇၈ | ၂၀၀ |
၄ | ![]() |
၂၃ | ၂၀ | ၄၂ | ၈၅ |
၅ | ![]() |
၁၃ | ၁၅ | ၂၆ | ၅၄ |
၆ | ![]() |
၁၁ | ၁၅ | ၂၂ | ၄၈ |
၇ | ![]() |
၁၁ | ၁၄ | ၁၅ | ၄၀ |
၈ | ![]() |
၁၀ | ၁၇ | ၂၆ | ၅၃ |
၉ | ![]() |
၉ | ၁၂ | ၁၁ | ၃၂ |
၁၀ | ![]() |
၉ | ၁၀ | ၂၇ | ၄၆ |
၁၁ | ![]() |
၈ | ၁၇ | ၁၇ | ၄၂ |
၁၂ | ![]() |
၈ | ၇ | ၁၂ | ၂၇ |
၁၃ | ![]() |
၈ | ၀ | ၆ | ၁၄ |
၁၄ | ![]() |
၇ | ၉ | ၄ | ၂၀ |
၁၅ | ![]() |
၆ | ၂ | ၁၁ | ၂၉ |
၁၆ | ![]() |
၆ | ၈ | ၁၅ | ၂၉ |
၁၇ | ![]() |
၆ | ၅ | ၂ | ၁၃ |
၁၈ | ![]() |
၄ | ၆ | ၉ | ၁၉ |
၁၉ | ![]() |
၃ | ၁၃ | ၇ | ၂၃ |
၂၀ | ![]() |
၃ | ၄ | ၃ | ၁၀ |
၂၁ | ![]() |
၂ | ၅ | ၈ | ၁၅ |
၂၂ | ![]() |
၂ | ၄ | ၁၄ | ၂၀ |
၂၃ | ![]() |
၂ | ၂ | ၂ | ၆ |
![]() |
၂ | ၀ | ၂ | ၄ | |
၂၅ | ![]() |
၁ | ၃ | ၄ | ၈ |
၂၆ | ![]() |
၁ | ၀ | ၂ | ၃ |
၂၇ | ![]() |
၀ | ၄ | ၇ | ၁၁ |
၂၈ | ![]() |
၀ | ၂ | ၆ | ၈ |
၂၉ | ![]() |
၀ | ၂ | ၁ | ၃ |
၃၀ | ![]() |
၀ | ၁ | ၆ | ၇ |
၃၁ | ![]() |
၀ | ၁ | ၃ | ၄ |
၃၂ | ![]() |
၀ | ၁ | ၂ | ၃ |
၃၃ | ![]() |
၀ | ၁ | ၀ | ၁ |
![]() |
၀ | ၁ | ၀ | ၁ | |
၃၅ | ![]() |
၀ | ၀ | ၃ | ၃ |
၃၆ | ![]() |
၀ | ၀ | ၁ | ၁ |
![]() |
၀ | ၀ | ၁ | ၁ | |
![]() |
၀ | ၀ | ၁ | ၁ | |
စုစုပေါင်း (၃၆နိုင်ငံ) | ၄၇၇ | ၄၇၉ | ၆၂၁ | ၁၅၇၇ |
တောင်ကိုရီးယား မြင်စီးသမား ကင်ဟွန်းချီသည် ဒီဇင်ဘာ ၇ရက်နေ့တွင် မိုးရွာထဲ၌ ယှဉ်ပြိုင်ကြစဉ် မြင်းပေါ်မှ ပြုတ်ကျကာ သေဆုံးခဲ့သည်။ [14]ကင်မှာ ကာတာစံတော်ချိန် မွန်းမတည့်မီတွင် သေဆုံးသွားခဲ့သည်။ တောင်ကိုရီးယား အမျိုးသား အိုလံပစ်ကော်မတီ ဥက္ကဋ္ဌ ကင်ဂျွန်ကီ၏ ပြောစကားအရ မြင်းမှာ အမြင့်ခုန်ရာတွင် ချော်သွားခြင်းဖြစ်သည်။ ကင်၏ ဖခင်မှာ ၁၉၆၄ နွေရာသီအိုလံပစ်တွင် တောင်ကိုရီးယား လက်ရွေးစင် တစ်ယောက်ဖြစ်သည်။ ကင်မှာ ၂၀၀၂ ဘူဆန်ပွဲတော်တွင် ငွေတံဆိပ် ရရှိခဲ့သူဖြစ်သည်။
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.