နိုဘယ်ဂက်စ်

နိုဘယ်ဂက်စ်များ
ဒြပ်စင်အလိုက်အမည်	ဟီလီယမ်အုပ်စု သို့မဟုတ်; နီယွန်အုပ်စု
အသေးဖွဲ့ အမည်	နိုဘယ်ဂက်စ်များ
CAS အုပ်စုနံပါတ်; (US, pattern A-B-A)	VIIIA
old IUPAC number; (Europe, pattern A-B)	0
↓ အလှည့်
၁	ဟီလီယမ် (He); ၂
၂	နီယွန် (Ne); ၁၀
၃	အာဂွန် (Ar); ၁၈
၄	ကရစ်ပတွန် (Kr); ၃၆
၅	ဇီနွန် (Xe); ၅၄
၆	ရေဒွန် (Rn); ၈၆
၇	အိုဂန်နက်ဆွန် (Og); ၁၁၈
	အခြေခံ ဒြပ်စင်
	ရေဒီယိုသတ္တိကြွပြိုကွဲမှု ဒြပ်စင်
	အက်တော့မစ်နံပါတ်အရောင်- အနီ=ဓာတ်ငွေ့
	ရှု; ပြော; ပြင်;

နိုဘယ်ဂက်စ် (Noble Gas) ၆ခုကို ဒြပ်စင်အလှည့်ကျဇယား (Periodic Table)၏ ဒေါင်လိုက်အုပ်စု အမှတ်စဉ်-၁၈ (ယခင်ဇယျားအဟောင်းတွင်အုပ်စု 0 )တွင် တည်ရှိသည်။ Noble gas များသည်အရောင်မရှိ၊ အနံ့မရှိသောဓာတ်ငွေ့များဖြစ်ကြသည်။ အက်တမ်တစ်လုံးတည်းနေသောဒြပ်စင်များဖြစ်ကြပြီးဓာတ်ပြုသတ္တိအလွန်နဲသည်။Noble Gases များသည် ဓာတ်တိုးကိန်း ၀ ရှိပြီး အလွယ်တကူ ဒြပ်ပေါင်း မဖြစ်နိုင်သောကြောင့် ၁၉၆၀ တိုင်အောင် အစွမ်းမဲ့ ဓာတ်ငွေ့များ (Inert Gases) တခါတရံ အေရိုဂျင်များ (aerogens)^[1]) ဟု ခေါ်ဝေါ် သုံးစွဲခဲ့ကြသည်။ အားလုံးသော Noble Gases များ၏ အပြင်ဘက်ဆုံးအီလက်ထရွန် ပတ်လမ်းတွင် တည်မြဲရန်အများဆုံး ရှိနိုင်သော အီလက်ထရွန် အရေအတွက်မှာ ဟီလီယမ် (Helium) တွင် ၂ လုံးဖြစ်ပြီး ကျန် Noble Gases များ တွင် ၈လုံး စီ ဖြစ်ကြသည်။ Noble gas များသည် အထူးသဖြင့် ပြင်းထန်သော အခြေအနေများ အောက်တွင် မှလွဲ၍ ပုံမှန်အားဖြင့် ဓာတ်ပြုသတ္တိနည်းကြ၏။ Noble gas များ၏ ဓာတ်ပြုသတ္တိ နည်းခြင်း (အစွမ်းမဲ့ခြင်း)သည် ဓာတ်မပြုစေချင်သော နေရာများတွင် အသုံးချရန် အလွန် သင့်လျော်စေသည်။ ဥပမာ: အာဂွန်ကို လျှပ်စစ်မီးလုံးများတွင် ပူနေသော အဖြိုက်နက် tungsten နန်းကြိုးကို ဓာတ်တိုးစေခြင်းမှကာကွယ်ရန် အသုံးပြုသည်။ အောက်ဆီဂျင်နှင့် နိုက်ထရိုဂျင်အဆိပ်အတောက်ဖြစ်စေနိုင်ခြင်းမှကာကွယ်ရန် ဟီလီယမ်ကို ရေနက်ရေငုပ်သမားများအားရှူစေသည်။ ၎င်းတို့၏ Noble gases ဖြစ်သော၏ဂုဏ်သတ္တိများကို ခေတ်သစ်အက်တမ်တည်ဆောက်ပုံသီအိုရီဖြင့် ရှင်းပြနိုင်သည်။ ၎င်းတို့၏ အပြင်ဘက်ဆုံး shell တွင် valence အီလက်ထရွန် ၈လုံး (ဟီလီယမ်တွင်၂လုံး) ပြည့်ခြင်းကြောင့် ဓာတုဓာတ်ပြုခြင်းတွင်ပါဝင်ရန်(စိတ်သဘောထား)အစွမ်းအနည်းငယ်သာ ရှိစေသည်။ ထို့ကြောင့်အဆိုပါ noble gas တို့၏ ဒြပ်ပေါင်း ရာဂဏန်း အနည်းငယ်သာ ပြုလုပ်နိုင်သေးသည်။ noble gas အချင်းချင်းတို့သည် အရည်ပျော်မှတ်နှင့် ဆူမှတ်နည်းငယ်သာကွာခြားသည်။ ^[2]