မြန်မာ့တပ်မတော် စစ်အကူလက်ရုံးဝန်ထမ်းတပ်ဖွဲ့ဆိုင်ရာ အရာရှိချုပ်ရုံး တစ်ရုံး From Wikipedia, the free encyclopedia
ကာကွယ်ရေးပစ္စည်းထုတ်လုပ်ရေး အရာရှိချုပ်ရုံး သည် မြန်မာ့တပ်မတော်၏ လက်ရုံးတပ်ဖွဲ့တစ်ခုဖြစ်သည့် ကာကွယ်ရေးပစ္စည်းထုတ်လုပ်ရေးတပ်များကို ကွပ်ကဲသည့်ရုံး ဖြစ်သည်။ "တပ်မတော်အတွက် အင်အားဖြစ်စေရမည်" ဟူသော ဆောင်ပုဒ်ကို လက်ကိုင်ပြုကာ မြန်မာ့တပ်မတော်အတွက် လိုအပ်သော လက်နက်၊ ခဲယမ်းများကို ထုတ်လုပ်ပေးနေသည်။
ဤ ဆောင်းပါးသည် မည်သည့် ကျမ်းညွှန်း (သို့) အကိုးအကား ကိုမှ ရည်ညွှန်းထားခြင်းမရှိပေ။ |
ကာကွယ်ရေးပစ္စည်းထုတ်လုပ်ရေး အရာရှိချုပ်ရုံး | |
---|---|
ကကထုတ် | |
ကာကွယ်ရေးပစ္စည်းထုတ်လုပ်ရေးတပ်ဖွဲ့တံဆိပ် | |
လှုပ်ရှားချိန် | ၁၇ ဧပြီ ၁၉၅၇ —ယနေ့ထိ |
နိုင်ငံ | မြန်မာ |
တပ်မတော် အမျိုးအစား | တပ်မတော် (ကြည်း) |
တပ် အမျိုးအစား | ကာကွယ်ရေးပစ္စည်းထုတ်လုပ်ရေးတပ်ဖွဲ့ |
အခန်းကဏ္ဍ | တပ်ဖွဲ့ဆိုင်ရာလုပ်ငန်းများဦးစီးကွပ်ကဲမှု |
တပ် အရွယ်အစား | အရာရှိချုပ်ရုံး |
အစိတ်အပိုင်း | ကာကွယ်ရေးဦးစီးချုပ်ရုံး(ကြည်း) |
ဆောင်ပုဒ် | တပ်မတော်အတွက် အင်အားဖြစ်စေရမည် |
နှစ်ပတ်လည်များ | ၁၉၅၇ |
အုပ်ချုပ်သူများ | |
အရာရှိချုပ် | ဒုတိယဗိုလ်ချုပ်ကြီး ကံမြင့်သန်း |
ထင်ရှားသော အုပ်ချုပ်သူများ |
|
၂၀၀၁ ခုနှစ်တွင် ယခင် ကာကွယ်ရေးပစ္စည်းထုတ်လုပ်ရေးညွှန်ကြားရေးမှူးရုံးကို ကာကွယ်ရေးပစ္စည်းထုတ်လုပ်ရေးအရာရှိချုပ်ရုံးအဖြစ် ဖွဲ့စည်းပုံ တိုးချဲ့ဖွဲ့စည်းခဲ့သည်။ တာဝန်ထမ်းဆောင်ခဲ့ကြသော အရာရှိချုပ်များမှာ ဒုတိယဗိုလ်ချုပ်ကြီးတင်အေး {နယကအဖွဲ့ဝင်၊ နောင် ပြည်ထောင်စုရွေးကောက်ပွဲကော်မရှင်ဥက္ကဋ္ဌ (၂၀၁၁-၂၀၁၆) နှင့် ဒုတိယဗိုလ်ချုပ်ကြီးသိန်ဌေး နယ်စပ်ရေးရာဝန်ကြီးဌာန ပြည်ထောင်စုဝန်ကြီး (၂၀၁၁-၂၀၁၄) တို့ ဖြစ်ပါသည်။ လက်ရှိ ကာကွယ်ရေးပစ္စည်းထုတ်လုပ်ရေးအရာရှိချုပ်မှာ ဒုတိယဗိုလ်ချုပ်ကြီး ကံမြင့်သန်း ဖြစ်သည်။ ထို့နောက် ဒုတိယကာကွယ်ရေးပစ္စည်းထုတ်လုပ်ရေးအရာရှိချုပ်(အကြီးစား) နှင့် ဒုတိယကာကွယ်ရေးပစ္စည်းထုတ်လုပ်ရေးအရာရှိချုပ်(စစ်လက်နက်ပစ္စည်း) ခန့်အပ်ထားသည်။
ကာကွယ်ရေးပစ္စည်းများ ထုတ်လုပ်ခြင်းမှာ ကနောင်မင်းသားက စသည်။ ဒုတိယအကြိမ် အင်္ဂလိပ်−မြန်မာစစ် အပြီ:တွင် လက်နက်အင်အားကွာခြားမှုကို ရိပ်စားမိသော ကနောင်မင်းသားက မင်းတုန်းမင်းနှင့်တိုင်ပင်ကာ နိုင်ငံရပ်ခြားသို့ ပညာတော်သင်များ စေလွှတ်သည်။
အီတလီနိုင်ငံရှိ တူရင်းအပြည်ပြည်ဆိုင်ရာကျောင်း (Turin International School) နှင့် တော်ဝင် ရေတပ်နှင့် ကြည်းတပ် အကယ်ဒမီ (Royal College of Marine & Military Academy) သို့လည်းကောင်း၊ အင်္ဂလန်နိုင်ငံရှိ ဝူးလဝစ် စစ်ဘက်လေ့ကျင့်ရေးကျောင်း (Woolwich Military Training School) သို့လည်းကောင်း၊ အိန္ဒိယရှိ ဒို့ဗတန် ကောလိပ် (Doveton College) သို့လည်းကောင်း၊ ပြင်သစ်နိုင်ငံရှိ ဘုရင့်မိုင်းသင်တန်းကျောင်း ( L'ecole Imperiale des Mines) နှင့် ဘုရင့်စစ်ဘက်သင်တန်းကျောင်း (L'ecole Imperiale Military Academy) သို့လည်းကောင်း သွားရောက်ပညာသင်စေသည်။
ပညာသင်သားများ ပြန်လည်ရောက်ရှိသောအခါ မန္တလေးမြို့တွင် ဘုရင့်လက်နက်လုပ်ရုံနှင့် သံရည်ကြိုရုံကို တည်ထောင်သည်။
၁၈၈၅ ခုနှစ်၌ မြန်မာနိုင်ငံအား အင်္ဂလိပ်တို့ သိမ်းပြီးသောအခါ မြန်မာ့လက်နက်စက်ရုံအား ဘီယာချက်စက်ရုံအဖြစ် ပြောင်းလဲလိုက်သည်။ ထိုအချိန်မှစ၍ လွတ်လပ်ရေးရပြီးသည်အထိ လက်နက်ထုတ်လုပ်နိုင်ခြင်း မရှိတော့ပေ။
၁၉၄၉ ခုနှစ်တွင် ဗမာ့တပ်မတော်လက်နက်ဂိုဒေါင် ကို ထူထောင်ကာ လက်နက်ပြုပြင်သည့်လုပ်ငန်းကို ပြန်လုပ်သည်။
၁၉၅၀ ခုနှစ်တွင် ပုံစံထုတ်အလုပ်ရုံကို ထူထောင်နိုင်လာသည်။
၁၉၅၇ ခုနှစ်တွင် စစ်လက်နက်ပစ္စည်းစက်ရုံ အရာရှိချုပ် ခန့်အပ်ကာ စစ်လက်နက်ပစ္စည်းထုတ်လုပ်မှုတပ်ဖွဲ့ကို စတင်ဖွဲ့စည်းသည်။
၁၉၅၈ ခုနှစ်တွင် အမှတ်(၁)ကာကွယ်ရေးပစ္စည်းစက်ရုံ နှင့် အမှတ်(၂)ကာကွယ်ရေးပစ္စည်းစက်ရုံကို တည်ထောင်သည်။
၁၉၆၇ ခုနှစ်တွင် အမှတ်(၄)ကာကွယ်ရေးပစ္စည်းစက်ရုံကို တည်ထောင်သည်။
၁၉၆၀ ခုနှစ်တွင် အမှတ်(၃)ကာကွယ်ရေးပစ္စည်းစက်ရုံကို တည်ထောင်သည်။
၁၉၆၉ ခုနှစ်တွင် အမှတ်(၅)ကာကွယ်ရေးပစ္စည်းစက်ရုံ နှင့် အမှတ်(၆)ကာကွယ်ရေးပစ္စည်းစက်ရုံကို တည်ထောင်သည်။
၁၉၇၇ ခုနှစ်တွင် အမှတ်(၇)ကာကွယ်ရေးပစ္စည်းစက်ရုံ နှင့် အမှတ်(၈)ကာကွယ်ရေးပစ္စည်းစက်ရုံကို တည်ထောင်သည်။
၁၉၈၆ ခုနှစ်တွင် အမှတ်(၉)ကာကွယ်ရေးပစ္စည်းစက်ရုံ နှင့် အမှတ်(၁၀)ကာကွယ်ရေးပစ္စည်းစက်ရုံကို တည်ထောင်သည်။
၁၉၉၁ ခုနှစ်တွင် ကာကွယ်ရေးပစ္စည်းထုတ်လုပ်မှုတပ်ဖွဲ့ ပစ္စည်းထိန်းတပ် နှင့် ကာကွယ်ရေးပစ္စည်းထုတ်လုပ်မှုတပ်ဖွဲ့ သင်တန်းကျောင်းကို တည်ထောင်သည်။
၁၉၉၅ ခုနှစ်တွင် အမှတ်(၁၁)ကာကွယ်ရေးပစ္စည်းစက်ရုံကို တည်ထောင်သည်။
၁၉၉၇ ခုနှစ်တွင် အမှတ်(၁၂)ကာကွယ်ရေးပစ္စည်းစက်ရုံ နှင့် အမှတ်(၁၃)ကာကွယ်ရေးပစ္စည်းစက်ရုံကို တည်ထောင်သည်။
၁၉၉၉ ခုနှစ်တွင် အမှတ်(၁၄)ကာကွယ်ရေးပစ္စည်းစက်ရုံကို တည်ထောင်သည်။
၂၀၀၁ ခုနှစ်တွင် အမှတ်(၁၇)ကာကွယ်ရေးပစ္စည်းစက်ရုံ၊ အမှတ်(၁၈)ကာကွယ်ရေးပစ္စည်းစက်ရုံ၊ အမှတ်(၁၉)ကာကွယ်ရေးပစ္စည်းစက်ရုံနှင့် အမှတ်(၁)တပ်မတော်အကြီးစားစက်ရုံကို တည်ထောင်သည်။
၂၀၀၂ ခုနှစ်တွင် အမှတ်(၂၀)ကာကွယ်ရေးပစ္စည်းစက်ရုံကို တည်ထောင်သည်။
၂၀၀၄ ခုနှစ်တွင် အမှတ်(၂၁)ကာကွယ်ရေးပစ္စည်းစက်ရုံ နှင့် အမှတ်(၂)တပ်မတော်အကြီးစားစက်ရုံကို တည်ထောင်သည်။
၂၀၀၆ ခုနှစ်တွင် အမှတ်(၂၂)ကာကွယ်ရေးပစ္စည်းစက်ရုံကို တည်ထောင်သည်။
စဉ် | အမည် | ကာလ | |
---|---|---|---|
မှ | ထိ | ||
၁ | ဦးသီဟန် | ၁၉၅၇ ဧပြီ ၁၇ | ၁၉၆၂ ဒီဇင်ဘာ ၃၁ |
၂ | ဗိုလ်မှူးကြီး မောင်မောင်ခ | ၁၉၆၂ ဒီဇင်ဘာ ၃၁ | ၁၉၇၂ ဧပြီ ၂၀ |
၃ | ဗိုလ်မှူးကြီ: မောင်ချို | ၁၉၇၂ ဧပြီ ၂၀ | ၁၉၇၅ မတ် ၁၈ |
၄ | ဗိုလ်မှူးကြီး မောင်အုန်း | ၁၉၇၅ မတ် ၁၈ | ၁၉၇၈ မတ် ၄ |
၅ | ဗိုလ်မှူးကြီး ဦးစောလှ | ၁၉၇၈ မေ ၂၀ | ၁၉၈၁ စက်တင်ဘာ ၂၉ |
၆ | ဗိုလ်မှူးကြီး ဌေးတင့် | ၁၉၈၁ စက်တင်ဘာ ၂၉ | ၁၉၉၀ ဖေဖော်ဝါရီ ၉ |
၇ | ဗိုလ်မှူးချုပ် တင်ထွဋ် | ၁၉၉၀ ဖေဖော်ဝါရီ ၉ | ၁၉၉၁ နိုဝင်ဘာ ၂၅ |
၈ | ဗိုလ်မှူးချုပ် ခင်မောင်ဝင်း | ၁၉၉၁ နိုဝင်ဘာ ၂၅ | ၂၀၀၁ ဇူလိုင် ၁၃ |
၉ | ဗိုလ်ချုပ်ကြီး သိန်းဌေး | ၂၀၀၁ ဇူလိုင် ၁၃ | ၂၀၁၉ ထိ |
၁၀ | ဒုတိယဗိုလ်ချုပ်ကြီးကံမြင့်သန်း | ၂၀၂၀ | လက်ရှိ |
ကာကွယ်ရေးပစ္စည်းထုတ်လုပ်ရေးအရာရှိချုပ်ရုံး၏ လက်အောက်တွင် အောက်ပါတပ်များ ပါဝင်သည်။
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.