José Leite de Vasconcelos Cardoso Pereira de Melo, mais coincido por Leite de Vasconcelos (Ucanha, 7 de júlio de 1858 — Lisboua, 17 de maio de 1941), fui un lenguista, filólogo, arqueólogo i etnógrafo pertués.
Zde nino, Leite de Vasconcelos era atento al ambiente an que bibie i anotaba an pequeinhos cadernos todo que le chamaba l'atençon. Als zuito anhos, fui pa l Porto cuntinar sous studos, lhicenciando-se an Ciéncias Naturales (1881) i, an 1886, an Medecina, na Scuola Médico-Cirúrgica. Todabie, solo eiserceu l nuobo oufício por un anho, an 1887, ne l Cadaval.
Sue tese de lhicenciatura, Evolução da linguagem (1886), yá demunstraba sou grande antresse pulas lhetras, que, por fin, beneríen a acupar to la sue lhonga bida. Las ciéncias eisatas deixórun-le l stilo ambestigatibo rigoroso i eisaustibo, seia na filologie, seia na arqueologie ó na etnografie, çciplinas an que mais tarde iba a tornar-se ua refréncia.
Fondou la Revista Lusitana, an 1889, l Arqueólogo Português, an 1895, i l Museu Etnológico de Belén, an 1893.
Doutorou-se n'Ounibersidade de Paris, cun Esquisse d'une dialectologie portugaise (1901), l purmeiro amportante cumpéndio de la diatopia de l pertués (depuis cuntinado i melhorado por Manuel de Paiva Boléo i Luís Lindley Cintra). Fui tamien pioneiro ne l studo de la onomástica pertuesa cula obra Antroponímia Portuguesa.
Tenendo lhecionado Numismática i Filologie Pertuesa na Biblioteca Nacional, adonde era cunserbador zde 1887, chegou a porsor de l ansino superior an 1911, na Faculdade de Lhetras de l'Ounibersidade de Lhisboua.
Faleciu als 82 anhos, deixando an testamiento al Museu Nacional de Arqueologie parte de l sou spólio científico i lhiterário, ancluindo ua biblioteca cun cerca d'uito mil títalos, para alhá de manuscritos, correspondéncia, graburas i retratos.
La lhista d'obras de Leite de Vasconcelos ye bastante stensa, citando-se an seguida alguns de ls sous trabalhos:
- O Dialecto Mirandez (1882) - (Wikisource)
- Flores Mirandezas (1884) - (Wikisource)
- Revista Lusitana (primeira série: 1887-1943; 39 belumes)
- Religiões da Lusitânia (1897-1913; an trés belumes)
- Estudos de Filologia Mirandesa (1900 i 1901; dous belumes)
- Textos Archaicos (antologia, 1903)
- Livro de Esopo (1906)
- O Doutor Storck e a litteratura portuguesa (1910)
- Lições de Philologia Portuguesa (1911)
- Antroponímia Portuguesa (1928)
- Signum Salomonis, A figa i A barba em Portugal (1918)-(1925)
- Opúsculos (1928, 1928, 1929, 1931 i 1988; cinco belumes) Arquibado an 2009-09-12 ne l Wayback Machine.
- Etnologia Portuguesa (1933-????, an uito belumes)
- Filologia Barranquenha - apontamentos para o seu estudo (1940, ed. 1955)
- Romanceiro Português (ed. 1958, an dous belumes)
- Contos Populares e Lendas (ed. 1964, an dous belumes)
- Teatro Popular Português (1974-1979)
- Antropologie
- Etnologie
- Etnografie
- Etnografie de salbaguarda
- Eisiste ua rue na freguesie de San Bicente de Fura, an Lhisboua, cul sou nome.
- Eisiste ua rue na bila de l Cadabal, cul sou nome.
- Eisiste, tamien, ua sala na Faculdade de Lhetras de la Ounibersidade de Lhisboua cul sou nome. Esta sala queda situada an frente al Departamento de lhenguistica giral i románica.
- Biografie Arquibado an 2007-09-30 ne l Wayback Machine.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
