fadista, cantadeira i atriç pertuesa From Wikipedia, the free encyclopedia
Amália da Piedade Rodrigues GCSE • GCIH[1] (Lisboua, 1 de júlio de 1920[2][3] — Lisboa, 6 de outubre de 1999) fui ua fadista, cantadeira i atriç pertuesa, coincida cumo la boç de Pertual i ua de las más notables cantadeiras de l seclo XX. Stá anterrada ne l Panteon Nacional, antre ls pertueses eilustres.
| Amália Rodrigues | |
|---|---|
 | |
| Anformaçon giral | |
| Nome cumpleto | Amália da Piedade Rodrigues |
| Alcunha | Reina de l Fado (Rainha do Fado) |
| Data de nacimiento | 1 de júlio de 1920 |
| Lhocal de nacimiento | Lisboua Pertual |
| Data de muorte | 6 de outubre de 1999 (79 anhos) |
| Lhocal de muorte | Lisboua, Pertual |
| Nacionalidade | pertuesa |
| Acupaçon(es) | Atriç, cantadeira, fadista |
| Período an atebidade | 1940-1999 |
| Sítio oufecial | http://www.amaliarodrigues.pt/ |
 | |
Tornou-se coincida an todo l mundo cumo la Reina de l Fado (an pertués: Rainha do Fado), i por cunsequéncia, debido al simbolismo que este género musical ten na cultura pertuesa, fui cunsidrada por muitos cumo ua de las sues melhores ambaixadoras ne l mundo. Apareciu an bários porgramas de telbison, pul mundo fora, adonde nó solo cantaba fados i outras cançones de tradiçon popular pertuesa, cumo inda cançones cuntemporáneas (ampeçando l chamado fado-cançon) i miesmo algua cançon de ourige strangeira (francesa, amaricana, spanhola, eitaliana, mexicana i brasileira). Notable cuntrebuiçon sue pa la stória de l fado, fui la nobidade que antroduziu de cantar poemas de grandes outores pertueses cunsagrados, adespuis de cancionados, de que ye eisemplo la lírica de Luís de Camões ó las cantigas i trobas de D. Deniç. Tubo inda al serbício de la sue boç la scrita de alguns de ls meiores poetas i letristas ls sous cuntemporáneos, cumo David Mourão-Ferreira, Pedro Homem e Melo, José Carlos Ary dos Santos, Alexandre O'Neill i Manuel Alegre. Amália Rodrigues falaba i cantaba an spanhol, galhego, francés, eitaliano i anglés.
An 1943 ampeçou l sou ramo dun oufício anternacional, atuando ne l Triato Rial de Madrid. Antre 1944 i 1945, quedou uito meses an cartaç ne l Casino Copacabana. La sue strena ne l cinema fui an 1947, cul filme Capas Negras, cunsidrado un marco ne l cinema ouropeu i lhatino, tenendo quedado más dun anho an cartaç i sendo la meior sensaçon de l cinema luso anté hoije.[4] La cançon "Coimbra", cunquistou la segunda posiçon de la tabela Billboard Hot 100, de la rebista amaricana Billboard, an 1952.[5] An maio de 1954, Amália fui cápia de la mesma rebista amaricana, puis l álbun Amália in Fado & Flamenco cunquistou la purmeira posiçon antre ls mais bendidos ne ls Stados Ounidos de la América.[6] Neste mesmo anho, atuou ne l Radio City Music Hall an Nuoba Iorque por quatro meses.[7] Na década de 1970, anque stubisse ne l tope de la sue fama anternacional, la sue eimaige an Pertual fui afetada por bias de falsos belouros de que Amália tenie lhigaçones cul regime de António de Oliveira Salazar. Na berdade, muitos de ls sous fados fúrun censurados pul ditador. Amália recunquistou la popularidade cul pobo pertués, cantou l hino de la Reboluçon de 25 de Abril de 1974 (ó Reboluçon de ls Crabos), la cançon "Grândola Vila Morena" i ambriou denheiro pa l Partido Quemunista Pertués de maneira eilegal.[8]
Anté a la sue muorte, an outubre de 1999, 170 álbuns fúrun eiditados cun sou nome an 30 paízes,[9] bendendo mais de 30 melhones de cópias an todo l mundo, númaro trés bezes meior que la populacion de Pertual.[10][11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
