Alan Turing
From Wikipedia, the free encyclopedia
From Wikipedia, the free encyclopedia
Alan Mathison Turing (Londres, 23 de Júnio de 1912 - 7 de Júnio de 1954) fui un matemático británico. Filho dun oufecial, lhougo cedo se antressou pula ciéncia. La maior parte de sou trabalho fui zambolbido na ária de spionaige, i por esso solamente an 1975 bieno a ser cunsidrado un grande nome na stória de la cumputaçon.
Dedicaba-se a teoremas que podien ser cumprobados, i a la Teorie de la Cumputablidade. La sue preocupaçon depuis de formado era l que se poderie fazer atrabeç de la cumputaçon. Las sues repuostas einiciales benírun na forma teórica.
Als 24 anhos de eidade, cunsagrou-se cula projeçon dua máquina que, d'acordo cun un sistema formal, podisse fazer ouparaçones cumputacionales. Amostrou cumo un simples sistema outomático poderie manipular simblos dun sistema de regras própias. La máquina teórica de Turing puode andicar que sistemas poderosos poderien ser custruídos. Tornou possible l processamiento de simblos, lhigando la abstraçon de sistemas cugnitibos i la rialidade cuncreta de ls númaros. Esto ye buscado até hoije por pesquisadores de sistemas cun Anteligéncia Artefical (IA). Para cumprobar la anteligéncia arteficial ó nó dun cumputador, Turing zambolbiu un teste que cunsistie nun ouperador nun poder defrenciar se las repuostas a preguntas feitas pul ouperador éran benidas ó nó dun cumputador. Causo afirmatibo, l cumputador poderie ser cunsidrado cumo dotado de anteligéncia artefical. La sue máquina puode ser porgramada de tal modo que puode eimitar qualquiera sistema formal. La eideia de cumputablidade ampeçou a ser delineada.
Por bies de todos esses feitos, Alan Turing ye tenido cumo l pai de la ciéncia de la cumputaçon.
An 1943, cula sue lhiderança fui porjetado l Colossus, cumputador anglés que fui outelizado na Segunda Guerra Mundial. Outelizaba simblos perfurados an fitas de papel que processaba a ua belocidade de 25.000 carateles por segundo. L Colossus tenie a misson de quebrar códigos almanes ultra-secretos porduzidos por un tipo de máquina de codificaçon chamada Einigma. Ls códigos mudában muita beç, oubrigando a que l porjeto de ls Colossus debisse tornar la decifraçon bastante rápida. Turing fui depuis até ls EUA para un porjeto de trasmisson de dados trasatlánticos de forma sigura.
Cumo houmossexual declarado, ne l ampeço de ls anhos 50 fui houmilhado an público, ampedido de acumpanhar studos subre cumputadores, julgado por "bícios amprópios" i cundenado la terapies a la base de strogénio, un hourmónio (hourmona) femenino l que, de fato, eiquibalie a la castraçon química i que tubo l houmilhante eifeito secundário de le fazer crecer tetas. Deprimido, an 7 de Júnio de 1954, an sue residéncia an Wilmslow, Cheshire,[1] cun solo 41 anhos, morriu-se apuis de tener quemido ua maçana ambenenada cun cianeto.[2] La sue muorte fui oufecialmente cunsidrada cumo suicídio.
Parte de sue bida fui retratada ne l telefilme Breaking the Code de 1996 cul ator Derek Jacobi ne l papel percipal.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
