The Simpsons
From Wikipedia, the free encyclopedia
The Simpsones (an mirandés: Ls Simpsones) ye ua série d'animaçon i sitcon norte-amaricana criada por Matt Groening pa la Fox Broadcasting Cumpany.[1][2][3] La série ye ua paródie satírica de l stilo de bida de la classe média de ls Stados Ounidos, simbolizada pula família protagonista, que cunsiste de Homer Jay Simpson, Marjorie (Marge) Boubier Simpson, Bartholomew (Bart) Simpson, Elisabeth (Lisa) Marie Simpson i Margareth (Maggie) Simpson. La série se passa na fitícia cidade de Springfield i satiriza la cultura i la sociadade norte-amaricanas, la telebison i bários aspetos de la cundiçon houmana.
The Simpsons | |
---|---|
Ls Simpsones (mwl) Os Simpsons (prt) Os Simpsons (bra) | |
Género | Sitcom animado |
Criado por | Matt Groening |
Baseado an | Cúrties de ls The Simpsons de Matt Groening |
Zambolbido por |
|
Bozes |
|
Cumpositor de la música tema | Danny Elfman |
Tema d'abiertura | "The Simpsons Theme" |
Cumpositor(es) | Richard Gibbs (1989–90) Alf Clausen (1990–2017) Bleeding Fingers Music (2017–persente) |
Paíç de ourige | Stados Ounidos |
Léngua(s) ouriginal | Anglés |
№ de temporadas | 35 |
№ de eipisódios | 767 (lista d'eipisódios) |
Porduçon | |
Perdutor(es) eisecutibo(s) | Lista de perdutores eisecutibos
|
Duraçon | 21–24 minutos |
Ampresa(s) de porduçon |
|
Çtribuidor | 20th Television |
Lançamiento | |
Eimissora de telebison ouriginal | Fox |
Formato d'eisibiçon | 480i (1989–2009) 576i (1989–2009) 1080i (HDTV) (2009–persente) |
Formato de áudio | Estéreo (1989–1991) Dolby Surround 2.0 (1991–2009) Dolby Digital 5.1 (2009–persente) |
Trasmisson ouriginal | 17 de dezembre de 1989 (1989-12-17) – persente |
Cronologie | |
Precedido por | Cúrties de ls The Simpsons de The Tracey Ullman Show |
Ligaçones sternas | |
Sítio oufecial |
La família fui cuncebida por Groening pouco antes dua solicitaçon de l perdutor James L. Broks para ua série de cúrties d'animaçon.[4] Groening eilaborou ua família çfuncional i nomeou ls personaiges cumo ls nembros de sue própia família, sustituindo l sou própio nome por Bartholomew (Bart).[5] Ls cúrties tornórun-se parte de l porgrama The Tracey Ullman Show an 19 d'abril de 1987. Passado trés temporadas, l porjeto fui trasformado nun porgrama pa l'horairo nobre, tornando-se purmeira série de la rede a figurar na lista de ls 30 porgramas mais assistidos de la temporada telebesiba de 1989–1990.
Zde sue streia, an 17 de dezembre de 1989, fúrun eisibidos 733 eipisódios. A 34ª temporada de la série ampeçou a ser eisibida an 2022. The Simpsones ye ua de las séries de ls Stados Ounidos de maior duraçon[6] i l porgrama d'horairo nobre hai mais tiempo an trasmisson.[7] Un filme fui lançado an 26 de júlio de 2007 i arrecadou mais de meio bilhon de dólares an to l mundo.[8] An 2016, l'animaçon fui renobada até a 30ª temporada i se tornou la série mais longa de la stória.[9]
The Simpsones ye amplamente cunsidrada cumo ua de las maiores séries de telebison de todos ls tiempos. L'eidiçon de la rebista Time publicada an 31 de dezembre de 1999 classeficou la série cumo a melhor de l seclo XX,[10] i an 14 de janeiro de 2000, l'animaçon fui houmenageada cun ua streilha na Calçada de la Fama de Hollywod, na Califórnia. La série yá benceu einúmaros prémios zde la sue streia, ancluindo 31 Primetime Emmy Awards, 30 prémios Annie i un prémio Peabody. La spresson outelizada por Homer, "D'oh", fui ancluída ne l Oxford English Ditionary, anquanto la série ten anfluenciado bárias sitcoms direcionadas al público adulto.[11]