Reino Ounido de Pertual, Brasil i Algarbes
From Wikipedia, the free encyclopedia
Reino Ounido de Pertual, Brasil i Algarbes fui un stado criado an 16 de dezembre de 1815, cula eilebaçon de l Stado de l Brasil (1549–1815) a reino, ounido cul Reino de Pertual i de ls Algarbes (sue metrópole soberana até anton), debido a la trasferéncia de la corte pertuesa pa l Brasil.
Reino Unido de Portugal, Brasil e Algarves | |||||
| |||||
| |||||
Hino nacional Hymno Patriotico | |||||
Reino Ounido de Pertual, Brasil i Algarbes i las sues colónias | |||||
Cuntinente | Ouropa, América, África, Ásia i Oceania | ||||
Capital | Rio de Janeiro (1815–1821) Lisboua (1821-1822/1825) | ||||
Léngua oufecial | Pertués | ||||
Religion | Catolicismo | ||||
Gobierno | Monarquie
| ||||
Reis | |||||
• 1815–1816 | D. Marie I | ||||
• 1816–1822 | D. Juan VI | ||||
Legislatura | Cortes | ||||
História | |||||
• 16 de dezembre de 1815 | Criaçon de l Reino | ||||
• 24 d'agosto de 1820 | Reboluçon liberal de l Porto | ||||
• 25 d'abril de 1821 | Retorno de la Corte para Pertual | ||||
• 23 de setembre de 1822 | Aprobaçon de la Custituiçon de l Reino Ounido | ||||
• 7 de setembre de 1815 | Andependéncia de l Brasil | ||||
Área | |||||
• 1820 | 8 307 438,298 (Brasil) 92,212 (Pertual) km2 | ||||
População | |||||
• 1820[1] est. | 4 000 000 (Brasil) 3 000 000 (Pertual) | ||||
Moeda | Rial |
Pertual Cuntinental staba na época debedido, zde l seclo XVI, an seis grandes debisones tradecionales. Essas debisones éran, normalmente, zeignadas, até finales de l seclo XVI por "comarcas". A partir d'anton, passórun a ser coincidas por "porbíncias". L Algarbe mantebe l stórico títalo honorífico de "reino" inda que, para todos ls fines, fusse admenistrado cumo ua porbíncia eigual a las restantes. A partir de l seclo XVII, las comarcas passórun a ser subdebisones de las porbíncias, que nun possuían un uorgon d'admenistraçon probincial, sendo an tenermos cebiles, meras ounidades statísticas (éran subdebisones simbólicas). An tenermos melitares cada ua destas porbíncias tenien un comandante melitar territorial, cul títalo de "gobernador de las armas", respunsable pulas tropas de l Ampério Pertués ne l território.
L Reino Ounido de Pertual, Brasil i Algarbes tubo solo dous reis, Dona Marie I (qu'era la Reina de Pertual antes de l'eilebaçon de l Brasil al títalo honorifico de reino, ounido cun Pertual) i Don João BI (que, antes de la sue mai, la Reina Dona Marie I, morrer, yá gobernaba cumo Príncepe-Regente). La purmeira capital de l reino fui la cidade de l Rio de Janeiro, mas passado ls acuntecimientos de la Reboluçon Liberal de l Porto (que mudou l regime político de l Reino dua monarquia absolutista para ua monarquia custitucional), la capital fui trasferida para Lisboua. Durante la bigéncia de l Reino Ounido de Pertual, Brasil i Algarbes, fúrun de sues capitales — purmeiramente l Rio de Janeiro i a partir de 1821 la cidade de Lisboua — que passou a ser eisercida la soberanie de Sue Majestade Fidelíssema sob todas las quelónias de l Ultramar Pertués.
L Brasil declarou sou çmembramiento cula sue andependéncia, a 7 de setembre de 1822, proclamada pul filho de l Rei Don João BI, l príncepe rial D. Pedro de Alcántara de Bergáncia (feturo Amperador D. Pedro I de l Brasil i Rei D. Pedro IB de Pertual), que, antes de l'andependéncia de l Brasil, era l'heirdeiro de l trono cumo Príncepe Rial de l Reino Ounido de Pertual, Brasil i Algarbes. L Brasil, cunsidrando-se andependiente an 1822 i, por cunseguinte, çmembrado de l Reino Ounido de Pertual, Brasil i Algarbes, torna-se Ampério de l Brasil an 12 d'outubre de 1822, cula coroaçon de l Amperador D. Pedro I, cunfirmado an 25 de márcio de 1824, cula outorga de la Custituiçon brasileira de 1824. L recén-formado gobierno brasileiro nun fui reconhecido pul gobierno pertués, qu'inda cunsidraba l Brasil parte antegrante de l Reino Ounido de Pertual, Brasil i Algarbes i que bie ls lhíderes brasileiros cumo rebeldes separatistas qu'habien traído l Ampério Pertués i que nun aceitórun l retorno de l centro político de l Ampério para Lisboua. Depuis de trés anhos de cunflito armado, Pertual finalmente reconheciu l'andependéncia de l Brasil, i an 29 d'agosto de 1825 fui assinado l Tratado de Amisade i Aliança firmado antre Brasil i Pertual. An troca de l reconhecimiento cumo stado soberano, l Brasil se cumprometiu a pagar al Reino de Pertual i de ls Algarbes ua andenizaçon sustancial i assinar un tratado de comércio cul Reino Ounido cumo andenizaçon por sue mediaçon.