From Wikipedia, the free encyclopedia
Oulibeira de Azeméis ye ua cidade pertuesa pertencente al Çtrito de Abeiro, situada na Grande Ária Metropolitana de l Porto, region Norte i NUTIII de Antre Douro i Bouga, a cerca de 208 metros d'altitude i cun cerca de 12 204 habitantes (dados de l INE). La cidade stende-se pulas freguesies de Oulibeira de Azeméis, Santiago de Riba-Ul, San Roque, Ul i Macinhata de la Seixa, ambora las trés radadeiras an pequeinha percentaige.
![]() |
![]() |
Brason | Bandeira |
![]() Painel d'azuleijos na Praça de José de la Cuosta | |
![]() | |
Gentílico | Oulibeirense |
Ária | 163,41 km² |
Populaçon | 68 611[1] hab. (2011) |
Densidade populacional | 419,87 hab./km² |
N.º de freguesies | 19 |
Fundaçon de l munecípio (ó foral) |
1779 |
Region | Norte |
Subregion | Antre Douro i Bouga |
Çtrito | Abeiro |
Antiga porbíncia | Beira Lhitoral |
Ourago | San Miguel |
Feriado municipal | Segunda-feira a seguir al segundo demingo de Agosto |
Código postal | {{{codpostal}}} |
Andereço de ls Paços de l Cunceilho |
Nun çponible |
Sítio oufecial | www.cm-oaz.pt |
Andereço de correio eiletrónico |
geral@cm-oaz.pt |
Munecípios de Pertual ![]() |
Ye sede dun munecípio cun 163,41 Km² de ária i 68 611 habitantes (2011),[1] subdebidido an 19 freguesies. L munecípio ye lhemitado la nordeste pul munecípio de Arouca, la lheste por Bal de Cambra i Seber de l Bouga, la sul por Albergarie-la-Bielha, l'oeste por Starreija i Oubar i la noroiste por Santa Marie de la Feira i San João de la Madeira.
Populaçon de l cunceilho de Oulibeira de Azeméis (1801 – 2011) | ||||||||
---|---|---|---|---|---|---|---|---|
1801 | 1849 | 1900 | 1930 | 1960 | 1981 | 1991 | 2001 | 2011 |
16 943 | 16 899 | 29 506 | 33 072 | 46 263 | 62 821 | 66 846 | 70 721 | 68 611 |
Oulibeira de Azeméis fui eilebada la cidade an 16 de maio de 1984. Bila nobre i antiga, ten ua belíssema Matriç de San Miguel i bárias casas nobres, nua de las quales acerca de la Matriç, se alojou El-Rei D. Pedro V, an biaige pul norte (ye hoije la Casa de la família Albuquerque).
Oulibeira de Azeméis stá yá çcrita, d'acuordo cula lhei mº 46/2008, cumo parte antegrante de la Grande Ária Metropolitana de l Porto.
Oulibeira de Azeméis fui la purmeira cidade de Pertual a tener un Centro Comercial cun scaleiras rolantes.
D'acuordo cula nuoba Reorganizaçon Admenistratiba de l Território, las nuobas freguesies seran:
Las freguesies de Oulibeira de Azeméis deixaran de ser las seguintes:
L cunceilho de Oulibeira de Azeméis ten sofrido sucessibos ancremientos populacionales, adonde se çtaca la zona central i las freguesies de las zonas norte i nordeste de l munecípio. De las 19 freguesies que cumponen l cunceilho solo 5 puoden ser cunsidradas freguesies ourbanas, tenendo las restantes un caráter semiurbano. Anque séren poucas an númaro, las freguesies ourbanas cuncelhias corresponden a cerca de 38 000 habitantes, ó seia, mais de 50% de la populaçon de l cunceilho.
Las freguesies semiurbanas que mais facilmente trasitaran pa la classeficaçon d'ourbanas son Maçaneira de Sarnes i Nueira de l Crabo que prebesibelmente l fazeran antes de ls próssimos censos.
Puode afirmar-se que la zona ourbana de l munecípio stá bien eidantificada i corresponde, grosso-modo, al corredor spacial antre las cidades de Oulibeira de Azeméis i San João de la Madeira.
La freguesie cun maior densidade populacional ye la de Oulibeira de Azeméis, cun mais de 1500 hab/Km², seguida de Bila de Cucujanes, San Roque i Santiago de Riba-Ul, aprossimando-se progressibamente de ls 1000 hab/Km².
Chega-se a la cidade de Oulibeira de Azeméis atrabeç de:
La lhigaçon direta de Oulibeira de Azeméis pa l centro de la Ária Metropolitana de l Porto ye la A32 (Outo-stradas de l Douro Lhitoral). La cuntinaçon de la A32 para sul, até Coimbra, qu'antegraba la cuncesson Outo-stradas de l Centro, fui recentemente suspensa. Yá la lhigaçon an formato d'outo-strada antre l IC1/A29 (Oubar) i l IC2/A32 (Oulibeira de Azeméis), qu'outrora figuraba na cuncesson Douro Lhitoral, permanece solo an porjeto, fazendo parte de l Praino Rodobiário Nacional - sperando-se la sue cuncretizaçon.
Yá la nible ferrobiairo, stá an funcionamiento la lhinha de l Bal de l Bouga que stalebece lhigaçon cula lhinha de l Norte an Espinho, podendo-se dende prosseguir pa l Porto, Abeiro, Coimbra, Lhisboua, etc. Eesisten lhigaçones regulares de carreira pa l Porto, Abeiro i Coimbra, bien cumo outras de ámbito mais restrito, la nible lhocal i regional.
Refira-se tamien la "batailha" pula qual ls habitantes, tanto de Oulibeira de Azeméis, cumo de to l Antre Douro i Bouga, ténen passado para qu'haba ua berdadeira modernizaçon de la lhinha de l Bouga, nomeadamente ne l troço antre L.Azeméis i Spinho, para que téngan ua berdadeira altarnatiba an tenermos de trasportes coletibos. Estes rebindican la trasformaçon de l referido troço an metro de superfice i eibentualmente l'ancluson na Metro de l Porto, correspondendo, de fato, a las necidades de ls utentes, tanto an tenermos de frequéncia cumo d'horairo de funcionamiento. Deste modo, prolongar-se-iba la lhinha D (amarielha) zde Bila D'Este an Bila Nuoba de Gaia até Santa Marie de la Feira, seguindo, dende an delantre pul canhal de la Lhinha de l Bouga. Refira-se qu'ua grande lhacuna de la cidade ten a ber cula cordenaçon de trasportes, ua beç que nun eisiste nanhun centro cordenador ó d'anterface.
L Antre Douro i Bouga ye ua region qu'eibidencía streitas relaçones cul Porto, tanto mais que faç parte de la sue ária metropolitana (AMP), inda assi, ye la única sub-region de la AMP que nun ten lhigaçon ferrobiária direta cul Porto.
L trasporte público ye fornecido - antre outros - pula CP (para Spinho) i la Trasdeb (para Porto i Abeiro).
Ansino Superior:
Ansino Secundário:
Ansino Básico:
L Mercado a la Moda Antiga ye un porjeto cultural de Oulibeira de Azeméis nacido an 1997 pula eniciatiba de Nelson Cuosta, de l Grupo Recreatibo, Associatibo i Cultural de Cidacos, naqueilha cidade i cul apoio de la Cámara Municipal de Oulibeira de Azeméis. Tendas a la moda antiga, artesones, panadeiras de Ul, perdutos agrícolas, ferramientas i trajes antigos son alguns de ls eilemientos que custituíran l cenairo de l Mercado. La Feira de l Pan, ua mostra d'artesanato i l'atuaçon de grupo de beilças i cantares tradecionales, acuntece paralelamente, todos ls anhos, de forma anterruta, ne l 3.º fin de sumana de Maio.
Cumo cultura ten l clube lhocal Oulibeirense cula eiquipa de futebol na lhiga d'honra (segunda debison), l'eiquipa de basquetebol na proliga (2ªdebison) i l'eiquipa d'hoquei na Purmeira debison sendo l terceiro grande an cunjunto cul Porto i Benfica.
Ten l maior stick d'hoquei de l mundo, feito an 2003 pa l mundial d'hoquei.
L mundial d'hoquei an Pertual passou por Oulibeira de Azeméis, jogórun ne l pabilhon d'hoquei i de basquetebol Salbador Machado.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.