Mineral
From Wikipedia, the free encyclopedia
Mineral ye un cuorpo natural sólido i cristalino formado an resultado de la anteraçon de porcessos físico-químicos an ambientes geológicos. Cada mineral ye classeficado i chamado nun solo cun base na sue cumposiçon química, mas tamien na strutura cristalina de ls materiales que l cumponen. An resultado dessa çtinçon, materiales cula mesma cumposiçon química puoden custituir minerales totalmente çtintos an resultado de meras defrenças struturales na forma cumo ls sous átomos ó moléculas se arranjan spacialmente (cumo por eisemplo la grafite i l diamante). Ls minerales barian na sue cumposiçon zde eilemientos químicos, an stado puro ó quaije puro, i sales simples la silicatos cumplexos cun miles de formas coincidas. Ambora an sentido strito l petrólio, l gáç natural i outros cumpuostos ourgánicos formados an ambientes geológicos séian minerales, giralmente la maiorie de ls cumpuostos ourgánicos ye scluída. Tamien son scluídas las sustáncias, mesmo que idénticas an cumposiçon i strutura la algun mineral, porduzidas pula atibidade houmana (cumo por eisemplos ls betones ó ls diamantes artificiales). L studo de ls minerales custitui l oubjeto de la mineralogie.
![Thumb image](http://upload.wikimedia.org/wikipedia/commons/thumb/7/72/Minerals.jpg/220px-Minerals.jpg)