![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/14/Makemake_with_moon.png/640px-Makemake_with_moon.png&w=640&q=50)
Makemake (planeta nano)
From Wikipedia, the free encyclopedia
Makemake (simbolo: ),[1] formalmente zeignado cumo (136472) Makemake, ye l terceiro maior planeta nano de l Sistema Solar i un de ls dous maiores cuorpos de l cintura de Kuiper na populaçon de ls cubewanos. [nota 1] Sou diámetro ye de cerca de trés quartos l de Pluton.[6] Nun ten satélites coincidos, l que l torna único antre ls grandes cuorpos de l cintura de Kuiper. Sue superfice ye cubierta por metano, etano i possiblemente nitrogénio, debido a la sue baixíssema temperatura média de cerca de 30 K (-243,2 °C).[3]
Einicialmente coincido cumo 2005 FY9 i depuis cul código de planeta menor 136472, Makemake fui çcubierto an 31 de márcio de 2005 por ua eiquipe lhiderada por Michael Brown, i anunciado an 29 de júlio de 2005. Recebiu l nome de l dius rapanui Makemake. An 11 de júnio de 2008, la Ounion Astronómica Anternacional (OAI) ancluiu-lo an sue lhista de candidatos potenciales a la classeficaçon de plutoide, ua chamaçon para planetas nanos para alhá de la órbita de Netuno, l qu'eirie poner Makemake al lhado de Pluton, Haumea i Éris. Makemake fui formalmente classeficado cumo plutoide i planeta nano an júlio de 2008.[7][8][9][10]