Mahayana
From Wikipedia, the free encyclopedia
Maaiaana ó mahayana (an sánscrito: महायान, trasl. mahāyāna, "grande beiclo") ye ua palabra classeficatória outelizada ne l budismo, que puode ser ousada de trés maneiras defrentes:
- Cumo tradiçon biba, l maaiana ye la maior de las dues percipales tradiçones de l budismo eisistentes hoije an die, la outra sendo l terabada.
- Cumo galho de la filosofie budista, l maaiana se refre a un nible de prática i motibaçon spritual,[1] más specificamente al Bodhisattbayana' '[2] La alternatiba filosófica ye l hinaiana, que ye l yana ("camino") de Arhat.
- Cumo camino prático, l maaiana ye un de ls trés yanas, ó caminos para la eiluminaçon, ls outros dous sendo l hinaiana i l bajrayana.
Las raízes de l nome mahayana son polémicas[3], i ténen sue ourige nun debate subre quales serien ls reales ansinamientos de l Buda.[4] Ambora l mobimiento maaiana trace sues ourigems la Gautama Buda, l cunsenso oubtido pulas eibidéncias stóricas até hoije andica que tenga se oureginado ne l Sul de la Índia, ne l seclo I d.C..[5] Fui lhebado a la China por Lokaksema, purmeiro tradutor de l sutras maaianas pa l chinés.
La purmeira mençon al maaiana acuntece ne l Sutra de l Lhótus, antre l seclo I a.C. i l seclo d.C..[6] Las purmeiras scrituras maaianas porbablemente se oureginórun durante l seclo I, ne l subcontinente andiano, i se spalhórun para la China durante l segundo seclo.[7] Solo ne l seclo V l maaiana se tornou ua scuola anfluente na Índia.[8] Ne l decorrer de sue stória, l maaiana se spalhou pul Leste de la Ásia. Ls percipales países ne l qual el inda ye praticado son la China, l Japon, la Coréia i l Bietname.
Alguns de ls percipales sutras maaianas, codeficados para sánscrito, nun subrebibírun cul tiempo i se perdírun.[9] Las bersones que fúrun traduzidas más tarde pa l tibetano i l chinés subrebibírun.[9] Las percipales scuolas de l budismo maaiana que possuen un númaro seneficatibo de seguidores son l budismo tibetano, l zen-budismo, la Tierra Pura, l Nichiren, l Shingon i l Tendai.