Isaac Newton
From Wikipedia, the free encyclopedia
Sir Isaac Newton (Wolsthorpe, 4 de Janeiro de 1643 — Lhondres, 31 de Márcio de 1727)[1] fui un cientista anglés, mais recoincido cumo físico i matemático, anque tenga sido tamien astrónomo, alquimista, filósofo natural i teólogo.
Sue obra, Philosophiae Naturalis Principia Mathematica, ye cunsidrada ua de las mais anfluentes an Stória de la ciéncia. Publicada an 1687, esta obra çcribe la lhei de la grabitaçon ounibersal i las trés lheis de Newton, que fundamentórun la macánica clássica.
Sir Isaac Newton | |
---|---|
Newton retratado por Godfrey Kneller 1689 | |
Nacimiento | 4 de Janeiro de 1643 Wolsthorpe, Anglaterra |
Muorte | 31 de márcio de 1727 Lhondres |
Nacionalidade | Anglaterra |
Acupaçon | Cientista |
Percipales antrisses | Ciéncia, química, física, macánica i matemática |
Eideias notables | Lhei Fundamental de la Dinámica, Teorie de la Grabitaçon Ounibersal, Calclo |
Modelo:Portal-st-cien |
Al demustrar la cunsisténcia qu'habie antre l sistema por si eidealizado i las lheis de Kepler de l mobimiento de ls planetas, fui l purmeiro a demustrar que l mobimiento d'oubjetos, tanto na Tierra cumo an outros cuorpos celhestres, son gobernados pul mesmo cunjunto de lheis naturales. L poder ouneficador i profético de sues lheis era centrado na reboluçon científica, ne l'abanço de l heliocentrismo i na difundida noçon de que l'ambestigaçon racional puode rebelar l funcionamiento mais antrínseco de la natureza.
Nua pesquisa promobida pula renomada anstituiçon Royal Society, Newton fui cunsidrado l cientista que causou maior ampato na stória de la ciéncia.[2] De personalidade sóbria, cerrada i solitária, para el, la funçon de la ciéncia era çcubrir lheis ounibersales i einunciá-las de forma percisa i racional.