Classe Yamato
From Wikipedia, the free encyclopedia
Modelo:Anfo/Classe de nabio Ls Couraçados Classe Yamato (an japonés: 大和型戦艦, trasl. Yamato-gata senkan) éran nabios de guerra de la Marina Amperial de l Japon (IJN) custruídos i ouperados durante la Segunda Guerra Mundial. Pesando 73000 toneladas, ls nabios dessa classe éran ls maiores, mais pesados i armados yá custruídos. La classe carregaba la maior artilharie nabal yá eiquipada nun nabio de batailha, nuobe canhones nabales 40cn/45 Type 94 de 460mn, cada un capaç d'atirar 1360kg de projéteis la mais de 42 Km. dous couraçados de la classe (Yamato i Musashi) fúrun custruídos i cuncluídos, anquanto un terceiro (Shinano) fui cumbertido nun puorta-abiones durante sue custruçon.
Debido a l'amenaça de ls submarinos i puorta-abiones norte-amaricanos, tanto Yamato cumo Musashi passórun la maior parte de sues carreiras an bases nabales de Brunei, Truk i Kure—stando dibersas bezes a la çposiçon an defesas contra assaltos amaricanos an bases japonesas —antes de participar de la Batailha de l Golfo de Leyte, cumo parte de la Fuorça Central de l Almirante Kurita. Musashi fui afundado durante l curso de la batailha por aeronabes benidas de ls puorta-abiones amaricanos. Shinano fui afundado dieç dies depuis de sue cumbocaçon an nobembre de 1944 pul submarino USS Archer-Fish, anquanto Yamato fui afundado an abril de 1945 durante la Ouparaçon Ten-Go.
Na béspera de la acupaçon de l Japon puls aliados, oufeciales de l serbício special de la Marina Amperial de l Japon çtruíran todos ls relatórios, zeinhos, maquetes i retratos de ls Couraçados Classe Yamato i relacionados, deixando solo registros fragmentados de las caratelísticas de l zeign i outras questones técnicas. La çtruiçon desses decumientos fui tan eficiente qu'até 1948 las únicas eimaiges coincidas de Yamato i Musashi fúrun aqueilhas oubtidas puls abiones qu'auxeliában la Marina de ls Stados Ounidos ne ls ataques contra ls dous nabios. Anque alguas retratos i anformaçones adicionales de decumientos que nun fúrun çtruídos tenéren benido a a tona durante ls anhos, la perda de la maiorie de ls registros scritos deficulta maiores pesquisas subre la classe Yamato.[1][2] Por causa de la falta de decumientos scritos, buona parte de las anformaçones subre la classe bieno d'antrebistas cun oufeciales japoneses passado la rendiçon de l Japon.[3]