![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2e/433eros.jpg/640px-433eros.jpg&w=640&q=50)
Asteróide
From Wikipedia, the free encyclopedia
Un asteróide[1] ye un cuorpo menor de l sistema solar, giralmente de l'orde d'alguas cientos de quilómetros solo. Ye tamien chamado de planetoide. L termo "asteroide" deriba de l griego "astér", streilha, i "oide", sufixo que denota semelhança.
![Thumb image](http://upload.wikimedia.org/wikipedia/commons/thumb/2/2e/433eros.jpg/640px-433eros.jpg)
Yá fúrun catalogados mais de 500 mil asteroides,[2] sendo que dibersos deilhes inda nun possuen dados orbitales calculados; probabelmente eisisten inda miles d'outros asteroides la séren çcubiertos. Stima-se que mais de quatrocientos mil possuan diámetro superior a un quilómetro.
Ceres era cunsidrado l maior asteroide coincido, tenndo diámetro d'aprossimadamente mil quilómetros, mas zde 24 de Agosto de 2006 passou a ser cunsidrado un planeta nano. Ten brilho bariable, l que ye splicado pula sue forma eirregular, que reflete cumo un speilho la luç de l Sol an dibersas direçones.
Ls asteroides stan cuncentrados nua órbita cuja çtáncia média de l Sol ye de cerca de 2,17 a 3,3 ounidade astronómica, antre las órbitas de Marte i Júpiter. Esta region ye coincida cumo Cintura d'asteróides. Inda assi, drento desta cintura hai dibersas faixas que stan praticamente bazies (son las chamadas Lacunas de Kirkwod), que corresponden la zonas de ressonáncia adonde l'atraçon grabitacional de Júpiter ampede la permanéncia de qualquiera cuorpo celhestre.
Alguns asteroides, inda assi, çcriben órbitas mui scéntricas, aprossimando-se periodicamente de ls planetas Tierra, Bénus i, probabelmente, Marcúrio. Ls que puoden chegar acerca de la Tierra son chamados EGA (earth-grazers ó earth-grazing asteroids). Un deilhes ye l famoso Eros.
Ls asteroides troianos custituen outros spécimes particulares de planetoides qu'orbitan fura de l cinturon.
Hai muitas técnicas outelizadas para se studar las caratelísticas físicas de ls asteroides: fotometrie, spetrofotometrie, polarimetrie, radiometrie ne l'anfrabermelho etc. La superfice de la maior parte deilhes ye cumparable a la de ls meteoritos carbónicos ó la de ls meteoritos pétreos.
D'acuordo culas teories mais modernas, ls asteroides serien resultado de las cundensaçones de la nebulosa solar ouriginal, mas que nun cunseguiran aglomerar to la matéria an buolta na forma dun planeta debido a las perturbaçones grabitacionales probocadas pul gigantesco planeta Júpiter. Outra teorie afirma qu'ende eisistia un planeta, mas que fui çtroçado pula sue prossimidade cun Júpiter.