Angola ye ua república na cuosta oucidental africana, delimitada la norte i la leste pula República Democrática de l Cungo, la leste pula Zámbia, la sul pula Namíbia i la oeste pul Ouceano Atlántico. Angola anclui tamien l anclabe de Cabinda, atrabeç de l qual faç tamien frunteira cula República de l Cungo, la norte.
![Thumb](http://upload.wikimedia.org/wikipedia/commons/thumb/9/9d/Flag_of_Angola.svg/640px-Flag_of_Angola.svg.png)
![Thumb](http://upload.wikimedia.org/wikipedia/commons/thumb/c/c5/LocationAngola.svg/640px-LocationAngola.svg.png)
Ua antiga porbíncia ultramarina pertuesa, Angola fui quelonizada a partir de ls finales de l seclo XV, na sequéncia de las biaiges de l nabegador pertués Diogo Cão, tenendo alcançado l'andependéncia a 11 de nobembre de 1975. Antre 1975 i 2002, Angola fui fustigada por ua guerra cebil, l mais longo cunflito an África, que causou meio milhon de muortos. Anque de la maior parte de la populaçon bibir na probeza, Angola detén recursos naturales cunsidrables, sendo l segundo maior pordutor de petrólio[1] i sportador de diamantes de la África susariana. Segundo l Fondo Monetário Anternacional, mais de 4 mil milhones de dólares amaricanos tenerien zaparecido de la tesourarie de Angola na década de 2000. An 2000 fui assinado un acordo de paç cula FLEC, ua guerrilha que luita pula libertaçon de Cabinda i qu'inda stá atiba.[2] Daqueilha region sal cerca de 65% de l petrólio de Angola.
Angola ye ua república persidencialista multipartidária zde 1992. La capital i maior cidade de Angola ye Luanda.
Angola cunta cun cerca de dues dezenas de lhénguas nacionales, antre las quales l quicongo, l quimbundo, l chocué i l umbundo. L pertués, única léngua oufecial, ye ousado por 60% de ls angolanos, metade de ls quales l ten cumo lhéngua materna.
Refréncias
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.