![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8d/Encyclop%25C3%25A9die_de_Diderot%252C_plate_1-143.jpg/640px-Encyclop%25C3%25A9die_de_Diderot%252C_plate_1-143.jpg&w=640&q=50)
Anatomie
From Wikipedia, the free encyclopedia
Anatomie (de l griego antigo ἀνατομή [anatome], "secionar"), ye l ramo de la biologie ne l qual se stúdan la strutura i ourganizaçon de ls seres bibos, tanto sterna quanto anternamente.
![Thumb image](http://upload.wikimedia.org/wikipedia/commons/thumb/8/8d/Encyclop%C3%A9die_de_Diderot%2C_plate_1-143.jpg/640px-Encyclop%C3%A9die_de_Diderot%2C_plate_1-143.jpg)
Alguns outores ousórun esta palabra ancluindo na anatomie eigualmente l studo de las funçones bitales (respiraçon, digeston, circulaçon sanguínea, etc) para que l ourganismo biba an eiquilíbrio cul meio ambiente. Segundo esta definiçon, mais lhata, la anatomie ye de cierta forma l eiquibalente a la morfofisiologie (de l griego morphe, forma + logos, rezon, studo).
La anatomie houmana (ber ambaixo), la anatomie begetal i la anatomie cumparada son specializaçones de la anatomie. Na anatomie cumparada faç-se l studo cumparatibo de la strutura de defrentes animales (ó plantas) cul oubjetibo de berificar las relaçones antre eilhes, l que puode eilucidar subre aspetos de la sue eiboluçon.