![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/20/Estremoz13.jpg/640px-Estremoz13.jpg&w=640&q=50)
Amplantaçon de la República Pertuesa
From Wikipedia, the free encyclopedia
La Amplantaçon de la República Pertuesa fui l resultado dun golpe de stado ourganizado pul Partido Republicano Pertués que, ne l die 5 d'outubre de 1910, çtituiu la monarquie i amplantou un regime republicano an Pertual.
![Thumb image](http://upload.wikimedia.org/wikipedia/commons/thumb/2/20/Estremoz13.jpg/640px-Estremoz13.jpg)
La subjugaçon de l paíç als antrisses coloniales británicos[1], ls gastos de la família rial[2], l poder de la eigreija, l'anstabelidade política i social, l sistema d'altarnáncia de dous partidos ne l poder (ls progressistas i ls regeneradores), la ditadura de João Franco[3], l'aparente ancapacidade d'acumpanhar l'eiboluçon de ls tiempos i se adatar a la modernidade — todo cuntribuiu para un porcesso d'eiroson de la monarquie[4] pertuesa de l qual ls defensores de la república, particularmente l Partido Republicano, soubírun tirar l melhor probeito[5]. Por cuntrapunto, l partido republicano apersentaba-se cumo l único que tenie un porgrama capaç de debolber al paíç l prestígio perdido i poner Pertual na senda de l porgresso.[6]
Passado la eisitaçon de l'eisército an cumbater ls cerca de dous mil suldados i marenheiros reboltosos antre 3 i 4 d'outubre de 1910, la República fui proclamada a las 9 horas de la manhana de l die seguinte de la baranda de ls Paços de l Cunceilho de Lhisboua[7]. Passado la reboluçon, un gobierno probisório xefiado por Teófilo Braga derigiu ls çtinos de l paíç até a l'aprobaçon de la Custituiçon de 1911 que dou ampeço a la Purmeira República.[8] Antre outras mudanças, cula amplantaçon de la república, fúrun sustituídos ls simblos nacionales: l hino nacional i la bandeira[9][10]