Opossum ġurdien ta' denbu oħxon

L-Opossum ġurdien ta' denbu oħxon jista jkun wieħed minn għaxar speċi ta' opossumi magħrufin xjentifikament bħala Thylamys sp. jew l-ispeċi kollha fil-ġeneru Thylamys.

Opossum ġurdien ta' denbu oħxon
Thylamys elegans
Klassifikazzjoni xjentifika
Renju:	Animalia
Phylum:	Chordata
Klassi:	Mammalia
Sottoklassi:	Theria
Infraklassi:	Metatheria
Superordni:	Ameridelphia
Ordni:	Didelphimorphia (Gill,1872)
Familja:	Didelphidae (Gray,1821)
Sottofamilja:	Didelphinae
Ġeneru:	Thylamys (Gray,1843)
Speċi
Thylamys cinderella Thylamys elegans Thylamys karimii Thylamys macrurus Thylamys pallidior Thylamys pusillus Thylamys sponsorius Thylamys tatei Thylamys velutinus Thylamys venustus

Dawn huma mammiferi marsupjali, membri tat-tribù Thylamyini, fis-sottofamilja Didelphinae, fil-familja Didelphidae (didelfidi), tal-ordni Didelphimorphia (didelfimorfji), nattivi tal-kontinent tal-Amerika t'Isfel.

L-opossumi ġrieden ta' denbhom oħxon huma marsupjali żgħar li ġeneralment ikunu jiżnu bejn 18 u 55 gramma u jikbru bejn 7 u 15-il ċentimetru eskluż id-denb ta' bejn 9 u 16-il ċentimetru ieħor. Il-membri kollha ta' dan il-ġeneru kif jgħid isimhom, għandhom denbhom minfuħ u oħxon. Dan huwa addattament għall-abitat f'elevazjoni għolja li jgħixu fiħ dawn l-opossumi u b'hekk għandhom il-kapaċità li jaħżnu x-xaħam f'denbhom biex dan jintuża' fi żmenijiet kesħin meta jkun hemm nuqqas ta' ikel.

Thylamys sp. huma ta' abitudni notturna u l-quċċata tal-attività tagħhom tintlaħaq bil-lejl, b'attività minima ħafna matul il-ġurnata. Dawn il-marsupjali jippreferu jgħixu f'abitat ta' foresti subtropikali u tropikali umdi normalment fil-muntanji jew f'elevazjonijiet għolja. Dawn il-mammiferi huma kemm arborji, jew jgħixu fis-siġar, kif ukoll terrestri jew jgħixu fuq l-art.

Dieta

L-Opossumi grazzjużi huma mammiferi marsupjali primarjament insettivori u d-dieta prinċipali tagħhom tikkonsisti minn insetti varji, għalkemm frott, bajd tal-għasafar u annimali vertebrati żgħar bħal gremxul u ġrieden xi kultant huma inklużi fid-dieta wkoll.

Distribuzjoni

Dawn l-opossumi għandhom distribuzjoni vasta fil-kontinent tal-Amerika t'Isfel u jinsabu mifruxin fl-Arġentina, il-Bolivja, il-Brażil, iċ-Ċili, il-Paragwaj u l-Peru.

Klassifikazjoni

• Ordni Didelphimorphia
  • Superfamilja Didelphoidea
    • Familja Didelphidae
      • Sottofamilja Didelphinae
        • Tribù Thylamyini
          • Ġeneru Thylamys
            • Opossum ġurdien ta' denbu oħxon ta' Cinderella, Thylamys cinderella (Thomas,1902)
            • Opossum ġurdien ta' denbu oħxon eleganti, Thylamys elegans (Waterhouse,1839)
            • Opossum ġurdien ta' denbu oħxon ta' Karimi, Thylamys karimii (Petter,1968)
            • Opossum ġurdien ta' denbu oħxon tal-Paragwaj, Thylamys macrurus (Olfers,1818)
            • Opossum ġurdien ta' denbu oħxon ta' żaqqu bajda, Thylamys pallidior (Thomas,1902)
            • Opossum ġurdien ta' denbu oħxon komuni, Thylamys pusillus (Desmarest,1804)
            • Opossum ġurdien ta' denbu oħxon arġentat, Thylamys sponsorius (Thomas,1921)
            • Opossum ġurdien ta' denbu oħxon ta' Tate, Thylamys tatei (Handley,1957)
            • Opossum ġurdien ta' denbu oħxon nanu, Thylamys velutinus (Wagner,1842)
            • Opossum ġurdien ta' denbu oħxon ta' żaqqu kannella fl-isfar, Thylamys venustus (Thomas,1902)

Referenzi

• Braun, J. K., Ronald A. Van Den Bussche, Philip K. Morton, and Michael A. Mares. 2005. Phylogenetic and biogeographic relationships of mouse opossums Thylamys (Didelphimorphia, Didelphidae) in southern South America.
• Gardner, Alfred (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press, 3-18. ISBN 0-801-88221-4
• Informazzjoni dwar l-ispeċi ta' Opossum ta' denbhom oħxon: Thylamys
• Tassonomija tal-Mammiferi

Ħoloq esterni

• New World Marsupial Specialist Group 1996.Thylamys elegans In: IUCN 2006. 2006 IUCN Red List of Threatened Species. Downloaded on 19 January 2007.
• New World Marsupial Specialist Group 1996.Thylamys macrurus In: IUCN 2006. 2006 IUCN Red List of Threatened Species. Downloaded on 19 January 2007.
• New World Marsupial Specialist Group 1996.Thylamys pallidior In: IUCN 2006. 2006 IUCN Red List of Threatened Species. Downloaded on 19 January 2007.
• New World Marsupial Specialist Group 1996.Thylamys pusillus In: IUCN 2006. 2006 IUCN Red List of Threatened Species. Downloaded on 19 January 2007.
• New World Marsupial Specialist Group 1996.Thylamys velutinus In: IUCN 2006. 2006 IUCN Red List of Threatened Species. Downloaded on 19 January 2007.
• Informazzjoni ġenerali u lista varja ta' membri fil-ġeneru Thylamys
• Infonatura, sit b'informazjoni dwar il-fawna tal-kontinent tal-Amerika t'Isfel inklużi il-marsupjali tal-ġeneru Thylamys