Joseph Calleja

Joseph Calleja (twieled fit-22 ta' Jannar 1978) huwa tenur Malti. Beda jkanta meta kellu 16-il meta skoprieh it-tenur Brian Cefai u mbagħad kompla jistudja taħt Pawlu Asciak. Ta' 19-il sena għamel id-debutt operistiku tiegħu bħala Macduff fl-opra Macbeth ta' Verdi fit-Teatru Astra ta' Għawdex u wara, fl-istess sena rebaħ premju fil-konkors internazzjonali tal-kant Hans Gabor Belvedere. Fl-1998, rebaħ il-konkors internazzjonali tal-kant liriku Enrico Caruso f'Milan u fl-1999 rebaħ il-premju CulturArte fil-konkors internazzjonali tal-opra Operalia mwaqqaf minn Plácido Domingo.^[1] Joseph Calleja hu meqjus bħala wieħed mit-tenuri żgħażagħ l-iżjed promettenti tas-seklu 21.^[2]

Joseph Calleja
Ħajja
Twelid	Ħ'Attard, 22 Jannar 1978 (47 sena)
Nazzjonalità	Malta
Okkupazzjoni
Okkupazzjoni	kantant tal-opri mużiċist
Premjijiet	List International Opera Awards  (2014)
Tip ta' leħen	tenur
Strument/i tal-mużika	vuċi

Fit-2 ta' Novembru 2012, l-Università ta' Malta onorat lil Joseph Calleja bid-Dottorat fil-Letteratura Honoris Causa bħala rikonoxximent tal-kisbiet tiegħu bħala tenur ta' fama internazzjonali.^[3]

Suċċessi internazzjonali

Fl-Ewropa, Calleja kanta f'ħafna teatri tal-opra fosthom ir-Royal Opera House f'Londra, fil-Wiener Staatsoper ta' Vjenna, fl-Oper Frankfurt, id-Deutsche Oper Berlin, l-Opéra national du Rhin f'Strasburgu, it-Teatre Principal f'Minorca, il-Gran Teatre del Liceu ta' Barċelona, il- Concertgebouw f'Amsterdam u ħafna oħrajn.

Fl-Istati Uniti, Calleja kanta fil-Metropolitan Opera ta' New York, il-Houston Grand Opera, il-Los Angeles Opera, is-Seattle Opera, il-Washington National Opera, u s-Civic Opera House ta' Chicago.

Calleja irrekordja żewġ CDs, ma' DeccaClassic, ta' arji mill-opri: Tenor Arias u The Golden Voice. F'Lulju tal-2011, it-tielet album solo ta' Calleja, Joseph Calleja – The Maltese Tenor laħaq it-tieni post fil-klassifika Ġermaniża^[4] u mill-ewwel laħaq l-ewwel post fil-Billboard Classical Traditional chart tal-Istati Uniti.^[5]

Joseph Calleja kien nominat Artista tas-Sena 2012 tar-rivista Gramophone. Fl-istess sena, Calleja inħatar bħala l-ewwel ambaxxatur kulturali ta' Malta.

Kunċerti

• Fid-19 ta' Lulju 2009, kanta ma' Michael Bolton.
• F'Lulju 2010, kanta ma' Dionne Warwick u Riccardo Cocciante mal-kor tiegħu ta' mitt tifel u tifla.
• Fid-9 ta' Lulju 2011, Calleja kanta f'kunċert anwali dedikat għalih mas- soprano Hayley Westenra minn Christchurch u l-kantant Taljan Lucio Dalla fuq il-Fosos tal-Furjana.^[6]
• Fit-8 ta' Diċembru 2011, Calleja kanta fil-kunċert tal-Premju Nobel għall-Paċi tal-2011 f'Stokkolma.^[7]
• Fit-8 ta' Settembru 2012, Calleja kanta fil-Last Night of Proms 2012.^[8]
• Fit-18 ta' Jannar 2013, Calleja kanta Pariġi fit-Théâtre des Champs-Elysées.
• Fil-31 ta' Jannar 2013, Calleja kanta fil-Concertgebouw f'Amsterdam, mal-Orquesta Sinfónica de Navarra, immexxija minn Frédéric Chaslin.
• On 1 August 2013, Calleja kanta ma' Zucchero, Rebecca Ferguson, Gianluca Bezzina, Riccardo Cocciante u Tenisha. Kien akkumpanjat mill-kor tiegħu. Il-kunċert sar fuq il-Fosos tal-Furjana mal-Orkestra Nazzjonali Maltija mmexxija mill-Mro. Steven Mercurio.^[9]

Recordings u videos

• 2003: DVD ta' Maria Stuarda, b'Calleja fil-parti ta' Leicester, irrekordjata mill-Fondazione Orchestra Stabile de Bergamo
• 2004: Diska solo, Tenor Arias, diretta minn Riccardo Chailly bl-Orchestra Sinfonica e Coro di Milano
• 2004: "Puccini Discoveries": Cantata Cessato il suon dell'armi, diretta minn Riccardo Chailly mal-Orchestra Sinfonica e Coro di Milano
• 2005: Diska solo, The Golden Voice, diretta minn Carlo Rizzi mal-Academy of St Martin in the Fields
• 2009: CD ta' I Capuleti e i Montecchi b'Calleja fil-parti ta' Tebaldo, diretta minn Fabio Luisi
• 2010: DVD ta' Simon Boccanegra b'Calleja fil-parti ta' Gabriele Adorno b'Plácido Domingo fil-parti prinċipali; irrekordjata fir-Royal Opera House', Covent Garden, Londra
• 2011: DVD of La traviata b'Calleja fil-parti ta' Alfredo Germont, irrekordjata fir-Royal Opera House', Covent Garden, Londra (nominata għal Grammy)
• 2011: Diska solo, The Maltese Tenor, mal-Orchestre de la Suisse Romande
• 2012: Diska solo, "Be My Love - A Tribute to Mario Lanza", BBC Concert Orchestra

Calleja deher bħala mistieden fl-album ta' Renée Fleming, By Request, fejn kanta l-parti ta' Alfredo fl-aħħar xena tal-ewwel att ta' La traviata. Ir-recording ta' "La donna è mobile" mir-Rigoletto ta' Verdi jinstema' fis-soundtrack tal-film ta' 2007 No Reservations, li taħdem fih Catherine Zeta-Jones.

The Golden Voice u Tenor Arias qalgħu ħafna tifħir kritiku u popolari u t-tejn ġew nominati bħala l-għażla tal-Editur fir-rivista Gramophone.

Singli

• 2012: "Be My Love" (laħqet ir-raba' post f'Tracklisten, il-Klassifika Daniża tas-Singli)

Film

Joseph Calleja jaħdem il-parti tat-tenur Enrico Caruso fil-film ta' James Gray The Immigrant, li jaħdmu fih ukoll Joaquin Phoenix u Marion Cotillard.

Repertorju

• Zephoris f'Si j'étais roi (Adolphe Adam)
• Tebaldo f'I Capuleti e i Montecchi (Vincenzo Bellini)
• Arturo f'I puritani (Bellini)
• Elvino f'La sonnambula (Bellini)
• Lind f'Isabella (Azio Corghi)
• Nemorino f'L'elisir d'amore (Gaetano Donizetti)
• Edgardo f'Lucia di Lammermoor (Donizetti)
• Leicester f'Maria Stuarda (Donizetti)
• Ernesto f'Don Pasquale (Donizetti)
• Roberto Devereux f'Roberto Devereux (Donizetti)
• Faust f'Faust (Charles Gounod)
• Roméo f'Roméo et Juliette (Gounod)
• Don Ottavio f'Don Giovanni (Mozart)
• Rodolfo f'La bohème (Giacomo Puccini)
• Rinuccio f'Gianni Schicchi (Puccini)
• Count Almaviva f'Il barbiere di Siviglia (Gioachino Rossini)
• Fenton f'Falstaff (Giuseppe Verdi)
• Edoardo di Sanval f'Un giorno di regno (Verdi)
• Macduff f'Macbeth (Verdi)
• The Duke f'Rigoletto (Verdi)
• Alfredo f'La traviata (Verdi)
• Hoffmann f'Les contes d'Hoffmann (Jacques Offenbach)
• Ruggiero f'La rondine (Puccini)
• Nicias f'Thaïs (Jules Massenet)
• Pinkerton f'Madama Butterfly (Puccini)
• Gabriele Adorno f'Simon Boccanegra (Verdi)
• Fritz f'L'amico Fritz (Pietro Mascagni)
• Nadir f'Les pêcheurs de perles (Georges Bizet)