From Wikipedia, the free encyclopedia
Alejandro Scopelli Casanova (twieled fit-12 ta' Mejju 1908 – miet fit-23 ta' Ottubru 1987) kien plejer u kowċ tal-futbol Arġentin, b'ċittadinanza Taljana. Bħala attakkant hu lagħab mat-tim nazzjonali Arġentin bejn l-1929 u l-1941, fejn lagħab fl-ewwel Tazza tad-Dinja. Hu wkoll irrappreżenta lit-tim nazzjonali Taljan f'logħba waħda.[1]
 Scopelli fl-1931 | |||
| Informazzjoni personali | |||
|---|---|---|---|
| Isem sħiħ | Alejandro Scopelli Casanova | ||
| Twelid | 12 ta' Mejju 1908 La Plata, Arġentina | ||
| Mewt | 23 ta' Ottubru 1987 (79 sena) Belt tal-Messiku, Messiku | ||
| Tul | 1.73 m | ||
| Rwol | Attakkant | ||
| Karriera professjonali | |||
| Snin | Klabb | ||
| 1928–1933 | Estudiantes | ||
| 1933–1935 | Roma | ||
| 1936 | Racing Club | ||
| 1936–1937 | Red Star | ||
| 1938–1939 | RCF Paris | ||
| 1939–1941 | Belenenses | ||
| 1941 | Universidad de Chile | ||
| Tim nazzjonali | |||
| 1929–1937 | Arġentina | ||
| 1935 | Italja | ||
| Timijiet ikkowċjati | |||
| 1939–1941 | Belenenses | ||
| 1941–1945 | Universidad de Chile | ||
| 1947–1948 | Belenenses | ||
| 1948–1949 | Porto | ||
| 1949–1950 | Deportivo de La Coruña | ||
| 1950–1952 | Universidad de Chile | ||
| 1952–1954 | RCD Español | ||
| 1955–1956 | Sporting CP | ||
| 1956–1957 | Celta de Vigo | ||
| 1957–1959 | Granada | ||
| 1962–1963 | Valencia | ||
| 1963–1964 | Espanyol | ||
| 1964–1965 | Club América | ||
| 1966–1967 | Ċili | ||
| 1970 | Club América | ||
| 1972–1974 | Belenenses | ||
| 1978–1979 | Club América | ||
Scopelli beda l-karriera tiegħu f'art twelidu ma' Estudiantes, fejn għamel parti mill-iskwadra leġġendarja magħrufha bħala Los Profesores. Fl-1931 skorja 31 gowl fil-kampjonat, fejn ġie maqbuż mill-kollega tiegħu Alberto Zozaya bi 33. Mat-tim nazzjonali Arġentin ħa sehem fit-Tazza tad-Dinja tal-1930, fejn lagħab fis-semifinali mirbuħa kontra l-Istati Uniti u skorja gowl fir-rebħa ta' 6–1.[2]
Fl-1933, Scopelli mar l-Italja u ssieħeb ma' Roma. Matul dan il-perjodu ġab iċ-ċittadinanza Taljana (bħala oriundo) u lagħab bil-flokk tat-tim nazzjonali Taljan fil-konfront kontra Franza tas-17 ta' Frar 1935.[3]
Nhar l-20 ta' Settembru 1935, flimkien ma' sħabu Enrique Guaita u Andrés Stagnaro, ukoll Taljani-Arġentini, ħarbu bil-moħbi lejn il-fruntiera tal-Italja u Franza, bil-biża li setgħu jiġu skjerati fl-eżerċitu għall-Gwerra tal-Etjopja.[4]
Fl-1936, Scopelli reġa' lura l-Arġentina biex jilgħab ma' Racing Club de Avellaneda u għal darb'oħra ġie msejjaħ mat-tim nazzjonali Arġentin. Hu ħa sehem fil-Copa América tal-1937 u skorja żewġ gowls.
Fil-karriera tiegħu lagħab ukoll fi Franza ma' Red Star ta' Pariġi;[5] mal-bidu tat-Tieni Gwerra Dinjija mar f'territorju newtrali biex jilgħab fil-Portugall ma' Belenenses. Hu temm il-karriera lura fl-Amerika t'Ifel biex jilgħab fiċ-Ċili ma' Universidad de Chile
Wara li rtira, sar kowċ ta' numru ta' klabbs fosthom Club América fil-Messiku, Valencia, Espanyol u Deportivo de La Coruña fi Spanja, Belenenses, Sporting CP u Porto fil-Portugall, u Universidad de Chile.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
